+7 (701) 759 90 19 Лента
8 °С : استانا
16 °С : الماتى
USD 359.00 EUR 420.10
RUB 5.41 CNY 52.38
جاڭالىقتار

بالانى مەكتەپكە 7 جاستان بەرگەن دۇرىس: التىناي جورابايەۆا تاجىريبەسىمەن ءبولىستى

14 قىركۇيەك 22:01 197
:ءبولىسۋ

استانا. قازاقپارات - كەڭەستىك كەزەڭدە اتا-انالار كوبىنەسە بالالارىن 7 جاستان مەكتەپكە بەرەتىن.

الايدا ۋاقىت وتە كەلە بۇل ءۇردىس وزگەردى. كوپتەگەن ادامدار بالالارىن 6 جاستان باستاپ مەكتەپكە بەرە باستادى. اسىرەسە، 12 جىلدىق وقۋ باعدارلاماسى ەنگىزىلگەننەن كەيىن، اتا-انا پەرزەنتىنىڭ ۋاقىتىن ۇنەمدەۋدى ويلاپ تۇرادى، دەپ جازادى Stan.kz ءتىلشىسى.

الايدا ءانشى التىناي جورابايەۆا ولاي ويلامايدى. ءتورت قىز تاربيەلەپ وتىرعان ونەر يەسى باسىنان وتكەن تاجىريبەسىمەن ءبولىسىپ، نە سەبەپتى بالانى 7 جاستان مەكتەپكە بەرۋ دۇرىس ەكەنىن ءتۇسىندىردى.

«كوركەمىمدى 7 جاسقا تولتىرىپ بارىپ جىبەردىم مەكتەپكە. شىنىندا دا كەڭەس ۇكىمەتى بىلگەن ەكەن عوي ءيا؟! ساباعى جاقسى قىزىمنىڭ. استاناعا كوشىپ كەلگەلى ءۇش جىل بولادى اللا قالاسا. باقشاعا بارمادىق كەلگەلى... تەك مامىر ايىندا 1 اي عانا «زەردەگە» دايىندىققا باردى. ال جاز بويى دەمالدى. ءبىراق كىتاپتى كادىمگىدەي جاقسى وقىپ، بىزگە ەركىن حات جازا بەرەدى. بۇل دەگەنىڭىز، ناعىز ساباق وقۋعا دايىن، جاسى تولعان بالا»، - دەپ ءتۇسىندىردى جورابايەۆا.

ءانشى تۇڭعىشى اياۋلىم پىسىق ءارى العىر بولعاندىقتان، 6 جاسىندا مەكتەپكە بەرىپتى. الايدا اياۋلىم قينالىپ قالعان كورىنەدى.

«ال ەڭ قىزىعى، ۇلكەن قىزىم اياۋلىم مەن 3 - قىزىم سەمانۇردىڭ تۋعان كۇنى ءبىر كۇندە. ەكەۋى دە پىسىق، العىر بولعاندىقتان، اياۋلىمدى 6 جاستان بەرىپ، ال سەمانۇردى 7 جاستان بەردىم مەكتەپكە. ايىرماشىلىعى جەر مەن كوكتەي. اياۋلىم كىشكەنە قينالىپ قالدى. ويناعىسى كەلىپ تۇراتىن. جالعىز ءوزىن وقىتسا تاقىلداپ، ءبارىن ءبىلىپ وتىرادى، ال كلاسىمەن بىردەي قاراسا، تەز شارشاپ قالاتىن. ال سەمانۇر جاقسى ۇلگەردى.

اينارامدى دا 7 جاستان بەرىپ ەدىم، ول دا جاقسى ۇلگەردى. اڭگىمەنىڭ قىسقاسى بالانى 7 جاستان بەرگەن دۇرىس ەكەن. ونىڭ ۇستىنە قازىر باعدارلاما قيىنداۋ، بۇرىنعىعا قاراعاندا. ودان كەيىن قايدا اسىعامىز دەيمىن دا. مەيلى 12 كلاسس بولسا دا. ءبارىن ءوز ورنىمەن جاساعان دۇرىس ەكەن»، - دەيدى ونەر يەسى.


باستى سوزدەر: قوعام, ءبىلىم جانە عىلىم,
:ءبولىسۋ
ونلاين قىزمەتكەرلەر
مۇراعات