قازاقستاننىڭ تەلەفون كودى 77+ بولىپ وزگەرۋى مۇمكىن

استانا. قازاقپارات - قازاقستاننىڭ تەلەفون كودى 77+ بولىپ وزگەرۋى مۇمكىن. بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.

«بىزدە قازىر 7+ كودى بار. ا ق ش- قا بارعان ساپارىمدا ITU باسشىسى دورين بوگدان مارتينامەن كەزدەستىم. ءبىز وسى ماسەلەنى تالقىلادىق. 997+ گە ءوتۋ وڭاي. بۇل ءنومىر بىزگە ارناپ رەزەرۆكە قويىلعان. ءبىراق مەن ITU- عا 7+ ورنىنا 77+ كودىن قالدىرۋدى ۇسىندىم. الايدا ITU ءبىر كۇندە شەشىم قابىلداي المايدى، ويتكەنى ول حالىقارالىق ۇيىم جانە وسىنداي سۇرانىستار بويىنشا وتىرىستار، تالقىلاۋلار وتكىزۋى كەرەك. ولار بىزگە اۋىسۋ تۋرالى ۇسىنىستى تالقىلايمىز دەپ ۋادە بەردى. قازاقستاننىڭ باسقا ەلدەرمەن بىرگە قولداناتىن 7+ ەمەس، 77+ كودى بولادى دەپ ۇمىتتەنەمىز»، - دەپ جاۋاپ بەردى باعدات مۋسين ۇكىمەت كۋلۋارىندا تىلشىلەر سۇراعىنا.

بۇعان دەيىن سيفرلىق دامۋ ءمينيسترى قازاقستانداعى ينتەرنەتكە كوڭىلى تولاتىنىن، قولايلى باعاعا قولايلى ينتەرنەت بار ەكەنىن ايتقان ەدى.