الماتىدا كارانتين رەجيمىن بۇزعاندارعا 78 ميلليون تەڭگەگە ايىپپۇل سالىندى

الماتى. قازاقپارات - الماتىنىڭ مونيتورينگ توپتارى كۇشەيتىلگەن رەجمدە جۇمىس ىستەپ جاتىر. 16 زاڭ بۇزۋشىلىق بويىنشا ماتەريالدار سوتقا بەرىلدى، دەپ حابارلايدى قازاقپارات ءتىلشىسى.

الماتىدا كوروناۆيرۋس ينفەكتسياسىن جۇقتىرۋدىڭ 18163 وقيعاسى تىركەلدى. الماتى قالاسى اكىمىنىڭ تاپسىرماسى بويىنشا سانيتارلىق-ەپيدەميالىق شارالاردىڭ ساقتالۋىن باقىلاۋ ماقساتىندا الماتىدا قۇرامىنا اۋدان اكىمدىكتەرىنىڭ، جەرگىلىكتى پوليتسيا قىزمەتىنىڭ وكىلدەرى، سونداي-اق «اتامەكەن» كاسىپكەرلەر پالاتاسىنىڭ قىزمەتكەرلەرى ەنگەن 32 مونيتورينگتىك توپ كۇشەيتىلگەن جۇمىستارىن جالعاستىرۋدا.

8- قازان مەن 27- جەلتوقسان ارالىعىندا 648 مونيتورينگ شارالارى جۇرگىزىلدى، ونىڭ باراسىندا 5464 نىسان قامتىلدى. سونىڭ ناتيجەسىندە كارانتين شارالارىن بۇزۋدىڭ 1100 فاكتىسى انىقتالدى.

مونيتورينگتىك توپتار جۇرگىزگەن تەكسەرىستەر ناتيجەسىندە كەلەسى شارالار قابىلداندى:

كارانتين شارالارىن ساقتالماعانى ءۇشىن اكىمشىلىك قۇقىقبۇزۋشىلىق جونىندە 959 حاتتاما تولتىرىلدى.

جالپى سوماسى 78,1 ميلليون تەڭگەگە زاڭدى جانە جەكە تۇلعالارعا ايىپپۇل سالىندى. جۇيەلى بۇزۋشىلىقتار بويىنشا 16 ماتەريال سوتقا بەرىلدى. الماتى قالاسىنىڭ مامانداندىرىلعان اۋدانارالىق اكىمشىلىك سوتىنا اۋداندار بويىنشا تومەندەگىدەي ماتەريالدار جىبەرىلدى:

- المالى اۋدانى - 3 («اراگوستا»، «دەگيرمەن» ءدامحانالارى، «دورەمي» كاراكوكەسى)؛

- اۋەزوۆ اۋدانى - 3 ( «مياتا» لاۋندج بارى، «الماتى» كاراوكە- بارى، «Playstation Go» ويىن كلۋبى)؛

- مەدەۋ اۋدانى - 7 («مانانا» -2 مەيرامحاناسى، «وترار بار» ج ش س (تانتسى) - 4، «تسەنترال» -1 ءدامحاناسى، «Hookan Dreems» -1 لانۋدج بارى، «گلوبال فۋدەند» ج ش س نەبو-1 بارى، «ورانجەري Group» ج ش س رەستوبار-1، «BM Trade Company» ج ش س «ارتيست» -1 بارى)؛

- تۇركسىب اۋدانى - 3 («رايانا» مەيرامحاناسى يلاحۋنوۆ ج ك، «اتلانتيس» بيليارد كلۋبى، بيجانوۆ ر. م. ج ك، «پروۆانس» ءدامحاناسى.

سونىمەن قاتار، سوت شەشىمى بويىنشا «ورانجەر» رەستوبارى («ورانجەري Group» ج ش س)؛ «پروۆانس» ءدامحاناسى («دي سي» ج ك) جانە «رايانا» ءدامحاناسىنىڭ («يلاحۋنوۆ» ج ك) قىزمەتى ءبىر اي مەرزىمگە توقتاتىلىپ، يەلەرىنە 100 ا ە ك مولشەرىندە ايىپپۇل سالىندى.

الماتى اكىمدىگى قالا تۇرعىندارى مەن قوناقتارىن ەپيدەميولوگتار بەلگىلەگەن قاۋىپسىزدىك تالاپتارىن ەسكەرىپ، بەتپەردە رەجيمىن، الەۋمەتتىك قاشىقتىقتى ساقتاۋعا جانە مۇمكىندىگىنشە ادامدار كوپ جينالاتىن ورىندارعا بارماۋعا شاقىرادى.