ىسكە كوشۋگە ادەتتەندىرەتىن 7 جول

None
None
نۇر-سۇلتان. قازاقپارات - 1. قولايلى جاعدايدى كۇتپەي-اق قويىڭىز

ەگەر ءسىز جاعداي قولايلى بولۋىن كۇتىپ جۇرە بەرەتىن بولساڭىز، ءىس-ارەكەتكە ەشقاشان كوشپەيتىن شىعارسىز.

سىزگە ايتەۋىر ءبىر كەدەرگى كەلتىرەتىن نارسە ءارقاشان اياقتان شالا بەرەدى. نە ۋاقىت جايلى ەمەس، نە نارىق ناشار، نە باسەكەلەستىك تىم جوعارى. ناقتى ومىردە ءىسىڭىزدى باستاپ كەتۋگە قاي جاعىنان دا قولايلى كەز بولمايدى. ءسىز ءوزىڭىز ىسكە كوشىپ، تۋىندايتىن پروبلەمالاردى ءبىر جاقتى ەتىپ وتىرۋىڭىز كەرەك. ءىستى باستايتىن ەڭ جاقسى ۋاقىت بىلتىر بولعان. ەكىنشى مۇمكىندىك - ءدال ءقازىر.

2. ءىس ادامى بولىڭىز

ارەكەت تۋرالى ويلانىپ- تولعانۋعا ەمەس، ارەكەتتى اتقارۋعا داعدىلانىڭىز. سپورتپەن شۇعىلدانعىڭىز كەلىپ ءجۇر مە؟ باستىعىڭىزبەن سويلەسكىڭىز كەلىپ ءجۇر مە؟ بۇگىن ىستەڭىز. يدەيا ويىڭىزدا نەعۇرلىم كوبىرەك ۋاقىت جۇرسە، ول سوعۇرلىم السىرەي بەرەدى. ءبىر-ەكى كۇننەن سوڭ ماسەلەنىڭ ۇساق-تۇيەكتەرى ساناڭىزدان اقىرىنداپ وشە باستايدى. ءبىر اپتا وتكەن كەزدە ءسىز ويىڭىزداعىنى ۇمىتىپ قالاسىز. ءىس ادامى بولساڭىز، ءسىز كوبىرەك ءىس تىندىرىپ، جاڭا يدەيالاردىڭ پايدا بولۋىنا جاعداي جاسايسىز.

3. يدەيالار وزدەرىنەن وزدەرى تابىسقا كەنەلتپەيتىنىن قاپەردە ۇستاڭىز

يدەيالاردىڭ بولعانى ماڭىزدى، ءبىراق ولار وندىرىسكە ەنگىزىلگەن كەزدە عانا قۇندى بولادى. جۇزەگە اسقان ءبىر يدەيا ءوز ۋاقىتىن كۇتىپ جاتقان ءجۇز يدەياعا تاتيدى. ەگەر ءسىزدىڭ ءوزىڭىز شىنىمەن-اق سەنەتىن يدەياڭىز بولسا، بىردەڭە قىلىڭىز. ىسكە كىرىسپەسەڭىز ءبىر ورىندا تاپتالىپ تۇرا بەرەسىز.

4. ۇرەيدى ىسىرىپ تاستاۋ ءۇشىن ارەكەتتى قولدانىڭىز

ءسىز جۇرت الدىنا شىعىپ سويلەۋدەگى ەڭ قيىن بولىگى - ءوز كەزەگىڭىزدى كۇتىپ تۇرۋ ەكەنىن بايقادىڭىز با؟ ءتىپتى كاسىبي وراتورلار مەر اكتەرلەر دە ونەر كورسەتەر الدىندا قوبالجيدى. ولار سويلەي باستاعاننان-اق توقىپ- قوبالجۋى سۋ شايعانداي جوق بولىپ كەتەدى. ارەكەت - قورقىنىشتى ەڭسەرۋدىڭ ەڭ جاقسى ءتاسىلى. ەڭ قيىنى العاش رەت ارەتكەتتى باستاۋ. باستالىپ كەتكەن سوڭ، ءسىز سەنىمدى بولا تۇسەسىز دە، ارى قاراي وڭايلاي بەرەدى. ارەكەت ەتۋ ارقىلى قورقىنىشتى ىسىرىپ تاستاڭىز دا، سەنىمدىلىك ارقىلى تابىس ءتۇزىڭىز.

5. ءوز شىعارماشىلىق مەحانيزىمىڭىزدى اۆتوماتتى تۇردە ىسكە قوسىپ وتىرىڭىز

شىعارماشىلىق ۇدەرىسكە قاتىستى ەڭ قورقىنىشتى جاڭىلىستاردىڭ ءبىرى - شابىت بار كەزدە عانا جۇمىس ىستەي الاسىڭ. ەگەر شابىت شاپقىلاپ وتىرىپ كەلە قالعانىن كۇتسەڭىز، ءسىز وتە سيرەك ءارى ۇزاق-ۇزاق ۇزىلىستەرگە كەتىپ جۇمىس ىستەيسىز. كۇتىپ وتىرعاننىڭ ورنىنا ءوزىڭىزدىڭ شىعارماشىلىق مەحانيزمىڭىزدى اۆتوماتتى تۇردە ىسكە قوسىپ جىبەرىڭىز. ەگەر بىردەڭە جازۋىڭىز كەرەك بولىپ تۇرسا، وتىرىڭىز دا، جازىڭىز. قولىڭىزعا قالام الىڭىز. شاماڭىز كەلگەنىنشە بايانداڭىز. تانىس قيمىل- قوزعالىستاردى جاي عانا قايتالاي بەرۋ ارقىلى ءسىز مىيىڭىزدىڭ جۇمىسىن دۇرىس ارناعا بۇرا الاسىز.

6. قازىرگى ۋاقىتتى پايدالانىڭىز

ناقتى قازىرگى ساتتە ىستەي الاتىن نارسەڭىزگە زەيىن قويىڭىز. ءبىر اپتا بۇرىن ىستەۋىڭىز كەرەك بولعان نەمەسە ەرتەڭ ىستەۋىڭىز كەرەك نارسەلەر جايىندا الاڭداماڭىز. ءسىز وزگەرتە الاتىن جالعىز ۋاقىت - وسى شاق. كەشەگى مەن ەرتەڭگىنى كوپ ويلاي بەرسەڭىز، ەشتەڭە دە ىستەي الماي قالاسىز.

7. سالعان جەردەن ىسكە كىرىسىپ كەتىڭىز

اشەيىندە ادامدار اڭگىمەلەسكەندى جاقسى كورەدى، ءتىپتى ازداپ اڭگىمەلەسۋ ىسكەري كەزدەسۋلەردىڭ پراكتيكاسىندا دا بار. جالعىز ءوزى جۇمىس ىستەيتىن ادامنىڭ دا باسىنان وسى وتەدى. جۇمىسقا شىنداپ كىرىسپەس بۇرىن ءسىز پوچتا جاشىگىڭىزدى، RSS- ريدەرىڭىزدى قانشا رەت تەكسەرىپ تۇراسىز؟

بۇنداي زەيىندى وزىنە اۋدارا بەرەتىن نارسەلەردەن اۋلاعىراق ءجۇرۋدى جانە سالعان جەردەن ىسكە كىرىسىپ كەتۋدى ۇيرەنبەسەڭىز، ولار سىزگە قىمباتقا تۇسەدى. سالعان جەردەن ىسكە كىرىسەتىن ادام بولىپ العان سوڭ، ءسىز ءوز بويىڭىزدان تىندىرىمدىلىقتىڭ جاڭا قۋات- كوزدەرىن تاباسىز، ال باسقا ادامدار ءسىزدىڭ كوشباسشىلىعىڭىزدى بايقاي باستايدى.

كەز كەلگەن ىسكە جوعارىدان ايتىلاتىن بۇيرىقسىز-اق، وزدىگىڭنەن كىرىسىپ كەتۋ ءۇشىن وتە ءتارتىپتى ادام بولۋىڭىز كەرەك.

وسى سەبەپتى باستاماشىلدىق - بۇل بارلىق كومپانيالاردا مەنەدجەرلەرىنىڭ بويىندا بولۋى ءتيىس قاسيەت. باستامانى قولىڭىزدان شىعارىپ الماڭىز. جاقسى ءبىر يدەيا تاپساڭىز، جوعارى جاقتىڭ نۇسقاۋىن كۇتپەي-اق ونى جۇزەگە اسىرا باستاڭىز. ادامدار، قام-قارەكەتىڭىزدى قانداي ىجداھاتتىلىقپەن ىستەپ جۇرگەنىڭىزدى كورگەندە، ءسىزدى اتاپ ارداقتايدى. جوعارى جاقتا وتىرعاندارعا نە ىستەۋ كەرەك ەكەنىن ەشكىم ايتپايدى. ەگەر ولاردىڭ قاتارىنان تابىلعىڭىز كەلسە، ەشكىمنەن سۇراماي، دەربەس ارەكەت ەتىڭىز.


سوڭعى جاڭالىقتار