08:42, 19 - شىلدە 2018 | GMT +6
شىمكەنتتە 78 جاستاعى ۆەلوسپورتشى وزبەكستانعا ساپارلاپ شىقتى
شىمكەنت. قازاقپارات - شىمكەنتتە 78 جاستاعى ۆەلوسپورتشى وزبەكستانعا ساپارلاپ شىقتى. كەڭەسبەك سەيتىمبەتوۆ كورشى مەملەكەتتىڭ تاريحي تاشكەنت، بۇحارا، سامارقاند قالالارىن ارالاپ، ەكى ەل ىنتىماقتاستىعىن دارىپتەمەكشى، دەپ حابارلايدى قازاقپارات ءتىلشىسى.
زەينەتكەر سپورتشى بۇل ساپاردى قازاقستانداعى وزبەكستان جىلىنا ورايلاستىرىپ وتىر. ءبىر اپتانىڭ ىشىندە وزبەك ەلىنىڭ ءۇش قالاسىن ۆەلوسيپەدپەن ارالاپ شىقپاق.
«بۇعان دەيىن مەككە مەن مەديناعا، رەسەي جانە اۋعانستان ەلىنە جالعىز ساياحاتتادىم. 75 جاسىمدا ەل تاۋەلسىزدىگىنىڭ 25 جىلدىعىنا وراي اۋعانستان استاناسى كابۋلعا دەيىن بارعان بولاتىنمىن. وتكەن جىلى استاناداعى «ەكسپو» حالىقارالىق كورەسىنە بارىپ قايتتىم»، - دەيدى كەڭەسبەك سەيتىمبەتوۆ.