ادام دەنساۋلىعىنا پايدالى 7 جاڭعاق

استانا. قازاقپارات - ءبارىمىز دە جاڭعاق جەگەندى جاقسى كورەمىز. ويتكەنى ونىڭ ەستە ساقتاۋ قابىلەتىن ارتتىراتىن پايدالى ەلەمەنتتەرى كوپ. سونىمەن قاتار ميعا دا مول اسەرىن تيگىزەدى.

ءبىز بۇگىن سىزدەردىڭ نازارلارىڭىزعا جاڭعاق تۇرلەرىن ۇسىنىپ، ولاردىڭ ادام دەنساۋلىعىنا قانشالىقتى ماڭىزدى ەكەنىن ايتامىز.

1. ورمان جاڭعاعىندا تەرىڭىزدى، شاشىڭىز بەن تىرناعىڭىزدى سۇلۋ قالپىندا ساقتايتىن ا جانە ە دارۋمەندەرى بار. جانە ول مي قىزمەتىن دە جاقسارتادى. ديەتولوگ ماماندار ورمان جاڭعاعىن شيكىلەي جەۋگە دە كەڭەس بەرەدى.

2. جەر بەتىندەگى ەڭ ۇلكەن جاڭعاق - كوكوس جاڭعاعى. ونىڭ قۇرامىندا ۆ توبىنداعى دارۋمەندەر، ماكرو جانە ميكروەلەمەنتتەر كوپتەپ كەزدەسەدى. بۇل جاڭعاقتى تۇتىنۋ ارقىلى ءسىز يممۋندى جۇيەڭىزدى، كوزىڭىزدى، اس قورىتۋ جولدارىڭىزدى جاقسارتاسىز. ال ونىڭ ءسۇتىن ىشسەڭىز، كارىلىكتى جەڭەسىز.

3. پىستە (فيستاشكا) - كالورياسى از جاڭعاق. پىستەدە دە دارۋمەندەر مەن مينەرالدار وتە كوپ. ءبىراق كۇنىنە ون بەس ءتۇيىرىن جەسەڭىز جەتكىلىكتى. ونى تەك سىرامەن عانا ىشپەيدى. تىنىس جولدارى مەن اس قورىتۋ جۇيەسىن جاقسارتۋ ءۇشىن دە تۇتىنادى. سونىمەن قاتار جۇكتىلىكتىڭ باستاپقى كەزەڭىندە دە جەيدى.

4. «ەڭ ءتاتتى جاڭعاق» دەپ برازيليا جاڭعاعىن ايتادى. ول اعزاعا وتە پايدالى. ونى «ومىرلىك كۇش- قۋات بەرەتىن جاڭعاق» دەپ تە جاتادى. دارىگەر ماماندار بۇل جاڭعاق جۇرەك جانە ونكولوگيالىق اۋرۋلاردىڭ الدىن الاتىنىن جاسىرمايدى.

5. ەگەر ءسىز جۇرەك-تامىر جۇيەسىنىڭ اۋرۋلارىنا شالدىقساڭىز، وندا كۇنىنە كەم دەگەندە 50 گرام ميندال جاڭعاعىن جەڭىز. سەبەبى ونىڭ قۇرامىندا كالي، تەمىر، فوسفور ەلەمەنتتەرى بار.

6. سامىرسىن جاڭعاقتارىنىڭ پايداسى تۋرالى الەمگە اۆيتسەننا دەگەن اتپەن بەلگىلى ايگىلى يبن سينا دا جازعان. ول وسكەلەڭ اعزاعا وتە پايدالى. سوندىقتان ونى كوبىنە كىشكەنتاي بالالار جەيدى. ارتىق سالماقتان ارىلعىسى كەلەتىن ادامدارعا بۇل جاڭعاقتى جەمەگەن ءجون.

7. گرەك جاڭعاعى كاۆكازدا «قاسيەتتى اعاش» دەپ سانالادى. ونىڭ تۇقىمدارى يلىك زاتتارعا، امينقىشقىلى مەن مينەرالدارعا باي. ونى كوبىنە جۇيكە جۇيەسى مەن جۇرەگى، اسقازانى اۋىراتىن ادامداردىڭ تۇتىنعانى ابزال.

بۇل تىزىمدە نەلىكتەن جەرجاڭعاق جوق دەپ ويلاپ وتىرعان شىعارسىزدار. سەبەبى ول جاڭعاقتار ەمەس، بۇرشاق تۇقىمداسىنا جاتادى. ءبىراق ءبىز ول تۋرالى دا ايتا كەتكىمىز كەلىپ وتىر. كەرەمەت انتيوكسيدانت بولىپ تابىلاتىن جەرجاڭعاقتىڭ دۇنيە جۇزىندە 70 تەن استام ءتۇرى بار. ول كوزدىڭ كورۋى مەن قۇلاقتىڭ ەستۋىن جاقسارتادى.