الماتىدا كوروناۆيرۋس جۇقتىرعاندارمەن قارىم-قاتىناستا بولعان 798 ادام انىقتالدى
«قالا گارنيزونىنىڭ جەكە قۇرامى قىزمەت ەتۋدىڭ كۇشەيتىلگەن دەڭگەيىنە كوشتى. قازىرگى تاڭدا دەپارتامەنت تاراپىننان كوروناۆيرۋستىق ينفەكتسيانىڭ الدىن الۋعا جانە وعان توسقاۋىل قويۋعا باعىتتالعان شارالار جاسالۋدا. باسقا دا مەملەكەتتىك ورگاندارمەن بىرىگە وتىرىپ، ينفەكتسيا جۇقتىرعان ازاماتتارمەن قارىم-قاتىناستا بولعان تۇلعالاردى ىزدەستىرۋدە. بۇگىنگى كۇنى وسىنداي 798 ازامات انىقتالىپ، ولار مەديتسينالىق مەكەمەلەرگە جەتكىزىلدى»، - دەدى قانات تايمەردەنوۆ.
ونىڭ ايتۋىنشا، قالاداعى اسا ماڭىزدى مەملەكەتتىك نىساندار مەن مەكەمەلەر تاۋلىك بويىندا كۇزەتكە الىنعان. قالالىق پوليتسيا دەپارتامەنتىنىڭ باسشىسى كارانتين رەجيمىنە قاتىستى جاسالعان شارالارعا توقتالدى.
«الماتىنىڭ شەكاراسىنان اۆتاكولىكتەردىڭ كىرىپ - شىعۋىنا شەكتەۋ قويىلادى، وسىعان بايلانىستى قالانىڭ بارلىق كىرەبەرىسىنە جانە 10 ماگيسترالعا 27 بلوك بەكەت قويىلادى، ول جەرگە كۇندەلىكتى پوليتسيا قىزمەتكەرلەرى مەن قورعانىس مينيستىرلىگىنىڭ ساربازدارى جۇمىلدىرىلادى. پوليتسيا دەپارتامەنتىندە كولل ورتالىق قۇرىلىپ، ازاماتتاردىڭ بارلىق سۇراعىنا جەدەل جاۋاپ بەرىلەدى.
قۇرمەتتى ازاماتتار سىزدەردەن ءى ءى و تاراپىنان جاسالىپ جاتقان شارالارعا تۇسىنىستىكپەن قاراۋىن سۇرايمىز. ويتكەنى ولار ءسىزدىڭ جانە جاقىندارىڭىزدىڭ قاۋىپسىزدىگىنە باعىتتالعان»، - دەدى قانات تايمەردەنوۆ.
سونىمەن قاتار، ونىڭ ايتۋىنشا، ازاماتتاردىڭ سۇراقتارىنا جاۋاپ بەرۋ ءۇشىن 2544007 ءنومىرلى قاۋىرت جەلى ىسكە قوسىلدى.
ايتا كەتۋ كەرەك، الماتى مەن نۇر-سۇلتان قالالارىندا كارانتين رەجىمى ەنگىزىلەدى.