+7 (701) 759 90 19
17 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قىتايعا تاعى 78 قازاقستاندىق كاسىپورىن زىعىر تۇقىمىن ەكسپورتتاي الادى – ق ر ا ش م

7 تامىز 15:04
:ءبولىسۋ
قىتايعا تاعى 78 قازاقستاندىق كاسىپورىن زىعىر تۇقىمىن ەكسپورتتاي الادى – ق ر ا ش م

نۇر- سۇلتان. قازاقپارات – ق ر اۋىل شارۋاشىلىعى مينيسترلىگى كەپىلدىكپەن تاعى 78 زىعىر تۇقىمىن جانە 8 بيداي ۇنىن وندىرۋشىلەردى قىتاي حالىق رەسپۋبليكاسىنا ەكسپورتتاۋعا قۇقىعى بار كاسىپورىندار تىزىلىمىنە ەنگىزۋگە قول جەتكىزدى، دەپ حابارلايدى اتالمىش مينيسترلىكتىڭ باسپا ءسوز قىزمەتى.

وسىلايشا، قازىرگى ۋاقىتتا 103 زىعىر تۇقىمىن ءوندىرۋشى (ونىڭ 78- ءى ق ر ا ش م كەپىلدىگىمەن) جانە بيداي ۇنىن وندىرەتىن 94 كومپانيانىڭ (64- ءى ق ر اشم كەپىلدىگىمەن) ءوز ونىمدەرىن قىتايعا ەكسپورتتاۋعا قۇقىعى بار.

«ەستەرىڭىزگە سالا كەتەيىك، وتكەن جىلى قىتايدا وتكەن «ءبىر بەلدەۋ، ءبىر جول» حالىقارالىق ىنتىماقتاستىق فورۋمى بارىسىندا بيداي ۇنىنىڭ ەكسپورتتىق پارتيالارىنا قويىلاتىن فيتوسانيتارلىق تالاپتار جونىندەگى حاتتاماعا، ال مەملەكەت باسشىسىنىڭ بەيجىڭگە ساپارى اياسىندا قازاقستاننان قىتايعا ەكسپورتتالاتىن زىعىر تۇقىمىنا قويىلاتىن فيتوسانيتارلىق تالاپتار جونىندەگى حاتتاماعا قول قويىلعان بولاتىن. قۇجاتتارعا قول قويىلعاننان كەيىن قىتاي تاراپى ەكسپورت قۇقىعى بار كاسىپورىنداردىڭ تىزىلىمىنە بيداي ۇنى مەن زىعىر تۇقىمىن وندىرەتىن 55 كومپانيانى ەنگىزدى. حاتتامالار قازاقستاندىق اۋىل شارۋاشىلىعى تاۋارلارىن وندىرۋشىلەرگە ءونىمدى جەڭىلدەتىلگەن تارتىپپەن ەكسپورتتاۋ قۇقىعىن بەرەدى»، - دەلىنگەن حابارلامادا.

سونىمەن قاتار وندا سوڭعى جىلدارى قازاقستان فەرمەرلەرى اراسىندا زىعىر ەگۋ كەڭىنەن تاراپ كەلە جاتقاندىعى ايتىلعان.

«بۇل داقىل وندىرىستە اسا قىمبات ەمەس ءارى كۇي تالعامايدى. سوندىقتان رەسپۋبليكادا ءوندىرىس كولەمى دە، زىعىر ەگۋمەن اينالىساتىن اۋىل شارۋاشىلىعى تاۋارىن وندىرۋشىلەردىڭ دە سانى ارتۋدا. الايدا، بۇل داقىلدى قارقىندى ەگۋ سالدارىنان وڭدەلگەن توپىراقتىڭ تەز سارقىلۋ قاۋپى بار. بىرنەشە جىل ىشىندە قازاقستان زىعىر تۇقىمى مەن زىعىر مايىنىڭ ءىرى ەكسپورتتاۋشىسىنا اينالدى. جىل سايىن بارلىق داقىلدار ساتىپ الىنىپ، ەۋروپا مەن ازيانىڭ ءبىرقاتار ەلدەرىنە ەكسپورتتالادى. قازاقستاندىق زىعىردىڭ ءىرى يمپورتتاۋشىلارىنىڭ ءبىرى – ق ح ر»، - دەپ جازادى باسپا ءسوز قىزمەتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات