مەكتەپ قابىرعاسىندا ءجۇرىپ بايىپ ۇلگەرگەن 7 وقۋشى
روبەرت كييوساكيدىڭ «باسقالار بايقاماعاندى كورە ءبىلۋ جەتىستىككە جەتۋدىڭ نەگىزگى كىلتى» دەگەن ءسوزى بار ەدى.
كريستيان وۋەنس
قاشان: 16 جاسىندا‑اق العاشقى ميلليوندارىنا قول جەتكىزگەن.
قالاي: Branchr اتتى كونسۋلتاتيۆيتىك ينتەرنەت‑جوباسىن قۇردى.
مارك تسۋكەربەرگتىڭ داڭقى مەكتەپ كومانداسىنىڭ سپورتشىلارىنان باستاپ، باسقا دا وقۋشىلارعا ءوز الدىنا جاڭا ايقىن ماقسات قويۋىنا ىقپال ەتتى: ميدى ىسكە قوسىپ، ۇلكەن تابىسقا كەنەلۋ. بريتاندىق وقۋشى كريستيان وۋەنس باستاۋىش سىنىپتا وقيتىن كەزىندە‑اق كومپيۋتەر الدىنا جايعاسىپ ۇلگەردى: ول 7 جاسىندا ۆەب‑پاراقشالاردى جاساۋمەن بەلسەندى اينالىستى. كريستيان 14 جاسىندا ەپپل قوسىمشاسىنىڭ ساتىلىم توپتاماسى پرينسيپتەرىنىڭ باستاماسىن جەڭىلدىكپەن الا وتىرىپ، ءوزىنىڭ العاشقى بيزنەس جوباسىن تانىستىردى، ءسويتىپ ودان تۇسكەن تابىستان ونى ازىرلەۋشىلەرمەن قاتار 700 000 فۋنت الىپ وتىردى. ول 16 جاسىندا قوسىمشالاردىڭ ساتىلىم پرينتسيپتەرىن ودان ءارى جاقسارتا ءتۇسىپ، VoteBundle اتالاتىن ءوزىنىڭ تاعى ءبىر جوباسىن ازىرلەدى. ال، كەيىنىرەك Branchr اتتى «باتىرمانى باسقانىڭىز ءۇشىن تولەۋ» سىزبانۇسقاسى بويىنشا جۇمىس جاسايتىن، جارنامالىق سايتىن جاساپ شىعاردى، وسىلايشا ول ەكى جىلدا ءوزىنىڭ العاشقى ميلليون دوللارلارىنا قول جەتكىزدى.
ءوز ءسوزى:
«مەنىڭ ماقساتىم - الەمدىك ينتەرنەت يندۋسترياسى مەن موبيلدىك جارنامادا كوشباسشى بولۋ. مەن 10 -جىلدان كەيىن قايدا جۇمىس جاسايتىنىمدى بىلمەيمىن، ءبىراق Branchr-دىڭ كاپيتالى 100 ميلليون فۋنت ستەرلينگكە جەتكەنگە شەيىن، ونى ازىرگە تاستاپ قويمايتىنىمدى ناقتى ايتا الامىن».
اندرەي تەرنوۆسكي
قاشان: العاش 17 جاسىندa 10000 $-عا قول جەتكىزگەن.
قالاي: Chatroulette اتتى قۇپيا قارىم‑قاتىناس جانە تانىسۋعا ارنالعان سايت جاسادى.
اندرەي 9-سىنىپتا وقيتىن كەزىندە وقۋعا دەگەن قىزىعۋشىلىعىنىڭ بولماۋىنان ءارى ساباققا ۇلگەرىمى ناشار بولۋىنىڭ سالدارىنان ونىڭ وقۋدان شىعارىلۋ ءقاۋپى ءتونىپ تۇردى. ول كۇندىز‑تۇنى ءوز ۋاقىتىن كومپيۋتەر الدىندا وتكىزگىسى كەلدى. ناتيجەسىندە، ەكى تاۋلىك ىشىندە ول چات‑رۋلەتكا سايتىنىڭ «شيكى» نۇسقاسىن جاساپ شىعاردى، وندا ۆيرتۋالدى سۇحباتتاسۋشى سەرىگىڭىزدى كەزدەيسوق جاعدايدا تاڭداۋىڭىزعا بولادى. سايتتىڭ اتاۋىنا «ورىس رۋلەتكاسىندا» ويناۋعا ماجبۇرلەگەن، ۆەتنامداعى اسكەري تۇتقىندار جونىندەگى «بۇعى اڭشىلىعى» اسكەري دراماسى ونى شابىتتاندىرا ءتۇستى.
اتالمىش سايتتى شىعارعاننان كەيىن وندا كۇندەلىكتى كىرۋشىلەر سانى بىردەن ارتىپ، شامامەن 500 گە جەتسە، ال ءبىر ايدان سوڭ شامامەن 50 مىڭنان اسىپ ءتۇستى. باستاپقى كەزدە سايت قولدانۋشىلارىن ارتتىرۋ ءۇشىن ينتەرنەت‑جارنامالار مەن ونلاين‑تانىستىق سىلتەمەلەرىن قولداندى. كەيىنىرەك بۇل قىزمەت ءتۇرى «You have 0 friends» سەرياسىمەن «يۋجنىي پارك»‑تە جارىق كوردى.
ءوز ءسوزى:
«مەن ناشار بيزنەسمەنمىن، مەن مونەتيزاتسيالاۋدان گورى، بۇدان دا تانىمال قىزمەت ءتۇرىن جاساپ شىعارعىم كەلەدى».
قاشان: 16 جاسىند a Waitrose سۋپەرماركەتى جەلىسىمەن توساپ جەتكىزۋ جونىندە كەلىسىمشارتقا قول قويىپ، كوپ ۇزاماي فيرما كىرىسى 1000000$- دان اسىپ ءتۇستى.
قالاي: توساپ وندىرىسىندە وعان قانت قوسپاي، تەك جەمىس‑جيدەكتەرمەن دايىنداۋدىڭ تەحنولوگياسىن جاساپ شىعاردى.
بۇل وقيعا ءبىزدىڭ اياعىمىزدىڭ استىندا جاتقان مۇمكىندىكتەردى قانشالىقتى شەبەر پايدالانا وتىرىپ، ونى ىسكە اسىرا ءبىلۋ جونىندە وربىمەك. 14 جاسار ەدينبۋرجدىق اجەسىنىڭ رەتسەپتى بويىنشا دجەم جاساۋعا قىزىقتى. جەرگىلىكتى تۇرعىندار سىنامانى بىر‑ەكى رەتتىك تاتىپ كورۋىنەن سوڭ، «قولدان جاسالعان» توساپقا توقتاۋسىز ءوتىنىش بىلدىرۋشىلەردىڭ سانى ارتا ءتۇسىپ، فرەيزەر جەكە تاپسىرىستار الا باستادى.
ونىڭ بۇل باستاماسى Super Jam دەگەن اتاۋعا يە بولدى، ال بۇل بيزنەستىڭ جاس قوجايىنى مەكتەپتە ءبىلىم الۋ نەمەسە ءوز ءىسىن اقىرىنا دەيىن جالعاستىرۋدىڭ اراسىندا سوڭعى تاڭداۋىن جاسادى. وعان مەكتەپ كۋالىگىن الۋ تالاپتارىنان باس تارتۋ كەدەرگى جاساي قويعان جوق، كوپ ۇزاماي ەكى جىلدىڭ توڭىرەگىندە Waitrose سۋپەرماركەتى جەلىسىمەن جانە باسقا دا بىرنەشە جەلىلەرمەن كەلىسىمشارتقا وتىرۋ مۇمكىندىگىنە يە بولدى. فرەيزەر Super Jam-دى ۇلعايتۋمەن قاتار قايىرىمدىلىق جوبالارىنا، اتاپ ايتقاندا The Super Jam Tea Parties‑كە قولداۋ كورسەتىپ وتىردى. اتالمىش شارانىڭ ەرىكتىلەرى جالعىز باستى قارتتارعا ءشاي بەرۋ كەشىن ۇيىمداستىرۋمەن اينالىسادى.
ءوز ءسوزى:
«مەنى العاش كورپوراتيۆتىك جينالىسقا شاقىرعان كەزدە، وزىمنەن شامامەن ءبىر جارىم ەسە ۇلكەن بولعان اكەمنىڭ كوستيۋمىن كيىپ بارعانمىن».
قاشان: 16 جاسىندا 30000000 $ تابىس تاپتى.
قالاي: iPhone قولدانۋشىلارىنا ارنالعان ونىڭ جارنامالىق كونتەنتىن وڭدەيتىن قوسىمشاسىن جاساپ شىعاردى دا، كەيىن ونى Yahoo كومپانياسىنا ساتىپ جىبەردى.
نيك مەكتەپ قابىرعاسىندا وقىپ جۇرگەن كەزىندە‑اق Yahoo كومپانياسىمەن مامىلەگە كەلىپ ۇلگەردى، الايدا كومپانيا كوپ ۇزاماي ساتىپ الىنعان جوبانى جاپتى. نيك بەدەلدى جەكەمەنشىك مەكتەپتەردىڭ بىرىندە وقىعان جانە بۇل رەتتە ساباعىن دا ۇمىت قالدىرماي باعدارلامالاۋ مەن بەينە ويىنداردى ازىرلەۋگە دە جەتكىلىكتى ۋاقىتىن ارناي بىلگەن. نيكتىڭ اتالمىش سوڭعى شۇعىلدانعان ىستەرى، ونىڭ ستاندارتتى اگەنتپەن بەرىلگەن اقپاراتتى ءوز بەتىمەن وڭدەيتىن جانە سول اقپاراتتى تۇتىنۋشىعا شاعىن ءارى دەرەكتەردىڭ مازمۇندى مالىمەتى رەتىندە ۇسىناتىن بىرەگەي ىزدەۋ قوسىمشالارىن جاساۋ تۋرالى ويعا يتەرمەلەدى. نيكتىڭ جاسى 15‑كە تولعان شاعىندا ونىڭ Trimit اتتى العاشقى قوسىمشالارىنىڭ ءبىرى App Store-عا ەنگىزىلدى. كەيىنىرەك نيكتىڭ جوباسى گونكونگتىك ۆەنچۋرلىك ينۆەستورلاردىڭ نازارىن اۋداردى، ال كەلىسىمشارت باعاسى - 300 مىڭ دوللاردى قۇرادى.
ءوز ءسوزى:
«جاساندى ينتەللەكت كومەگىمەن اقپاراتتى ىرىكتەۋدىڭ اۋقىمدى قىزمەتى جارىققا شىعادى. ادامدار پاراديگماسىن وزگەرتىپ، بارلىق جۇمىستى روبوتتار اتقاراتىن بولادى».
قاشان: 3 جاسىندا ءوزىنىڭ جەكە ءىسىن اشىپ، توعىز جاسىندا ءوزىنىڭ العاش ميلليونىنا قول جەتكىزگەن.
قالاي: ءوزىنىڭ جەكە كىشىگىرىم تاۋىق فەرماسىنان جۇمىرتقا ساتىپ، كەيىن جىلجىمايتىن مۇلىك سالاسىندا ينۆەستيسيالاۋمەن اينالىسقان.
رايان روسس العاشقى كاسىبىن اۋلاسىنىڭ ارتىندا اتا‑اناسى باعىپ وتىرعان قۇس جۇمىرتقاسىن ساتۋمەن باستادى، رايان 12 جۇمىرتقانى 3 دوللاردان ساتتى. بۇل جەردە بالانىڭ جەكە ءوز تالپىنىسى ما، الدە اتا‑اناسىنىڭ ىقپالى ما، ونى تۇجىرىمداۋ قيىنىراق. جوعارىداعى دەرەكتەردى ەسكەرە وتىرىپ، تاۋىق جۇمىرتقاسى ساۋدا‑ساتتىعىمەن اينالىسۋ - جوعارى تابىستى كىشىگىرىم بيزنەستىڭ ءبىرى ەكەندىگىنىڭ دالەلىن كورسەتەدى.
كىشكەنتاي وقۋشى‑ميلليونەردىڭ ومىرىندەگى كەلەسى كەزەڭدەردىڭ ءبىرى 20 دوللارعا كوگالداردى قىرقۋمەن اينالىسۋ بولدى: رايان ونىڭ تەك 5 دوللارىن الدى، ال بارلىق جۇمىستى ونىڭ اعا‑سەرىكتەستەرى قالعان 15 دوللارعا اتقاردى. رايان كوگالداردى 20 دوللار اقىعا قىرقۋدان، ءارى قاراي 200 دوللارعا (ونىڭ 100 دولارى ءوز پايداسىنا، ال 100 دوللارى - جالدامالى جۇمىسكەرلەرگە) كوگالداردى سۋارۋ قىزمەتىن كورسەتۋگە اۋىستى. رايان جينالعان قاراجاتىن جىلجىمايتىن مۇلىككە ينۆەستيتسيالادى. عيماراتتاردى، كەيىنىرەك حوككەي كورتىن، باسكەتبول الاڭى جانە حوككەي قۇراماسىن ساتىپ الۋ جونىندەگى بارلىق كەلىسىمسوزدەردى راياننىڭ اتا‑اناسى جۇرگىزدى.
ءوز ءسوزى:
«انام ماعان تابىستىڭ: %80‑ىن بيزنەسىمدى دامىتۋعا، %10‑ىن قايىرىمدىلىق قورىنا، ال قالعان %10‑ىن وزىمە جۇمساۋىما ۇيرەتتى. مەن بۇل قاعيدانى «80-10-10» دەپ اتايمىن».
قاشان: 12 جاسىندا ەBay‑دا ويىنشىقتار ساتۋمەن العاشقى 50000$ تابىس تاپقان.
قالاي: 9 جاسىندا فوتوشوپپەن اشىق حاتتار مەن شاقىرۋ قاعازدارىن جاساپ، 12 جاسىندا كوتەرمە باعامەن ساتىپ الىنعان ويىنشىقتاردى قايتادان ساتۋمەن اينالىستى، 13 جاسىندا My EZ Mail ەلەكتروندى حاتتار تاراتۋ قىزمەتىن شىعارسا، 15 جاسىندا ەنگىزىلگەن جارنامالاردى ساتۋمەن اينالىساتىن Surfingprizes.com اتتى جوباسىن شىعاردى.
9 جاسار كەمەروننىڭ فوتوشوپ كومەگىمەن قۇتتىقتاۋ حاتتارىن شىعارۋدا اسا جولى بولدى. ول ءتىپتى ءوزىنىڭ اشىق حاتتار مەن قۇتتىقتاۋ حاتتارىن شىعاراتىن Cheers and Tears اتتى شاعىن كومپانياسىن دا ويلاستىرىپ قويدى.
كەمەرون 12 جاسىندا كوتەرمە باعامەن ويىنشىقتاردى ساتىپ الىپ، كەيىن ولاردى eBay‑دا ساتۋمەن اينالىسقان جانە وسىدان 1 جىلعا جەتپەي 50 مىڭ دوللار تابىس تاپقان. كەمەروننىڭ كەلەسى قادامى قۇپيا حاتتاردى شىعارۋ بويىنشا ينتەرنەت‑سەرۆيسىن ىسكە قوستى. كەمەرون 15 جاسىندا دوستارى مەن قاتارلاستارىنىڭ قاتىسۋىمەن جەلىلەردە كلاسسيكالىق «پيراميدا» قۇرۋدى بەلسەنە قولعا الدى. كەمەرون مەكتەپ بىتىرەردەن ءبىراز ۋاقىت بۇرىن العاشقى ميلليوندارىن يەلەنىپ، وسىدان كەيىن ول قوعامدىق قايراتكەر اتاندى. وپرا ۋينفريدىڭ شوۋى، ءتۇرلى تىلدەرگە اۋدارىلعان بىرنەشە كىتاپتار، جوبانى ميلليوندارعا ساتۋ، ب ا ق‑قا سۇحبات بەرۋ، اقشا مەن اتاقتان بولەك ۆيردجينيا شتاتى تۇرعىندارىنىڭ كورنەكتى جاستارى اراسىنداعى وندىقتان كورىنۋگە، امەريكاندىق كورنەكتى جاستاردىڭ رەيتينگىنە ىلىنۋگە سەپتىگىن تيگىزدى.
ءوز ءسوزى:
«مەن 15 جاسىمدا اي سايىن ءۇش ءجۇز، ءتورت ءجۇز مىڭ دوللاردىڭ چەگى جازىلعان سومانى الىپ تۇردىم».
قاشان: گرانت ۇتىپ الۋ ارقىلى شامامەن 500 مىڭ رۋبل (2900000 ت گ) تابىسقا يە بولدى.
قالاي: Intel Award, Siemens Science Award گرانتتارى، پرەزيدەنتتىك شاكىرتاقى تاعايىندالدى. پاۆەل 14 جاسىنان باستاپ جاس ونەرتاپقىشتارعا ارنالعان بۇكىل رەسەيلىك بايقاۋلاردىڭ جەڭىمپازى اتاندى، ال 18 جاسىندا ول بىرنەشە حالىقارالىق سىيلىقتارعا يە بولدى. ول «بولاشاقتىڭ عالىمى» اتاعىن يەلەنىپ، سونىمەن قاتار ا ق ش‑تاعى كوللەدجدەردىڭ بىرىنە وقۋعا اتتانۋعا ۇسىنىس الدى.
پاۆەل بىردەن ميلليوندارعا قول جەتكىزە قويماعانمەن، ول ۇلكەن تابىسقا گرانتتاردى ۇتىپ الۋ ارقىلى كەنەلدى. ارماۆير مەكتەپتەرىنىڭ بىرىندە وقۋشى بولعان 18 جاسار پاۆەلدىڭ ونەرتابىسى بىرنەشە باتىستىق ءىرى كومپانيالاردىڭ ساۋدا‑ساتتىق قۇرالىنا اينالدى.
جان‑جاقتى GPS- ناۆيگاتورلى قولعا ۇستاعىش تاياق يەسىنە جولدا كەزدەسەتىن ءارتۇرلى دەڭگەيدەگى كەدەرگىلەر جونىندە حابارلاپ وتىرادى. ول جارقىلداعىش شامشىراقپەن جابدىقتالعان، سونداي‑اق اينالاڭىزداعى تەمپەراتۋرا كورسەتكىشىن انىقتاپ، ەگەر سەلسي بويىنشا 5 گرادۋستان تومەندەپ كەتسە ونى ەسكەرتىپ وتىرادى.
پاۆەل ونەرتابىسىنىڭ گۋمانيتارلىق باعىتى وتە قاراپايىم تۇسىندىرىلەدى: ول ارماۆيرلىك جاسوسپىرىمدەر مەن ەرىكتىلەر بىرلەستىگىنىڭ مۇشەسى بولىپ، ۋاقىتىنىڭ باسىم بولىگىن كوزى ناشار كورەتىن جانە ناشار ەستيتىن بالالارمەن وتكىزۋمەن بولدى.
پاشا 14 جاسىندا باۋمان اتىنداعى م گ ت ۋ‑تى كورمەسىندە ءوزىنىڭ سول ۋاقىتتاعى جاڭا ونەرتابىسىنىڭ ءبىرى - ەلەكتروندى تەرمومەتردى ۇسىنۋمەن جەڭىمپاز اتاندى. شىن مانىندە، بۇل قۇرىلعى زاعيپ جانە ناشار كورەتىن جاندارعا ارنالعان كوپفۋنكسيونالدى تاياقشالاردىڭ ءپروتوتيپى بولىپ تابىلدى. پاۆەل قازىرگى تاڭدا باۋمان اتىنداعى م گ ت ۋ‑نىڭ بيومەديتسينالىق تەحنيكا فاكۋلتەتىندە ءبىلىمىن ۇشتاۋدا جانە دە ءارى قاراي ءوز ىسىمەن اينالىسۋدى جالعاستىرا بەرمەك.
ءوز ءسوزى:
«مەن ەشقاشان قول قۋسىرىپ وتىرمايمىن. مەن ءوز الدىما مىندەت قويىپ، ەشتەڭەگە قاراماستان ونىڭ شەشىمىن تابا الاتىنىمدى بىلەمىن».