ازەربايجاندا ءبىر كۇندە كوروناۆيرۋس جۇقتىرعان 76 ادام تىركەلدى، ءبىر ادام كوز جۇمدى

نۇر-سۇلتان. قازاقپارات - ازەربايجاندا كوروناۆيرۋس جۇقتىرۋدىڭ 76 جاڭا وقيعاسى تىركەلدى، ىندەتتەن ءبىر ادام قايتىس بولعان، دەپ حابارلايدى قازاقپارات Trend اگەنتتىگىنە سىلتەمە جاساپ.

ەلدىڭ مينيسترلەر كابينەتى جانىنداعى جەدەل شتابتىڭ حابارلاۋىنشا، كوروناۆيرۋس جۇقتىرعان 1953-جىلعى ازاماتتىڭ دەنساۋلىعىن جاقسارتۋعا باعىتتالعان شارالار ناتيجەسىن بەرمەگەن.

قازىر ونىڭ وتباسى مۇشەلەرى، سونداي-اق، ول بايلانىستا بولعان باسقا ادامدار انىقتالۋدا.

ەلدە ىندەتكە شالدىعۋدىڭ 717 وقيعاسى تىركەلگەن، سونىڭ ىشىندە 44 ادام جازىلىپ، سەگىز ادام كوز جۇمعان.

ەرەكشە رەجيمدەگى اۋرۋحانالاردا 665 ادام ەم قابىلداپ جاتىر. سونىڭ ىشىندە 23 ادامنىڭ جاعدايى اۋىر، 31 ادامنىڭ جاعدايى - ورتاشا اۋىر، قالعاندارى وزدەرىن قالىپتى سەزىنۋدە.

اۋرۋ جۇقتىرۋ فاكتىسىن انىقتاۋ ءۇشىن بارلىعى 53300 تەست جاسالدى.