08:45, 20 - قازان 2019 | GMT +6
مانساپقا قىزىعۋشىلىق 7 جاسقا دەيىن قالىپتاسادى - زەرتتەۋ
نۇر-سۇلتان. قازاقپارات - OECD حالىقارالىق ەكونوميكالىق ورتالىعىنىڭ عالىمدارى ادامنىڭ مانساپقا قۇمارلىعى 7 جاسقا دەيىن قالىپتاساتىنىن انىقتادى، دەپ جازادى bbc.
باسىلىمنىڭ جازۋىنشا، جەتى جاستان كەيىنگى وزگەرىستەر مانساپقا قىزىعۋشىلىققا ەش اسەر ەتپەيدى.
«OECD حالىقارالىق ەكونوميكالىق ورتالىعى ماماندارىنىڭ ايتۋىنشا، جەتى جاسقا دەيىن بالا ماماندىق تاڭداي الماسا دا، مانساپتا قانشالىقتى بيىككە جەتەتىنى سول كەزدە قالىپتاسادى. اسىرەسە، الەۋمەتتىك جاعدايى جاقسى ورتادا وسكەن نەمەسە جوعارى لاۋازىمدى ادامداردى كەزدەستىرگەن بالالار بولاشاقتا ءوز سالاسىندا بيىككە ورلەيدى. سوندىقتان دا باستاۋىش مەكتەپتەردە وقۋشىلاردى ەڭبەك نارىعىمەن تانىستىرۋدى باستاۋ كەرەك»، دەپ جازادى اۆتور.
مامانداردىڭ ايتۋىنشا، مانساپقۇمارلىق بەيسانالى تۇردە قالىپتاسادى.
اۆتور: ايكۇمىس بولاتبەك