ءوزىڭىزدى باعالاي بىلۋگە ارنالعان 7 كەڭەس
اندا - ساندا كوڭىلدى ءتۇسىرىپ الۋ قالىپتى جاعداي، قالىپتى ەمەسى - ءتورت قابىرعاعا قامالىپ، ءومىر سىيعا تارتقان قىمبات مينۋتتارىڭدى جامان كوڭىل- كۇيگە باعىنىشتى ەتىپ قويۋ. بۇل 7 كەڭەس سىزگە بوس نارسەگە رەنجىمەي، بارلىق جاعىنان دا جاقسى نارسەنى تابۋعا كومەكتەسەدى.
1. ەستە ساقتاڭىز: ءبارى دە وتەدى، كەتەدى
ايناعا قاراعاندا كوڭىل-كۇيىڭىز جابىرقاسا، مۇنى مانترا سەكىلدى قايتالاڭىز. ەگەر قانداي دا ءبىر كۇنى ءسىز ايناعا قاراپ، شاشىڭىزدىڭ تۇسە باستاعانىن، بولماسا تولىپ كەتكەنىڭىزدى نە ارىقتاعانىڭىزدى بايقاساڭىز، بۇنىڭ دا وتكىنشى ەكەنىن وزىڭىزگە ءبىلدىرىڭىز. ەش نارسە دە ماڭگىلىك ەمەس، اسىرەسە تارازى كورسەتكەن 500 گرامم تۇك تە ەمەس. بالكىم بۇگىن ءسىز كۇندەلىكتى سۋدى تۇتىنۋ نورماسىن قاداعالاعان بولارسىز، ال شاشىڭىز دالادا ىلعالدىقىلىق جوعارى بولعاننان كەيىن رەتكە كەلمەي قالعان بولار. ءار نارسە كۇندە وزگەرىپ تۇرعان كەزدە، ءبىر كۇنى ايناعا قاراپ، كەمشىلىكتى بايقاپ، كۇيزەلىسكە ءتۇسۋ ورىنسىز.
2. ءسىز تولىقتاي يدەال تۇلعا ەمەسسىز، مۇنى تۇيسىگىڭىز ارقىلى قابىلداڭىز
يدەالدى تۇلعا بولۋ - ءىش پىستىرادى، مۇنى ءبىلىڭىز. تانىمال سيندي كروۋفورد ءوزىنىڭ مەڭى ءۇشىن بارلىق مودەلدى اگەنتتىكتەردى ارالاپ، اياعىن توزدىرعانى بەلگىلى (اقىر اياعىندا ول مەڭى ونىڭ ناعىز ادەمىلىگىنىڭ ءبىر بولىگىنە اينالدى). كوپتەگەن مودەلدەر دە باستاپقى كەزدە سىرت كەلبەتىنىڭ بەلگىلى ءبىر اقاۋى ءۇشىن قينالدى، كەيىن بۇل ولاردى وزگەلەردەن ەرەكشەلەيتىن دۇنيە بولىپ شىعا كەلدى. مۇنداي وزگەشە دۇنيەلەر ادامنىڭ نازارىن تارتىپ، ادامداردى قىزىقتى ەتە تۇسەدى.
3. وزگەلەر دە يدەال ەمەس
كەمشىلىك تۋرالى تاعى ءبىر جاقسى جاڭالىق - ولار بارىندە دە بار. ءيا، بۇعان سەنۋ مۇمكىن ەمەس، الايدا ماسس- مەديا سالاسىندا كۇندەلىكتى ءبىز كورەتىن جىلتىر بەت، يدەالدى، كەمشىلىكسىز سۇلباعا يە ادامدار شىنايى ومىردە ونداي بولماي جاتادى. بىزدە دە سەكىلدى بۇل ادامداردا دا ناشار كۇندەر بولادى: بەتىنە بەزەۋ شىعادى نەمەسە شاشى دۇرىس جينالماي جاتادى. گريمەر مەن ستيليستەردىڭ كومەگىنسىز ولار دا تۋرا ءبىز سەكىلدى كورىنەدى. دجەننيفەر لوۋرەنس ءبىر كەزدەرى فوتوشوپسىز ەشقاشان دا Dior جارناماسىنداعىداي كورىنە المايتىندىعىن مويىنداعان بولاتىن.
4. ءتۇرىمىزدىڭ قانداي ەكەنى ماڭىزدى ەمەس، قالاي جەتكىزە بىلەمىز، سول ماڭىزدىراق.
مۇنى ءسىز بىرنەشە رەت ەستىدىڭىز، سەنىمدىلىك كەز كەلگەن بيىكتى باعىندىرۋعا كومەكتەسەدى. ەگەر ءسىز ءوزىڭىزدى باقىتتى ءارى وزىنە سەنىمدى ادام رەتىندە كورسەتە الماساڭىز، ءسىزدىڭ جاقسى قىرلارىڭىزدى ەشكىم دە بايقاي قويمايتىنى انىق. ولار بار بولعانى ءوزىنىڭ ءتۇر- الپەتىنە جانە سىرتقى كەلبەتىنە سەنىمدى قىزدى عانا كورە الادى.
5. ءسىزدىڭ كوڭىلىڭىزدى كوتەرەتىن نارسەنى تۇتىنىڭىز
بۇل ەكى بيىك وكشە تۋفلي نەمەسە تيۋربان، كولەمدى القا، اجەلەر سومكەسى نەمەسە ادەمى ىلمەك بولۋى مۇمكىن. ءبارىمىزدىڭ دە جاقسى كورەتىن زاتتارىمىز بار، بۇل كوڭىل- كۇيدى كوتەرەدى. ەگەر ءسىزدىڭ مازاڭىز بولماي تۇرسا، ولاردى سورەدەن الاتىن، تاعاتىن كەز كەلدى. ال ەندى بىرەۋلەردى قانىق ءتۇستى ەرىن دالابى مەن جاڭا شاش ۇلگىسى قۋانتادى. مويىندايىق، قىزدار ءۇشىن كەيدە باقىتقا جەتۋ جولىندا بولماشى نارسە دە جەتىپ جاتىر!
6. كەڭىستىككە قۇقىقتىڭ بولۋى
ايەلدەر تۋرالى ناعىز تىتىركەندىرەتىن ستەرەوتيپتەردىڭ ءبىرى ولار نازىك ءارى كىشكەنتاي، ارىق بولۋى ءتيىس دەگەن پىكىر. ءدال وسى ويدىڭ جەتەگىندە ءجۇرىپ، كوپشىلىك ايەلدەر وزدەرىن جايسىز سەزىنەتىنى انىق. ءوزىڭىزدى جايسىز سەزىنگەن ۋاقىتتاردا ۇنەمى: «وزىمە قاجەتتى كەڭىستىكتى يەلەنۋگە قۇقىعىم بار» دەپ ايتىڭىز.
7. جايبىراقاتتانىپ، ءلاززاتقا بولەنىڭىز
جانە دە ەڭ باستىسى - وزىڭىزگە تىم بايىپتى قاراماڭىز. ەڭ ادەمى ايەلدەر، وزدەرىنە يۋمورمەن قاراي الادى، ونى بىلەسىز بە؟ ءسىز ءوزىنىڭ سىرتقى كەلبەتىنىڭ تومپاقتىعىنا قاراپ، جىلاپ وتىرعان دجەننيفەر لوپەستى ەلەستەتە الاسىز با؟ ەگەر ارتىق سالماق جيناپ الساڭىز، ءيا، ونداي بولادى. جاڭا شاش ۇلگىسىمەن ءسىزدى ءتىپتى اتا اناڭىز دا تانىماي قالدى ما؟ شىعارماشىل بولىڭىز، كرەاتيۆتى شاش ۇلگىسىن جاساپ الىڭىز، سول كەزدە ءبارىنىڭ دە نازارى اۋادى. بولماشى عانا كەمشىلىككە كۇلە قاراپ، جىبەرە سالىڭىز. يۋموردىڭ كۇشى ءسىزدى بەلگىلى ءبىر قيىندىقتى جەڭۋگە كومەكتەسەدى.
دەرەككوزى: zhenskoeschastie.com