10:17, 11 - تامىز 2022 | GMT +6
پرەزيدەنت ب ۇ ۇ باس اسسامبلەياسى 76-سەسسياسىنىڭ ءتوراعاسى ابدۋللا شاحيدپەن كەزدەسەدى
نۇر- سۇلتان. قازاقپارات - بۇگىن مەملەكەت باسشىسى قاسىم- جومارت توقايەۆ «اقوردا» رەزيدەنتسياسىندا ب ۇ ۇ باس اسسامبلەياسى 76-سەسسياسىنىڭ ءتوراعاسى ابدۋللا شاحيدپەن كەزدەسەدى.
بۇل تۋرالى قازاقپارات بورت №1 Telegram كانالىنا سىلتەمە جاساپ حابارلايدى.
ايتا كەتەيىك، وسىعان دەيىن بىرىككەن ۇلتتار ۇيىمى باس اسسامبلەياسى 76-سەسسياسىنىڭ ءتوراعاسى ابدۋللا شاحيد 11-12-تامىز ارالىعىندا قازاقستانعا رەسمي ساپارمەن كەلەتىنى حابارلانعان بولاتىن.
ابدۋللا شاحيد مالديۆ رەسپۋبليكاسىنىڭ ۇكىمەتى مەن زاڭ شىعارۋشى ورگاندارىندا ۇزاق جۇمىس ىستەگەن كورنەكتى ساياساتكەر جانە بىلىكتى ديپلومات رەتىندە كەڭىنەن تانىمال.
گەندەرلىك تەڭدىكتىڭ قايراتتى جاقتاۋشىسى ءوز ەلىنىڭ ديپلوماتيالىق ميسسيالارىنىڭ باسشىلارى، سونداي- اق سىرتقى قىزمەت قىزمەتكەرلەرىنىڭ اراسىندا العاش رەت گەندەرلىك تەڭدىككە قول جەتكىزگەن.