ديماش قۇدايبەرگەن 7 جاسار قازاق بالاسىنىڭ الەمدىك جۇلدىز بولاتىنىن بولجادى

 استانا. قازاقپارات - ديماش قۇدايبەرگەن بالالار اراسىندا وتكەن حالىقارالىق «سلاۆيانسكي بازار» بايقاۋىندا ءۇشىنشى ورىن العان ءابىلحايىردى جەڭىسىمەن قۇتتىقتادى.

جاس تالانتتىڭ ەڭبەگىن ەلەپ-ەسكەرۋدى وتىنگەن ول ءابىلحايىردىڭ بولاشاقتا الەمدىك جۇلدىز بولۋىن تىلەدى، دەپ جازادى Stan.kz اقپاراتتىق اگەنتتىگىنىڭ ءتىلشىسى.

«اعايىن! بۇل ءبىزدىڭ «سلاۆيانسكي بازار» بايقاۋىندا ەلىمىزدىڭ نامىسىن قورعاعان كىشكەنتاي باتىرىمىز! نەبارى 7 جاستا بولسا دا، قورىقپاي، ەڭ ۇلكەن حالىقارالىق بايقاۋعا قاتىسىپ، ەلىمىزدىڭ ءۇمىتىن اقتاپ بىزگە ءۇشىنشى دارەجەلى جەڭىس اكەلگەن بالاپانىمىز. ءوزى بايقاۋداعى ەڭ كىشكەنتاي قاتىسۋشى بولسا دا دەس بەرمەي، تۋىمىزدى كوتەرگەن كىشكەنتاي جۇلدىزىمىزدىڭ ەڭبەگىن ەلەپ، قۇتتىقتاپ قويساڭىزدار دەيمىن. ءابىلحايىق، العا! الەمدىك جۇلدىز بول، بوتام»، - دەيدى ديماش.

ەسكە سالا كەتەيىك، 7 جاسار ءابىلحايىر جۇماباي «سلاۆيانسكي بازار» بايقاۋىندا جۇلدەلى 3-ورىن العان بولاتىن. كەزىندە ءدال وسى بايقاۋعا ديماش قۇدايبەرگەننىڭ ءوزى قاتىسقان ەدى.