+7 (701) 759 90 19 Лента
0 °С : استانا
2 °С : الماتى
USD 369.98 EUR 428.70
RUB 5.64 CNY 53.48
جاڭالىقتار

قازاقستاندا بالالاردى 7 -سىنىپتان باستاپ ماماندىققا باۋلۋ ۇسىنىلدى

18 مامىر 07:44 712
:ءبولىسۋ
قازاقستاندا بالالاردى 7 -سىنىپتان باستاپ ماماندىققا باۋلۋ ۇسىنىلدى

اقتوبە. قازاقپارات - «اتامەكەن» ۇلتتىق كاسىپكەرلەر پالاتاسى 7 -سىنىپ وقۋشىلارىنا زەرتتەۋ جۇرگىزىپ، ولاردىڭ قاي ماماندىققا يكەمدى ەكەنىن انىقتايدى.

بۇل جۇمىس ءبىلىم جانە عىلىم مينيسترلىگىمەن بىرگە اتقارىلادى، دەپ حابارلايدى قازاقپارات ءتىلشىسى.

اقتوبەگە جۇمىس ساپارىمەن كەلگەن «اتامەكەن» ۇ ك پ ءتوراعاسى تيمۋر قۇلىبايەۆ ءوندىرىس ورىندارىنا قاجەتتى كادر دايىنداۋ جۇمىسىنا توقتالدى.

«دۋالدى، قىسقارتىلعان باعدارلاما بويىنشا ءبىلىم بەرۋگە كوشۋ كەرەك. ءبىر ماماندى ءۇش جىل دايىنداۋ دۇرىس ەمەس. ولار كوللەدجدە مەكتەپ باعدارلاماسىن وقىماۋى ءتيىس. ءبىلىم الىپ، تەز ارادا ەكونوميكالىق وسىمگە ۇلەس قوسۋى ءۇشىن باعدارلامانى قىسقارتۋ جولدارىن قاراستىرامىز. ولار ءوز نانىن تابادى، جۇمىسقا كىرىسەدى، ءسويتىپ ەكونوميكالىق دامۋعا ۇلەس قوسادى»، - دەدى تيمۋر قۇلىبايەۆ.

جاڭا جوبانى قولعا العان «اتامەكەن» ۇ ك پ نورۆەگيا، سكانديناۆيا ەلدەرىنىڭ تاجىريبەسىنە سۇيەنىپ وتىر. ياعني، بالالاردى ماماندىققا مەكتەپتەن باستاپ يكەمدەيدى.

«بالالاردى مەكتەپتەن ماماندىققا دايىنداۋدى جوسپارلاپ وتىرمىز. ءبىلىم جانە عىلىم مينيسترلىگى ۇسىنىستى قولدادى. بارلىق 7 -سىنىپ وقۋشىسىن زەرتتەۋگە الىپ، ولاردىڭ قولىنان كەلەتىن ىستەردى، باعىتتى انىقتاپ، زەردەلەيمىز. قازىرگى كەزدە زەرتتەۋ ارقىلى كىمنەن قانداي مامان شىعاتىنىن بىلۋگە بولادى. سول كەزدە وقۋ باعدارلاماسىن وزگەرتۋگە، حاي-سكۋل، ياعني، 9، 10، 11 -سىنىپتا ماماندىق يگەرىپ شىعۋ مۇمكىندىگى تۋادى.

ءارى قاراي وقۋ باعدارلاماسىن جوو بايلانىستىرۋعا بولادى. بۇل «ءبىلىم تۋرالى» زاڭعا تولىقتىرۋلار مەن وزگەرتۋلەر ەنگىزۋگە تۋرا كەلەتىن شەشىم»، - دەدى «اتامەكەن» ۇ ك پ ءتوراعاسىنىڭ ورىنباسارى ەلدار جۇماعازيەۆ.

«اتامەكەن» ۇ ك پ «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىن ىسكە اسىرۋ كەزىندە اقتوبەنىڭ تاجىريبەسىنە سۇيەندى. ياعني، كادردى ءوندىرىس ورنىنىڭ ءوزى دايىندايدى. وتكەن جىلى ەلىمىزدە 4792 ادام وقىتىلدى. قازىرگى كەزدە ءدال وسى ادىسپەن ءبىلىم بەرەتىن 189 وقۋ ورتالىعى بار. كاسىپكەرلىك پالاتاسى بيىل بۇل ساندىق كورسەتكىشتى 300-گە جەتكىزبەك.

«ارتىقشىلىعى - مامان شاكىرتاقى الادى، كاسىپكەرگە ءاربىر وقىتقان كادر ءۇشىن اي سايىن 31 مىڭ تەڭگە بەرىلەدى. كادر دايىنداۋ ءۇشىن جىل سايىن ەلىمىز 107 ميلليارد تەڭگە بولەدى. ساپاسى سىن كوتەرمەيدى. سوندىقتان ءتورت وزگەرتۋ ەنگىزگىمىز كەلەدى. كوللەدج ديرەكتورى وبلىستىق كوميسسياعا كەلگەن كەزدە ءوزى دايىنداعان كادردىڭ جۇمىسقا ورنالاسقانى نەمەسە بوس جۇرگەنى تۋرالى اقپارات بەرۋى قاجەت. ماسەلەن، سارى اعاشتا دانەكەرلەۋشى دايىنداپ، تەك 7 پايىزى جۇمىسقا ورنالاسقان. تاعى دا سول ماماندىقتى دايىنداسا، سەبەبىن ءتۇسىندىرۋى ءتيىس. كوللەدجدىڭ ماتەريالدىق- تەحنيكالىق جاعدايى زاماناۋي سۇرانىسقا ساي كەلە مە دەگەن سۇراق تا ماڭىزدى. وقۋ باعدارلامالارىن باعالاۋ كەرەك»، - دەدى ەلدار جۇماعازيەۆ.


باستى سوزدەر: قوعام, ءبىلىم جانە عىلىم,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات