ەستە ساقتاۋ قابىلەتىن دامىتۋدىڭ 7 جولى

None
None
استانا. قازاقپارات - ادامنىڭ ەستە ساقتاۋ قابىلەتى تۇراقتى بولا بەرمەيدى. ۋاقىت وتە كەلە ناشارلاپ، ۇمىتشاقتىققا اكەلىپ سوقتىرۋى دا مۇمكىن. ول ءۇشىن ەستە ساقتاۋ قابىلەتىن تۇراقتاندىراتىن ءتۇرلى ءادىس- تاسىلدەر مەن قاراپايىم قاعيدالاردى ۇستانعان دۇرىس.

 ەستە ساقتاۋ قابىلەتىن جاقسارتۋ تۋرالى پايدالى كەڭەستەر جەتەرلىك. دەگەنمەن جاقىندا عالىمدار ەستە ساقتاۋدى جاقسارتۋدىڭ تاعى بىرنەشە جولدارى بار ەكەنىن مالىمدەدى.

 سۋرەت سالۋ

 بوس ۋاقىتتا، بولماسا حوببي رەتىندە سۋرەت سالۋ ەستە ساقتاۋدى جاقسارتادى ەكەن. عالىمداردىڭ ايتۋىنشا، سۋرەتتىڭ ساپاسى مەن كوركەمدىگى ماڭىزدى ەمەس. «باستىسى -  سۋرەت ويدى تىنىقتىرادى» - دەيدى. ويدىڭ تىنىعۋى -  ەستە ساقتاۋ قابىلەتىن جوعارىلاتادى.

 كوزگە ارنالعان جاتتىعۋلار

 ەگەر كۇندە تاڭەرتەڭ 30 سەكۋند بويى كوزىڭىزگە جاتتىعۋ جاساپ تۇرساڭىز، ەستە ساقتاۋ قابىلەتى %10 عا جاقسارادى. مۇنى دا عالىمدار دالەلدەگەن. سونداي- اق كوزدى جۇمىپ، وتكەندى ەسكە ءتۇسىرۋ دە پايدالى ەكەن.

 وي جاتتىعۋلارى

 ەستە ساقتاۋ قابىلەتىن جاقسارتۋ ءۇشىن ءتۇرلى جاتتىعۋلار جاساپ تۇرعان دۇرىس. اسىرەسە، ءسوزجۇمباقتار، ويشا ساناۋ، لوگيكالىق سۇراقتاردى شەشۋ، ولەڭدەردى جاتتاۋ، شەت تىلدەرىن مەڭگەرۋ -  ميدى جۇمىس ىستەتۋگە ارنالعان ەڭ ءتيىمدى ادىستەر بولىپ سانالادى.

 جالاڭ اياق جۇگىرۋ

 جالاڭ اياق جۇگىرۋدىڭ ءوزى ەستە ساقتاۋ قابىلەتىڭدى جاقسارتادى ەكەن. عالىمداردىڭ ايتۋى بويىنشا، جالاڭ اياق جۇگىرگەن ادام اياعىن جاراقاتتاپ الماس ءۇشىن اينالاسىنا بارلاي قاراپ جۇگىرەدى. مۇنداي ساتتە مي دا بەلگىلى ءبىر قىزمەت اتقارادى. ول قىزمەتتەر ەستە ساقتاۋدى جاقسارتۋعا كومەكتەسەدى ەكەن.

 جازۋ

 بۇگىندە قولمەن جازۋ قالىپ بارادى. كوبىمىز پەرنەتاقتا كومەگىمەن جۇمىس جاساپ ءجۇرمىز. دەگەنمەن ەستە ساقتاۋ قابىلەتىڭىزدى جاقسارتۋ ءۇشىن ءبىر اۋىق قولىڭىزعا قالام الىپ، جازۋ جازىپ تا تۇرىڭىز. مۇنىڭ دا كوپ كومەگى بارى انىق.

 سالماعى اۋىر زاتتاردى كوتەرۋ

 جاڭا زەرتتەۋلەر دالەلدەگەندەي، جاتتىعۋ كەزىندە سالماعى اۋىر كىر تاستارىن كوتەرۋ دە ەستە ساقتاۋدى %20 عا جاقسارتادى ەكەن.

 بيىككە ورمەلەۋ

  «شىڭعا شىعۋ مەن اعاشقا ورمەلەۋ دە ەستە ساقتاۋ قابىلەتى ءۇشىن پايدالى» - دەيدى عالىمدار. سەبەبى تەپە- تەڭدىكتى ساقتاۋ ارقىلى جاد جۇمىسى جاقسارا تۇسەدى ەكەن.

ءبىر سوزبەن ايتقاندا، ميدى ۇنەمى جۇمىس ىستەتىپ تۇرساڭىز، ەستە ساقتاۋ قابىلەتىڭىز دە جاقسارا تۇسەتىن بولادى.

سوڭعى جاڭالىقتار