تۇركىستان وبلىسىندا 76,8 مىڭ توننا جەمىس- جيدەك جينالدى

تۇركىستان. قازاقپارات - تۇركىستان وبلىسىندا 30 مىڭ گەكتەر اۋماقتا جەمىس- جيدەك داقىلدارى مەن ءجۇزىم وسىرىلەدى. ونىڭ ىشىندە جەمىس - 19,5 مىڭ گەكتار، ءجۇزىم - 10,5 مىڭ گەكتاردى قۇرايدى، دەپ حابارلايدى قازاقپارات.

 وبلىس اكىمى باسپا ءسوز قىزمەتىنىڭ مالىمەتىنشە، اعىمداعى جىلى ايماق باسشىسى جانسەيىت تۇيمەبايەۆتىڭ تاپسىرماسىنا سايكەس، قوسىمشا 0,94 مىڭ گەكتار قارقىندى باۋ، 0,57 مىڭ گەكتار ءجۇزىم، 0,207 مىڭ گەكتار جاڭعاق ەگىلدى. جالپى وبلىس بويىنشا قارقىندى باۋدىڭ كولەمى 3,7 مىڭ گەكتاردى قۇرايدى.

ايتا كەتەرلىگى، اعىمداعى جىلى 85 مىڭ توننا جەمىس- جيدەك جانە 70 مىڭ توننا ءجۇزىم جيناۋ جوسپارلانىپ، بۇگىنگى تاڭعا 76,8 مىڭ توننا جەمىس- جيدەك پەن 22,6 مىڭ توننا ءجۇزىم جينالدى. جيناۋ جۇمىستارى ءالى دە جالعاسۋدا. جينالعان ونىمدەر نەگىزىنەن رەسپۋبليكانىڭ ايماقتارى مەن كورشى مەملەكەتتەرگە جونەلتىلۋدە.

جالپى، باۋ شارۋاشىلىعىنان تۇسەتىن تابىس ماقتا شارۋاشىلىعىمەن سالىستىرعاندا 2,5 ەسە، ال باقشا شارۋاشىلىعىمەن سالىستىرعاندا 2 ەسە ارتىق بولاتىندىقتان، باۋ شارۋاشىلىعىن وركەندەتۋ ءىسى وبلىستا قارقىن الىپ، الداعى ۋاقىتتا قارقىندى باۋدىڭ ەگىس كولەمىن 10 مىڭ گەكتارعا دەيىن ۇلعايتۋ جوسپارلانىپ وتىر.