+7 (701) 759 90 19 Лента
21 °С : Нур-Султан
21 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

جىل باسىنان بەرى شەت ەلدەردەن 7 مىڭ قانداس كوشىپ كەلدى

25 ماۋسىم 16:51 286
:ءبولىسۋ
جىل باسىنان بەرى شەت ەلدەردەن 7 مىڭ قانداس كوشىپ كەلدى

نۇر- سۇلتان. قازاقپارات - جىل باسىنان بەرى قازاقستانعا شەت ەلدەردەن 7 مىڭ قانداس كوشىپ كەلدى. بۇل تۋرالى ۇكىمەتتىڭ باسپا ءسوز ورتالىعىندا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ءمالىم ەتتى، دەپ حابارلايدى قازاقپارات ءتىلشىسى.

«ءبىز قازاقستاننان تىس ەلدە ءومىر ءسۇرىپ جاتقان قانداستارىمىزدى ەلگە ورالۋعا ءالى دە شاقىرىپ جاتىرمىز. وسى جىلى شەتتەن 7 مىڭ ادام كوشىپ كەلدى. ەكىنشىدەن، البەتتە، ىشكى ميگراتسيا سالاسىندا اتقارىلاتىن جۇمىستار دا بار. وزدەرىڭىز بىلەتىندەي، بىزگە جۇمىسسىزدىق بايقالاتىن وڭىرلەردەن جۇمىس ورىنى مول وڭىرلەرگە حالىقتى كوشىرۋ تۋرالى تاپسىرما جۇكتەلگەن. اتاپ ايتقاندا، قازاقستاننىڭ وڭتۇستىك وڭىرلەرىنەن شىعىسقا، سولتۇستىككە كوشىرۋ جۇمىستارى جۇرگىزىلىپ جاتىر. وسى كۇنگە دەيىن 900 ادام كوشتى» ، - دەدى بەردىبەك ساپاربايەۆ.

مينيستر سونىمەن قاتار، «نۇرلى ەرتىس» باعدارلاماسى بارىن ەسكە سالا وتىرىپ، «ەڭبەك» باعدارلاماسىنا نۇر- سۇلتان قالاسى دا ەنگىزىلگەنىن اتاپ ءوتتى. «قازىرگى تاڭدا 77 ادام ەلوردادان كوشىرىلدى» ، - دەدى ول.

 ەسكە سالا كەتسەك، قازاقستاندا ورالمانداردى بەيىمدەۋ ورتالىقتارى قۇرىلاتىنىن بەردىبەك ساپاربايەۆ حالىققا ەسەپ بەرۋ كەزىندە ءمالىم ەتكەن بولاتىن. «ەڭ الدىمەن وتانداستارىمىزعا قازاقستاننىڭ كەز كەلگەن وڭىرىندە ءومىر سۇرۋگە مۇمكىندىك بەرەدى. ەكىنشىدەن، قونىس اۋدارۋ بارىسىندا قالا نە بولماسا اۋىلعا ياعني، جەرگىلىكتى جەرلەرگە بايلانىستى وتباسىنىڭ ءاربىر مۇشەسىنە شامامەن 8 مىڭ تەڭگە تولەنەدى. ەگەر پاتەر نە بولماسا تۇرعىن ءۇي بىردەن بەرىلمەسە، وندا 12 اي بويى 30 دان 70 مىڭ تەڭگەگە دەيىن تولەنەدى» ، - دەدى مينيستر.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات