شىمكەنتتە كومەندانتتىق ساعاتتى بۇزعان 75 ادام قاماۋعا الىندى
بلوك بەكەتتەردە 14962 اۆتوكولىك تەكسەرىلىپ، ناتيجەسىندە جاپپاي تارتىپسىزدىككە قاتىسقان 9 ازامات ۇستالدى. ولاردان 2 گاز تاپانشا تاركىلەنگەن. جالپى ءىس- شارالار ناتيجەسىندە بۇزاقىلىققا قاتىستى دەگەن كۇدىكپەن 77 ادام بويىنشا قىلمىستىق ءىس قوزعالىپ، اباقتىعا قامالدى. كۇدىكتىلەردەن شولاق مىلتىق، تراۆماتيكالىق تاپانشا، پاتروندار مەن ۇرلانعان تەلەفوندار تاركىلەنگەن.
جاپپاي تارتىپسىزدىك كەزىندە 50 ءتارتىپ ساقشىسى ءتۇرلى جاراقات العان، ونىڭ ىشىندە ەكەۋىنە وق ءتيىپ، اۋىر جاعدايدا اۋرۋحانادا جاتىر. 77 پوليتسيا كولىگى زارداپ شەككەن. قالاداعى بەينەباقىلاۋ جۇيەسىنىڭ 189 «سەرگەك» كامەراسى قيراتىلعان. قازىرگى كەزدە كامەرالاردى قالپىنا كەلتىرۋ جۇمىستارى ءجۇرىپ جاتىر. ال، ءورت سوندىرۋشىلەر اراسىندا دەنە جاراقاتىن العاندار جوق. كۇندەلىكتى 50-دەن اسا تەحنيكا مەن 900 جەكە قۇرام قىزمەتكەرى ءۇش اۋىسىمدا كۇشەيتىلگەن كۇن تارتىبىندە جۇمىس ىستەۋدە.
اۆتور: قايرات زاينيشەۆ