ەلدەگى قىلمىسكەرلەردىڭ 79,2 پايىزى جۇمىسسىزدار

نۇر-سۇلتان. قازاقپارات - وسى جىلدىڭ قاڭتار- ءساۋىر ايلارىندا ەلىمىزدە 20 مىڭ ادام قىلمىستىق قۇقىقبۇزۋشىلىق جاسادى، بۇل ءبىر جىل بۇرىنعىعا قاراعاندا %1,9- عا از، دەپ حابارلايدى قازاقپارات finprom.kz سايتىنا سىلتەمە جاساپ.

ونىڭ ىشىندە 3,8 مىڭ ادام قىلمىس جاساسا، 7,2 مىڭ ادام - ورتاشا اۋىر قىلمىس، 5,4 مىڭ ادام - اۋىر قىلمىس، 3,1 مىڭ ادام - جەڭىل قىلمىس، 459 ادام اسا اۋىر قىلمىس جاساعان.

سالىستىراتىن بولساق، 2020 -جىلدىڭ وسى كەزەڭىندە قىلمىستىق قۇقىق بۇزعان 20,4 مىڭ ادام ۇستالدى.

وڭىرلىك بولىنىستە قىلمىسكەرلەردىڭ باسىم بولىگى الماتى وبلىسىندا تۇرادى: 2,4 مىڭ ادام - ءبىر جىل بۇرىنعىعا قاراعاندا %0,5 عا از. انتيليدەرلەردىڭ ۇشتىگىنە الماتى (2,3 مىڭ ادام، مينۋس %5,8) جانە استانا (1,7 مىڭ ادام، پليۋس %8,5) قالالارى كىرەدى. قىلمىسكەرلەردىڭ ەڭ ازى قىزىلوردا وبلىسىندا تىركەلگەن: 436 ادام، ءبىر جىل بۇرىن 466 ادام بولعان. قىلمىسكەرلەر سانىنىڭ ءوسۋى بويىنشا سولتۇستىك قازاقستان وبلىسى (%10,9 عا، 801 ادامعا دەيىن)، قىسقارۋى بويىنىشا جامبىل وبلىسى (%15,2 عا، 832 ادامعا دەيىن) الدا كەلەدى.

قىلمىسكەرلەردىڭ %79,2 نەمەسە 15,8 مىڭى - جۇمىسسىزدار. ولاردىڭ سانى ءبىر جىلدا %3,3 عا قىسقاردى. تاعى 1,4 مىڭ ءتارتىپ بۇزۋشى جۇمىسشى، 381 ادام - مەملەكەتتىك قىزمەتكەر، 339 ادام - ءبىلىم الۋشى، 261 ادام جەكە كاسىپكەر بولدى.

اۆتور: اقبوپە ءابدراسۋل