ەلوردادا 7 اۆتوكولىك جول اپاتىنا ۇشىرادى
پوليتسەيلەر جول- كولىك وقيعاسىنىڭ ءمان- جايىن انىقتاپ جاتىر.
نۇر- سۇلتان قالاسى اكىمشىلىك پوليتسيا باسقارماسى باسشىسىنىڭ مىندەتىن اتقارۋشى ەلجان چۋپەكوۆتىڭ مالىمەتىنشە، جۇك كولىگىنىڭ تىزگىنىندە جاس جىگىت وتىرعان.
قازىرگى ۋاقىتتا پوليتسەيلەر ونىڭ جول اپاتىنا ۇشىراۋىنا نە سەبەپ بولعانىن انىقتاپ جاتىر.
الدىن الا مالىمەت بويىنشا، جۇك كولىگىنىڭ جۇرگىزۋشىسى ءوزىن ناشار سەزىنگەندىكتەن وسىنداي جاعداي ورىن العان بولۋى مۇمكىن.
«جۇك كولىگى جۇرگىزۋشىسىنىڭ جاعدايى تۇسىنىكسىز. ول اداممەن سويلەسپەيدى. ونىڭ ەشقانداي دەنە جاراقاتى جوق. كولىك كابيناسى ءبۇتىن. كابينا ىشىندە سوعىلماعان» ، - دەدى ەلجان چۋپەكوۆ
جۇك كولىگىنىڭ جۇرگىزۋشىسى اۋرۋحاناعا جەتكىزىلدى.
"جۇك كولىگىنىڭ جۇرگىزۋشىسى ساعات 11.30 دا "گازەل" ماركالى كولىكتىڭ جۇرگىزۋشىسىمەن، ارتىنشا باعدارشامنىڭ قىزىل تۇسىنە تۇرعان تاعى بەس كولىكپەن سوقتىعىسىپ قالعان. بولجام بويىنشا، جول- كولىك وقيعاسىنا قاشىقتىق پەن جىلدامدىق ەرەجەلەرىن ساقتاماۋ سەبەپ بولعان"، - دەلىنگەن قالالىق پوليتسيا دەپارتامەنتىنىڭ باسپا ءسوز قىزمەتىنىڭ حابارلاماسىندا.
BAQ. KZ