دوللار باعامى بىردەن 7 تەڭگەگە تومەندەدى

استانا. قازاقپارات - قازاقستان قور بيرجاسىندا (KASE) سارسەنبى كۇنگى ساۋدا-ساتتىقتىڭ تاڭەرتەڭگىلىك سەسسياسىنىڭ قورىتىندىسى بويىنشا تەڭگەنىڭ ت+1 ەسەبىمەن ا ق ش دوللارىنا شاققانداعى ورتاشا باعامى 363,61 تەڭگەنى قۇرادى، دەپ حابارلايدى قازاقپارات KASE- گە سىلتەمە جاساپ.

سەيسەنبى كۇنگى ساۋدا-ساتتىقپەن سالىستىرعاندا، شەتەلدىك ۆاليۋتا باعامى 6,87 تەڭگەگە تومەندەگەن. سەسسيا بارىسىندا ەڭ تومەنگى كۋرس 1 دوللارعا - 361,9، ال ەڭ جوعارىسى - 366 تەڭگە دەڭگەيىندە بولعان. ساۋدا كولەمى 33,05 ميلليون دوللارعا جەتتى.

ت+1 ەسەبىمەن سەيسەنبى كۇنى دوللاردىڭ ورتاشا باعامى تاڭعى سەسسيا قورىتىندىسى بويىنشا 1 دوللارعا 370,48 تەڭگە، كۇندىزگى سەسسيادا 368,62 تەڭگە، ەكى سەسسيانىڭ قورىتىندىلارى بويىنشا 369,36 تەڭگە بولىپ، ساۋدانىڭ جالپى كولەمى 70,7 ميلليون دوللاردى قۇراعان.