USD 429.57 EUR 447.35
RUB 6.94 CNY 63.23
جاڭالىقتار

قالاي اۋىرماۋعا بولادى؟ تۇماۋعا قارسى 7 ءتاسىل

16 قاراشا 15:08
:ءبولىسۋ
قالاي اۋىرماۋعا بولادى؟ تۇماۋعا قارسى 7 ءتاسىل

نۇر-سۇلتان. قازاقپاارت - ەلىمىزدە كۇن سۋىتىپ، تۇماۋ ماۋسىمى باستالادى. ادام بالاسىنىڭ تۇماۋ جانە جرۆي- مەن كۇرەسۋىنە ءومىرىنىڭ 6 جىلى كەتەدى ەكەن. تاماعى مەن باسى اۋىرىپ، جوتەل قىسىپ، توسەك تارتىپ جاتا بەرگەن، ارينە، كىم- كىمگە دە ۇنامايدى.

جىلدىڭ وسى مەزگىلىندە ادام ءوزىنىڭ دەنساۋلىعىنا كوڭىل ءبولىپ، كەيبىر ماسەلەلەردى ەسكەرگەنى ءجون.

1. مىندەتتى تۇردە ۇيقىڭىز قانىق بولسىن

تاۋلىگەنە 7 ساعاتتان از ۇيىقتايتىن ادامدار تۇماۋمەن 3 ەسە ءجيى اۋىرادى ەكەن. جۇمىس كۇندەرى ۇيقىڭىزدى قاندىرا الماساڭىز، دەمالىس كۇندەرى ۇيىقتاڭىز. جۇمىس كۇنى اياقتالعان سوڭ، دۇرىستاپ تىنىعۋعا تىرىسىڭىز. تەك ۇيقىڭىز تىنىش بولۋ ءۇشىن ۇيىقتاتاتىن دارىلەردىڭ كومەگىنە جۇگىنبەڭىز. بۇل تابلەتكالار - يممۋنيتەتتىڭ جاۋى. ەسەسىنە ۇيىقتار الدىندا سەرۋەندەپ كەلىڭىز نەمەسە ورتوپەديالىق جاستىق ساتىپ الىڭىز.

2. ديەتا ۇستاماڭىز

قىستا ورگانيزم سۋىقتان قورعانۋ ءۇشىن بەلگىلى مولشەردە ماي جينايدى. ەگەر ءسىز سول مايلاردان ارىلساڭىز، ءبىرىنشى كەزەكتە يممۋنيتەت زارداپ شەگەدى. ليمفوتسيتتەردىڭ جانە ماكروفاگتاردىڭ قابىرعالارى - ءبىزدىڭ قورعانىش جاسۋشالارىمىز - ليپيدتەردەن، ياعني مايدان تۇرعاندىقتان، مايسىز ديەتالار زيان.

ماۋسىمدىق تۇماۋ ەپيدەمياسى كەزىندە ازىق- تۇلىكتەردەگى كالوريا مولشەرىن ءتىپتى ارتتىرىپ، دارۋمەن- مينەرالدى كەشەندەردى الۋ قاجەت. اسىرەسە سەلەن جانە مىرىش پايدالى. بۇل ميكروەلەمەنتتەر يممۋنيتەتتى نىعايتادى.

ەستە ساقتاۋ قاجەت: قىستا تاعام قۇرامىندا اقۋىز كوپ بولۋ كەرەك. ەگەر ارىقتاعىڭىز كەلسە، وندا ناۋرىز ايىنىڭ ورتاسىنان باستاپ ديەتا ۇستاعان ءجون.

3. ءبىراق تىم ارتىق سالماق تا قوسپاڭىز

مايدىڭ ارتىق مولشەردە بولۋى يممۋنيتتەتتى تومەندەتىپ جىبەرەدى. اقۋىزدىڭ كوپ مولشەردە بولۋى بۇيرەك پەن اسقازان- ىشەك جولدارىنا سالماق تۇسىرەدى. قانتتىڭ كوبەيۋى سەمىزدىككە اكەپ سوعادى. اسا سەمىزدىك پەن اسا ارىقتىق يممۋنيتەتكە وتە زيان.

4. كوڭىل- كۇيىڭىز ءاردايىم كوتەرىڭكى بولسىن

ەگەر ءسىز كۇيزەلىستە نەمەسە كوڭىل- كۇيىڭىز بولماي جۇرسە، سۋىق تيگىزىپ الۋ، تۇماۋ جۇقتىرۋ ىقتيمالدىعى جوعارى. سونىمەن قاتار ادام جۇمىسباستى بولىپ، كۇندىز- ءتۇنى جۇمىسقا بەرىلىپ كەتسە دە تۇماۋدى تەز جۇقتىرادى. سوندىقتان تىنىعىڭىز، ءبىر- ەكى كۇن وزىڭىزگە دەمالىس جاريالاڭىز.

5. بەلسەندى بولىڭىز

ماماندار جوعارى جۇكتەمەلەر كەزەڭىندە سپورتشىلار اراسىندا كەيبىر يممۋنوگلوبۋليندەردىڭ جوعالىپ كەتەتىنىن ايتادى. ورگانيزم ءوزىنىڭ بار كۇش- قۋاتىن جەڭىسكە جەتۋ جولىنا ارنايدى، بۇل كەزدە ورگانيزم جۇقپالى اۋرۋلاردان قورعانۋدى توقتاتادى.

سونىڭ كەسىرىنەن سپورتشىلار ءجيى اۋىرادى.

ەستە ساقتاڭىز: ماۋسىمدىق تۇماۋ كەزىندە اۋىر جاتتىعۋلار يممۋنيتەتتى تومەندەتەدى. قىس مەزگىلىندە ترەناجەرعا بارعاننان گورى يوگا، پيلاتەس، سپورتتىق بيلەرگە قاتىسقان ءجون.

6. شىنىعىڭىز

سالقىن دۋش پەن اياقتى سالقىن نە ىستىق سۋمەن جۋۋ دا ءوز پايداسىن تيگىزەدى. ءبىراق دارىگەرلەر سالقىن سۋعا تۇسۋگە تىم اۋەستەنىپ كەتكەن دە دۇرىس ەمەس دەيدى. (مۇزداي سۋمەن قۇيىنۋ، قىستا وزەنگە شومىلۋ)

7. قولىڭىزدى سابىمەن جۋىڭىز

قولىڭىزدى ءاردايىم سابىنمەن جۋۋعا مۇمكىندىك بولماسا زارارسىزداندىرعىش مايلىقپەن ءسۇرتىڭىز. سالقىن تيگەننەن بولاتىن اۋرۋدىڭ % 90 ى قول ارقىلى جۇعادى ەكەن. قول الىسىپ امانداسقاندا، ەسىك اشقاندا، قوعامدىق كولىكتە تۇتقالاردان ۇستانعان كەزدە.

قول ورامالىن تاستامايتىن ادام ۆيرۋستىڭ قالدىقتارىن جۇقتىرادى. ول سول قولىمەن ءار نارسەنى ۇستاپ، ۆيرۋس جۇقتىرۋى مۇمكىن.

ەستە ساقتاڭىز: جۇمىس ۋاقىتى كەزىندە قولىن كەمىندە 5 رەت انتيباكتەريالىق گەلمەن سۇرتكەن ادام تۇماۋمەن دە از اۋىرادى جانە كوپ جوتەلمەيدى.

Baq.kz



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات