الماتى وبلىسىندا 77 جاستاعى اجە سوققىعا جىعىلىپ، اۋرۋحانادا كوز جۇمدى

تالدىقورعان. قازاقپارات - الماتى وبلىسىندا 77 جاستاعى اجە سوققىعا جىعىلىپ، اۋرۋحانادا كوز جۇمدى، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، سوققىعا جىعىلعان قاريا ءتۇرلى دەنە جاراقاتتارىمەن شۇعىل تۇردە جاركەنت قالاسىنداعى اۋداندىق اۋرۋحاناعا جەتكىزىلدى.

تەرگەۋ بارىسىندا انىقتالعانداي، تۇندە ەگدە جاستاعى ايەلدىڭ ۇيىنە بەلگىسىز بىرەۋدىڭ باسىپ كىرىپ، ونى سوققىعا جىققانى انىقتالدى. جەدەل-ىزدەستىرۋ ءىس-شارالارىنىڭ ناتيجەسىندە، كۇدىكتى رەتىندە جاركەنت قالاسىنىڭ 46 جاستاعى تۇرعىنى ۇستالدى.

كۇدىكتى ۋاقىتشا ۇستاۋ وقشاۋلاعىشىنا قاماققا الىندى.

«وكىنىشكە وراي، سوققىعا جىعىلعان اجە الىنعان دەنە جاراقاتتارى سالدارىنان بۇگىن كوز جۇمدى. اتالعان دەرەك ق ر ق ك 106-بابى 3-بولىگى بويىنشا تىركەلىپ، تەرگەۋ امالدارى جۇرگىزىلۋدە»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتى تاراتقان حابارلامادا.