الەمدەگى ەڭ قاۋىپسىز ۆاليۋتا: تەڭگە تۋرالى 7 قىزىقتى دەرەكتى بىلەسىز بە؟

استانا. قازاقپارات -  بۇگىن 15- قاراشا قازاقستاندا تەڭگە كۇنى. وسىعان وراي ءتول ۆاليۋتامىز تۋرالى قىزىقتى دەرەكتەردى massaget.kz سايتى نازارعا ۇسىنعان.

1. ەڭ العاش تەڭگەنىڭ ديزاينىن ويلاپ شىعاراتىن كەزدە ونىڭ سۋرەتىن قالاممەن، كالكا جانە تۋشپەن سالىپتى.

2. ءتول ۆاليۋتامىز ءبىرىنشى رەت لوندونداعى Harrison & Sons فابريكاسىندا جاسالىپ، ونى ەلگە جەتكىزۋ ءۇشىن تاسىمالداۋشىلار 18 اۋە ساپارىن جاساعان. اۋە ساپارلارىن ۇلتتىق قاۋىپسىزدىك كوميتەتى قاتاڭ باقىلاۋعا العان.

3. تەڭگە ءوز ەلىمىزدە تەك 1995-جىلدان بەرى شىعارىلا باستادى. ول ءۇشىن ارنايى فابريكا اشىلىپ، ەرەكشە داتالاردا مەرەكەلىك بانكنوتتار شىعارۋ مۇمكىندىگىنە يە بولدىق.

4. قازاقستان ۆاليۋتاسىن «اقشا»، «سوم» نەمەسە «التىن» دەپ اتاۋعا ۇسىنىستار تۇسكەن.

5. ۇلتتىق ۆاليۋتامىز باسقالارمەن سالىستىرعاندا وتە جاس بولسا دا، الەم بويىنشا جاساندى اقشا جاساۋدا ەڭ قاۋىپسىز ءتۇرى سانالادى. ءتىپتى دوللاردىڭ ءوزىن جاساۋشىلار ونىڭ قاۋىپسىزدىگىن كۇشەيتۋدە قازاقستاننان ۇلگى العان.

6. تەڭگە - 2011، 2012 جانە 2013-جىلدارى الەمدەگى ەڭ ۇزدىك قاعاز اقشا دەپ مويىندالدى.

7. وسىعان دەيىن شىققان 50 تەڭگەلىك قاعاز اقشاعا ەلباسى نۇرسۇلتان نازاربايەۆتىڭ بەينەسىن تاڭبالاۋ تۋرالى ۇسىنىستار تۇسكەن. دەگەنمەن مەملەكەت باسشىسى اقشانىڭ ونداي ديزاينىنان باس تارتتى.