ەرتەڭنەن باستاپ مادەنيەت قىزمەتكەرلەرىنىڭ جالاقىسى 75 پايىزعا وسەدى
30 ماۋسىم 20:12

ەرتەڭنەن باستاپ مادەنيەت قىزمەتكەرلەرىنىڭ جالاقىسى 75 پايىزعا وسەدى

شىمكەنت. قازاقپارات – 1- شىلدەدەن باستاپ «ۇلتتىق» مارتەبەسى بار مادەنيەت مەكەمەلەرى قىزمەتكەرلەرىنىڭ ەڭبەكاقىسى %75 عا وسەدى.

بۇل تۋرالى مادەنيەت جانە سپورت ءمينيسترى داۋرەن ابايەۆ شىمكەنتتەگى كەزدەسۋدە ايتتى.

«مادەنيەت جانە ارحيۆ ءىسى ۇيىمدارى قىزمەتكەرلەرىنىڭ ەڭبەكاقىسى ورتا ەسەپپەن ءار جىل سايىن %20 عا وسەتىن بولادى. بۇل جۇمىس 2025-جىلعا دەيىن جۇرگىزىلەدى، ياعني وسى كەزەڭدە ەڭبەكاقى كولەمى %100 عا ارتادى. مەملەكەت باسشىسىنىڭ جارلىعىنا سايكەس 1- شىلدەدەن باستاپ «ۇلتتىق» مارتەبەسى بار مادەنيەت مەكەمەلەرى قىزمەتكەرلەرىنىڭ ەڭبەكاقىسى %75 عا ارتاتىنىن اتاپ وتكىم كەلەدى»، - دەدى مادەنيەت جانە سپورت ءمينيسترى داۋرەن ابايەۆ.

ءمينيستردىڭ ايتۋىنشا، ەلىمىزدە كينو ءوندىرىسى قارقىندى دامىپ كەلەدى. ماسەلەن، «قازاق فيلم» كينوستۋدياسىن جاڭعىرتۋ جۇزەگە اسىرىلىپ جاتىر، «قازاق انيماتسيا» شىعارماشىلىق بىرلەستىگىن قۇرۋ بويىنشا جۇمىس جۇرگىزىلىپ وتىر.

بۇل بىرلەستىك بيىل كورەرمەندەرگە 10 پيلوتتىق جوبا ۇسىنادى. رەيتينگى جوعارى انيماتسيالىق فيلمدەر مەن كينوكارتينالاردى قازاق تىلىنە دۋبلياجداۋعا قاراجات بولىنەدى.


جاڭالىقتار