استانا ماڭىنداعى اۋىلدارعا قاتىنايتىن 7 اۆتوبۋس باعدارى توقتاتىلدى

استانا. قازاقپارات - اۋا رايىنىڭ قولايسىزدىعىنا بايلانىستى قالا ماڭىنا قاتىنايتىن  300، 305، 308، 309، 312، 315، 317 باعدارلارىنىڭ قوزعالىسى ۋاقىتشا توقتاتىلدى، دەپ حابارلايدى قازاقپارات Astana LRT كومپانياسىنا سىلتەمە جاساپ.

قازىر  301، 302، 303، 304، 306، 307، 310، 311، 313، 316، 318، 320 باعدارلار بويىنشا جولاۋشى تاسىمالداۋ جۇرگىزىلۋدە.

كومپانيا، تۇرعىندارعا قاتتى ايازعا بايلانىستى بارىنشا ساق بولۋدى، توڭىپ قالماۋدى، باراتىن جەردى الدىن الا جوسپارلاپ الۋدى سۇرايدى.

قوزعالىستىڭ قالپىنا كەلتىرىلگەندىگى جايىندا قوسىمشا حابارلاناتىن بولادى.

استانا قالاسىنىڭ قوعامدىق كولىگىنە قاتىستى جاڭالىقتاردى كومپانيانىڭ الەۋمەتتىك جەلىدەگى پاراقشالارىنان جانە alrt.kz سايتىنان بىلۋگە بولادى.