مىنا 7 اداممەن قوشتاسۋعا اسىعىڭىز

استانا. قازاقپارات - جەر بەتىندەگى ادامداردىڭ سانى قانشالىقتى كوپ بولسا، مىنەزدەرى دە تۇرلىشە. مىنەزدەرىن جاقسى، جامان دەپ ءبولىپ ايتۋ قيىن.

مۇنىمەن قاتار بۇل ادامدار ءبىزدىڭ ومىرىمىزگە وزگەرىس ەنگىزەدى. سول سەبەپتى دوستى تاڭداۋ كەزىندە اباي بولعانىمىز ءجون. ولاي بولسا تومەندەگى 7 مىنەزدى ادامنان قاشىق بولايىق:

1. سىنشىلار.

سىزگە ۇناعان عاجاپ قۇبىلىستى جاعىمسىز دەپ ەسەپتەيتىن جاندار بار. بىرەۋدى «تالانتتى، بولاشاعى زور» دەپ باعالاساڭىز، سىنشى دوسىڭىز ونى «ناعىز اقىماق» دەيدى. ولار ۇنەمى بىرەۋمەن ءسوز تالاستىرماسا، تۇرا المايدى. مۇنىمەن قويماي، وزىمەن كەلىسپەيتىن ادامداردى «ناعىز اقىماقتىڭ ءوزى» دەپ سانايدى.

نەسىمەن قاۋىپتى: ولار الەم مەن جانىنداعى ادامداردى ءوزىنىڭ قالاۋىنا سايكەس وزگەرتىپ العىسى كەلەدى. بۇل جاندار ادامدار ءارتۇرلى بولعان سايىن ءومىر دە ەرەكشە بولاتىندىعىن مويىندامايدى. ولار ءسوز تالاستىرۋ بارىسىندا جيناعان نەگاتيۆتى ەموتسيامەن قورەكتەنەدى.

2. ناركەستەر.

بۇل ادامدار ءوزىن جەر الەمنىڭ پاتشاسىنداي سەزىنەدى. جوعارىداعى سىنشىلار سەكىلدى ادامداردى ءوز دەگەنىمەن جۇرگىزگەندى ۇناتادى. ءبىراق قۋ دەۋگە كەلمەيدى. ادەتتە ولارعا «اسپاننان جەرگە ءتۇسشى!» دەپ ايتقىمىز كەلەدى.

نەسىمەن قاۋىپتى: ولار وزدەرىنىڭ قاجەتتىلىكتەرىن كەز كەلگەن جولمەن وتەۋگە دايىن تۇرادى. ءسىزدىڭ قىزىعۋشىلىقتارىڭىز مۇلدەم ماڭىزدى ەمەس. ادامداردىڭ ءوزىنىڭ الدىندا باس ءيىپ، قۇرشا جورعالاعانىن قالايدى.

3. پەسسيميستەر.

بۇلار قولدا باردىڭ قادىرىن بىلمەيدى. وعان: «بۇگىن كۇن قانداي تاماشا!» دەسەڭىز، «اۋا رايى ەرتەڭ جاڭبىر جاۋاتىندىعىن ايتتى» دەگەن جاۋاپ الاسىز. نەمەسە سۇيىكتى فۋتبول كومانداڭىزدىڭ فينالعا شىققاندىعىن ايتساڭىز، فينالدا مىندەتتى تۇردە جەڭىلەدى دەگەن سوزدەر ەستيسىز.

نەسىمەن قاۋىپتى: بۇل ادامدار وزگەلەردىڭ قۋانىشىن ۇرلايدى. ومىرگە دەگەن وكپە، نازى جەتەرلىك. مۇنداي ادامدارمەن سويلەسۋ ارقىلى، ومىردەن كوڭىلىڭىز قالىپ قالۋى دا عاجاپ ەمەس.

4. مانيپۋلياتورلار.

ولار ادامداردى الداۋدان الدىنا جان سالمايدى. ادامداردىڭ ءالسىز تۇستارىن ءبىلىپ العان سوڭ، ونى وزىنە قارسى پايدالانادى.

نەسىمەن قاۋىپتى: بۇلاردىڭ جانىندا جۇرگەن ادامدار ءوزىن تومەن سەزىنەدى. ءوزىڭىز ۇناتپايتىن ىستەرمەن اينالىسۋعا ماجبۇرلەيدى. كوپ كەشىكپەي ءوزىڭىزدىڭ نە قالايتىندىعىڭىزدى ۇمىتىپ قالاسىز.

5. ارمانداردى ءولتىرۋشى.

سىزدە جاڭا يدەيا پايدا بولا سالىسىمەن، ونىڭ ورىندالمايتىندىعىن ايتىپ، ارتقا تارتادى. تابىسقا قول جەتكىزەر ساتتە، تومەن تارتىپ اكەتۋگە دايىن تۇرادى. ارمانىڭىزدىڭ ەشقاشان ورىندالمايتىندىعىن ايتىپ، مازاڭىزدى الادى.

نەسىمەن قاۋىپتى: ومىردە وزدەرىنىڭ جولى بولماعاندىقتان، باسقالاردىڭ تابىسقا جەتە الاتىندىعىنا سەنبەيدى. وزدەرىن دامىتۋعا ەش ۇلەس قوسپايدى. جاڭا ءومىر باستاۋدان باس تارتادى.

6. ەكىجۇزدىلەر.

ولار شىنايىلىق اتاۋلىسىن باياعىدا ۇمىتقان. مىسالى، ءسىز كۇلكىلى اڭگىمە ايتساڭىز، جاۋاپ رەتىندە ءجاي عانا جىميا سالعانىن كورەسىز. كوزىڭىزگە قاراپ، جاقسى كورەمىن دەسە دە، ىشتەي ءسىزدى جاقتىرماي تۇرادى.

نەسىمەن قاۋىپتى: بۇل ادامدارمەن قارىم-قاتىناستا بولۋ، شىنايى سەزىمدەرمەن ءبولىسۋ مۇمكىن ەمەس. ءتىپتى قاجەت كەزدە قولداۋ كورسەتە المايدى. بويىندا جاساندىلىق كوپ.

7. مادەنيەتسىزدەر.

بۇل ادامدارمەن بىرگە جۇرگەن كەزدە قىزارىپ، ۇيالۋمەن ۋاقىتىمىز وتەدى. ولار باسىندا ميى جوق اداممەن بىردەي. ءتىپتى وزدەرىنىڭ ۇياتتى ارەكەت جاساپ تۇرعاندارىن دا بايقامايدى.

نەسىمەن قاۋىپتى: بۇل ادامدار ءتارتىپ پەن شەكتى بىلمەيدى. وزگە ادامداردىڭ سەزىمدەرىن سىيلامايدى.

مۇنداي ادامدارمەن دوس بولعانشا، الشاق جۇرگەن مىڭ ەسە ارتىق. ۋاقىتتى مۇنداي ادامدارعا قۇرتۋ ءۇشىن ءومىر تىم قىسقا.

ال ءسىز قانداي ادامداردان الشاق جۇرگەندى ۇناتاسىز؟

 دەرەككوزى: "پ ت" توپتاماسىنان