USD 425.02 EUR 450.1
RUB 7.17 CNY 63.75
جاڭالىقتار

امەريكانىڭ ايگىلى گارۆارد ۋنيۆەرسيتەتى تۋرالى بىلە بەرمەيتىن 7 قىزىقتى دەرەك

10 قاراشا 18:04
:ءبولىسۋ
امەريكانىڭ ايگىلى گارۆارد ۋنيۆەرسيتەتى تۋرالى بىلە بەرمەيتىن 7 قىزىقتى دەرەك

نۇر- سۇلتان. قازاقپارات - امەريكانىڭ باستى ۋنيۆەرسيتەتىنىڭ ءومىر داعدىسى...

امەريكانىڭ ەجەلدەن كەلە جاتقان جانە باستى ۋنيۆەرسيتەتى قۇرىلعاننان باستاپ وسى كەزگە دەيىن داعدىلارى مەن قۇپيالارى سانسىز تۇردە وسكەندىگى سونشالىق، ونىڭ بارلىعى تۋرالى، تىپتەن قالىڭ كىتاپقا دا سىيعىزۋ مۇمكىن ەمەس شىعار.

bilim-all.kz گارۆارد تۋرالى ءسىز بىلە بەرمەيتىن ەڭ قىزىقتى 7 دەرەكتى تاڭداپ الدى.

1. ءۇش جالعان ءمۇسىنى

گارۆارد اۋلاسىنا سالتاناتتى تۇردە ورناتىلعان دجون گارۆاردتىڭ ءمۇسىنى، - ا ق ش- تاعى ەڭ كوپ سۋرەتكە تۇسىرىلگەن مۇسىندەر تىزىمىندە ءۇشىنشى ورىندا. تۇعىرىنىڭ تانىمالدىلىعىنا قاراماستان، گارۆارد ستۋدەنتتەرى وزىنە لايىقتى پيەتەتسىز ونى «ءۇش جالعان ءمۇسىنى» دەپ اتايدى. تۇعىرىندا مىناداي جازۋ جازىلعان: «دجون گارۆارد، نەگىزىن قالاۋشى، 1638». شىندىعىندا، گارۆارد نەگىزىن قالاۋشىدان گورى، ا ق ش- تىڭ ەجەلگى ۋنيۆەرستەتىنە ەسىمىن بەرۋ قۇرمەتىنە لايىقتى جومارت دەمەۋشى بولعان ءتارىزدى. سونىمەن قاتار، گارۆارد ۋنيۆەرسيتەتىنىڭ نەگىزى مۇلدە 1638 -جىلى ەمەس، 1636 -جىلى قالانعان. ەڭ سوڭعىسى، مۇسىندە ناعىز دجون گارۆارد بەينەلەنبەگەن، مۇسىنشىگە قالىپتىڭ رولىندە تۇرۋعا كەلىسىم بەرگەن كەزدەيسوق ستۋدەنت دانيەل چەستەر فرەنچ بەينەلەنگەن.

دجون گارۆاردتىڭ قۇرمەتىنە قويىلعان ءمۇسىن

2. گارۆارد ماتەماتيكالىق تالداۋدان دا بۇرىن دۇنيەگە كەلگەن

گارۆاردتىڭ وتە ەجەلگى ۋنيۆەرسيتەت بولعاندىعى سونشالىق، تىپتەن ونىڭ نەگىزى قالانعان كەزدە، ەسەپتەۋلەر ءتارىزدى پاندەر (نەمەسە ماتەماتيكالىق تالداۋ، حالىقتا calculus) ساباق كەستەسىندە بولماعان دا، ويتكەنى ول تۋرا سول كەزدەردە ءالى «شىقپاعان» دا بولاتىن. ەسەپتەۋلەر گوتفريد لەيبنيتستىڭ Nova Methodus جاريالانىمىمەن XVII عاسىردىڭ سوڭىندا پايدا بولدى. تاعى دا سالىستىرۋ ءۇشىن: 1642 -جىلى قايتىس بولعان گاليلەو گاليلەي، گارۆارد ۋنيۆەرسيتەتىنىڭ العاش نەگىزى قالانعان ساتتە جانە ونىڭ العاشقى جىلدارىندا ءالى ءتىرى بولعان.

گارۆارد- كوللەدج، 1767 -جىلعى سۋرەت

3. سەگىز سانى - گارۆاردتا سيقىرلى سان

گارۆارد ءوزىن بىتىرگەن كوپتەگەن بەدەلدى تۇلعالارى ارقىلى تانىمال. ولاردىڭ اراسىندا، تاۋەلسىزدىك دەكلاراتسياسىنا قول قويعان - گارۆاردتىڭ سەگىز تۇلەگى بار: دجون حەنكوك، سەميۋەل ادامس، دجون ادامس، ۋيليام ەللەري، ۋيليام ۋيليامس، ۋيليام حۋپەر، ەلبريدج دجەرري جانە روبەرت تريت پەين. بالكىم، سەگىز سانى - سيقىرلى سان شىعار، ويتكەنى وسى ۋنيۆەرسيتەتتىڭ 8 تۇلەگى كەيىننەن ا ق ش- تىڭ پرەزيدەنتتەرى بولعان: دجون ادامس، دجون كۋينسي ادامس، تەد رۋزۆەلت، فرانكلين رۋزۆەلت، دجون كەننەدي، دجوردج بۋش- ملادشيي، راتەرفورد حەيس جانە باراك وباما.

4. جەراستى كىتاپحاناسى

ا ق ش- تاعى ۇلكەندىگى بويىنشا ەكىنشى ورىندا تۇرعان ۋايدەنەر كىتاپحاناسىندا ءىرى 10 قابات بار، ونىڭ تورتەۋى جەر استىندا ورنالاسقان. كىتاپحانا گارري ەلكينس ۋايدەنەردىڭ قۇرمەتىنە اتالعان، ونىڭ اناسى ەلەونورا گارۆاردتىڭ قۇرىلىسىنا 3,5 ميلليون دوللار بەرىپ، قايىرىمدىلىق تانىتقان. الدىندا جارقىن بولاشاق كۇتىپ تۇرعان گارري دە وسى گارۆاردتىڭ تۇلەگى بولعان، الايدا تيتانيكتىڭ جولاۋشىلارىنىڭ قاتارىندا بولۋ باقىتى وعان بۇيىرماعان.

ۋايدەنەر كىتاپحاناسى

ەلەونورا قايىرىمدىلىقتى ءبىر شارتپەن جاساعان: كىتاپحانا عيماراتىنىڭ سىرتقى كورىنىسى ەشقانداي تۇردە وزگەرتىلە المايدى. ولاي بولماعان جاعدايدا كىتاپحانا اۆتوماتتى تۇردە كەمبريدجدىڭ (ماسساچۋسەتس شتاتىنداعى قالا) جەكە مەنشىگىنە وتەدى. سوندىقتان، كىتاپحانانى كەڭەيتۋ تۋرالى ماسەلە تۋىنداعاندا، ساۋلەتشىلەرگە تاپقىرلىق تانىتۋعا تۋرا كەلگەن، سونىڭ ناتيجەسىندە عيماراتتى جوعارى قاراي نەمەسە جانىنان كەڭەيتۋ ەمەس، استىنا قاراي كەڭەيتۋ يدەياسى تۋعان.

5. تۇسىرىلىمگە تىيىم سالۋ

1972 -جىلدان باستاپ ۋنيۆەرسيتەت اۋماعىندا كوممەرتسيالىق ءتۇسىرىلىم جاساۋعا تىيىم سالىنعان. گارۆاردتا سىنىپتاردىڭ ىشىندە، ستۋدەنتتەردىڭ جاتاقحاناسىندا جانە اسحانالاردا ءتۇسىرىلىم جاساۋعا بولمايدى.

6. ۋنيۆەرسيتەتتىڭ باستى قاقپالارى كوبىنە جابىق تۇرادى

گارۆاردتا تاۋلىك بويىنا اشىق تۇراتىن باسقا قاقپالار وتە كوپ (جۇمىس كۇندەرى ۋنيۆەرسيتەت اۋماعىنا ادامداردىڭ بارلىعى دا كىرە الادى). الايدا دجونستون قاقپاسى، كامپۋستىڭ باس قاقپالارى كوبىندە جابىق تۇرادى.

ويتكەنى، گارۆارد ستۋدەنتتەرى ولار ارقىلى تەك ەكى- اق رەت ءوتۋى ءتيىس. ءبىرىنشى رەت - كامپۋسقا ءبىرىنشى كۋرس ستۋدەنتى بولىپ كىرگەندە، جانە دە تابۋ قيىن ەمەس تە شىعار، ەكىنشى رەت - ولار گارۆاردتان تۇلەك رەتىندە ءبىتىرىپ شىققان كەزدە. ستۋدەنتتەردىڭ بۇل قاقپالاردان ەكى رەتتەن ارتىق ءوتۋى جامان ىرىم بولىپ سانالادى.

دجونستون قاقپاسى

7. ءبىرىنشى كۋرس ستۋدەنتتەرىنىڭ جالاڭاش فوتوسۋرەتتەرى

1940 جانە 1970-جىلدار ارالىعىندا بارقىتتار ليگاسى (ا ق ش- تىڭ سولتۇستىك- شىعىسىنداعى جەتى شتاتىندا ورنالاسقان سەگىز دەربەس امەريكا ۋنيۆەرسيتەتتەرىنىڭ قاۋىمداستىعى) ۋنيۆەرسيتەتتەرىنىڭ ءبىرقاتارىندا بارلىق ءبىرىنشى كۋرس ستۋدەنتتەرىنە ارنالعان تاڭىرقارلىق ەرەجە بار بولاتىن. گارۆارد، يەل، ۋەللسلي كوللەدج جانە براۋنوۆ ۋنيۆەرسيتەتتەرى، ءبىرىنشى كۋرسقا تۇسكەن بارلىق قىز- جىگىتتەردى فوتوگرافقا جالاڭاش كۇيىندە فوتوعا تۇسۋگە جىبەرەتىن ەليتالىق امەريكا وقۋ ورىندارىنىڭ قاتارىندا بولدى. تىر-جالاڭاش ستۋدەنتتەردىڭ مىڭداعان فوتوسۋرەتتەرى سول تاڭعالارلىق ۋاقىتتاردا جاسالعان بولاتىن. ستۋدەنتتەر ءتۇسىرىلىم جاساۋعا، ارينە، ەشقانداي دا جازباشا تۇردە رۇقساتتاماعا قول قويماعانى تۇسىنىكتى. ولارعا تەك بۇرىننان وسىلاي كەلە جاتقاندىعىن ايتقان.

بۇل وزگەشە فوتوسەسسيا، ولاردى ۋنيۆەرسيتەتتەرمەن بىرلەسە جۇمىس ىستەۋ جاعىنان باسقارعان پسيحولوگ- عالىم ۋيليام حەربەرت شەلدوننىڭ ۇلكەن زەرتتەۋ جوباسىنىڭ ءبىر بولىگى عانا بولاتىن. بۇل يدەيا بويىنشا، ستۋدەنتتەردىڭ مۇسىنىنە قاتىستى سكوليوز، راحيت جانە باسقا دا قالعان كەمىستىكتەرىن انىقتاۋ ءۇشىن وسى فوتوسۋرەتتەردى (ولاردا ستۋدەنتتەر تۋرا قاراپ جانە ءبىر قىرىمەن تۇرعان) پايدالانباقشى بولعان.

الايدا، شىن مانىسىندە ولاردىڭ ودان دا جامان نارسەلەردى زەرتتەۋ ءۇشىن پايدالانعاندىعى تۋرالى بولجام بار. شەلدوننىڭ قۇپيا جازبالارى، عالىمنىڭ بارقىت ليگاسىنىڭ ءبىرىنشى كۋرس ستۋدەنتتەرىنىڭ فوتوسۋرەتتەرىن ادام دەنەسى مەن ونىڭ ينتەللەكتى اراسىنداعى قاتىناستى زەرتتەۋ ءۇشىن قولدانعاندىعىنان دالەلدەيدى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات