ەشكىمگە ايتۋعا بولمايتىن 7 نارسە

None
None
نۇر- سۇلتان. قازاقپارات - قاشان دا قۇپيا بولىپ قالۋى ءتيىس دۇنيەلەر بار. ەگەر ولار جايىندا اينالاڭىزداعىلار قۇلاعدار بولسا، قيىندىققا تاپ بولۋىڭىز مۇمكىن. مىندەتتى تۇردە ىشىڭىزدە بۇعىپ، ەل قۇلاعىنا ىلىنبەۋى ءتيىس دۇنيەلەر ءتىزىمىن ۇسىنامىز.

ماڭىزدى جوسپارلار

قول جەتكىزۋدى كوزدەگەن ماقسات- جوسپارلارىڭىز جايلى ەشكىمگە ءتىس جارماڭىز. ابدەن جۇزەگە اسىرعانشا قۇپيا ۇستاعانىڭىز ابزال. كولەمدى ماقسات- جوسپارلاردىڭ ءالسىز، تولىق ويلاستىرىلماعان تۇستارى بولۋى قاشان دا زاڭدى. ەگەر ويعا العان جوسپارىڭىز تۋرالى الدەكىمگە ايتساڭىز، ول كەمشىل تۇستارىن تىزبەلەۋى مۇمكىن. ناتيجەسىندە كوڭىلىڭىز قايتىپ، جىگەرىڭىز قۇم بولادى. ول ماقساتىڭىزعا جەتۋگە كەدەرگى جاسايدى.

قايىرلى ءىس- ارەكەت

قايىرىمدى، جومارت، قايىرلى ىستەر دە قۇپيا بولىپ، ءوزىڭىز بەن جاراتۋشى اراسىندا عانا قالعانى ءلازىم. مۇنداي ىستەر اتاق- ابىروي، جاقسى اتقا يەلەنۋ ءۇشىن جاسالمايدى. ەگەر ءوزىڭىزدى ماقتار بولساڭىز، بويىڭىزدا تاكاپپارلىق وتى مازداي تۇسەدى. ال ءبارى- ءبىر دە يگى ارەكەتتەرىڭىز جايىندا وزگەلەردىڭ حاباردار بولعانىن قالاساڭىز، مۇنداي ارەكەتكە يتەرمەلەگەن نە نارسە ەكەنىن سانا سارابىنان وتكىزگەنىڭىز ءجون. بالكىم، ماسەلە جاناشىرلىق پەن مەيىرىمدىلىكتى ەمەس، قوشەمەت سوزدەرىن ەستۋدى قالاۋىڭىزدا بولار.

جەكە ءومىر

ەشقاشان جەكە ءومىرىڭىزدى بۇگە- شىگەسىنە دەيىن ءسوز ەتپەڭىز. ۇستانعان ەمدامىڭىز، تاڭمەن تالاسىپ ەرتە تۇرۋدى قالاي ۇيرەنگەنىڭىز جايلى ايتىپ، ماقتانۋدىڭ قاجەتى جوق. ءناپسىڭىزدى اۋىزدىقتاپ، يمانىڭىزدى ارتتىرىپ، رۋحاني تىنىشتىق تاپقانىڭىز جونىندە دە ءسوز ەتپەڭىز. ەگەر مۇنداي «جەكە» دۇنيەلەرمەن بولىسسەڭىز، رۋحاني كەمەلدىگىڭىز ءمان- ماعىناسىن جويادى. ناعىز رۋحاني تەپە- تەڭدىك ماقتانعا ەمەس، ۇيلەسىمدىلىككە مۇقتاج.

باتىلدىق

وجتتىك، ەرلىك تانىتقان ساتتەرىڭىز جونىندە دە ءتىس جارماعانىڭىز ابزال. بارلىعىمىز دا ومىردە ءتۇرلى جاعداي، ءتۇرلى سىنققا تاپ بولىپ جاتامىز. جەتىستىكتەرىمىزدىڭ بارلىعى ءوز كەزەگىندە جەمىسىن، ماراپاتىن الادى. الايدا ونىڭ قاشان، قايدا بولارىن شەشەتىن ءسىز ەمەس. سوندىقتان وزگەلەر الدىندا جاساعان ەرلىگىڭىزبەن ماقتانۋ ءجونسىز.

دۇنيەنىڭ بەيمالىم تۇستارى

ءومىر مەن ءولىم جايلى ءوز پايىمىڭىزبەن بولىسپەگەنىڭىز ءلازىم. ول - اقيقات ەمەس، تەك ءسىزدىڭ جەكە پىكىرىڭىز عانا. سوندىقتان دۇنيەنىڭ كورىنەتىن، كورىنبەيتىن تۇستارى جونىندە ءسوز ەتىپ، بىلگىشسىنۋ - ارتىقتىق. مۇنداي ارەكەتىڭىز ارقىلى وزگەلەرگە مەنمەن، تاكاپپار كورىنەسىز.

وتباسىنداعى داۋ- داماي

وتباسىندا بولىپ جاتقان قيىندىقتار جايلى مۇلدەم ءسوز ەتپەۋگە تىرىسىڭىز. ول وتباسىڭىزدى مىعىم ەتەدى. قيىندىقتىڭ بارلىعىن جانۇياڭىزدا عانا تالقىلانۋى ءتيىس جانە تابالدىرىقتان ءارى شىقپاعانى ءجون. اينالاڭىزداعىلارعا شاعىمدانىپ، نالىعان سايىن، قيىندىقتى ەڭسەرۋ دە قيىنداي تۇسپەك.

وزگەلەردىڭ جاعىمسىز مىنەز- قۇلقى، ارەكەتى

وزگەلەردىڭ قاتەلىگىن مىنەپ- سىناۋدان بويىڭىزدى دا، ويىڭىزدى دا اۋلاق ۇستاڭىز. وسەك- اياڭ ارقىلى، ەڭ الدىمەن وزگەنىڭ ەمەس، ءوزىڭىزدىڭ بەدەلىڭىزگە نۇقسان، اتىڭىزعا كىر كەلتىرەسىز. كۇنى بويى كورگەن جاماندىقتارىن اينالاسىنداعىلارعا جايىپ سالاتىن ادام تازا ۇيدە لاس باتەڭكەمەن جۇرگەن ادامنان اقىلدىراق ەمەس.

Stan.kz


سوڭعى جاڭالىقتار