+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

نيۋ- يوركتە بىرىككەن ۇلتتار ۇيىمىنىڭ 75- باس اسسامبلەياسى اشىلدى

21 قىركۇيەك 20:02
:ءبولىسۋ
نيۋ- يوركتە بىرىككەن ۇلتتار ۇيىمىنىڭ 75- باس اسسامبلەياسى اشىلدى

نيۋ- يورك. قازاقپارات - بۇگىن باس اسسامبلەيانىڭ وتىرىسىنا ورايلاستىرىلعان ب ۇ ۇ- نىڭ 75 -جىلدىق مەرەيتويىنا ارنالعان ءىس- شارا وتەدى، دەپ حابارلايدى قازاقپارات The Guardian باسىلىمىنا سىلتەمە جاساپ.

بيىلعى اسسامبلەيا جىلداعىدان ەرەكشە بولماق - پاندەمياعا جانە ا ق ش بيلىگى ەنگىزگەن شارالارعا بايلانىستى الەم كوشباسشىلارى نيۋ- يورككە كەلمەيدى. ونىڭ ورنىنا ولار 22-قىركۇيەك كۇنى باستالاتىن دەباتقا بەينەۇندەۋ جولدايدى. بۇعان دەيىن امەريكا بيلىگى نيۋ- يورككە كەلگىسى كەلگەن ءار ادامدى 14 كۇندىك كارانتينگە جاتقىزۋ قاجەتتىگىن حابارلاعان.

«COVID-19 پاندەمياسى - داعدارىس جانە ول ومىرىمىزدەگى ەشبىر داعدارىسقا ۇقسامايدى، سول سەبەپتى بيىلعى باس اسسامبلەيانىڭ سەسسياسى دا باسقالارىنان ەرەك» دەپ مالىمدەدى باسپا ءسوز كونفەرەنتسياسى كەزىندە ب ۇ ۇ باس حاتشىسى انتونيو گۋتتەريش.

گۋتتەريش كوروناۆيرۋسقا قارسى ۆاكتسينا جاساۋ مەن ەكولوگيا ءۇشىن كۇرەسۋگە باسىمدىق بەرۋ كەرەك دەدى: «جاڭا كوروناۆيرۋسقا قارسى ۆاكتسينا جاساۋ جانە اتموسفەراعا تارايتىن كومىرقىشقىل گازىنىڭ كولەمىن ازايتۋ - حالىقارالىق قاۋىمداستىق جاقىن ۋاقىتتا اينالىساتىن ەڭ ماڭىزدى ماسەلەلەر».

بۇعان دەيىن حابارلانعانداي، ب ۇ ۇ باس اسسامبلەياسىنىڭ جۇمىسىنا قازاقستان پرەزيدەنتى قاسىم- جومارت توقايەۆ تا قاتىسىپ، اعىلشىن تىلىندە ەكى بەينەۇندەۋ جاسايدى. ونىڭ ءبىرى - ۇيىمنىڭ 75 جىلدىعىنا ارنالسا، ەكىنشىسى - كۇن تارتىبىندەگى دەباتقا قاتىستى. ديپلوماتتار مەن شولۋشىلاردىڭ پىكىرىنشە، بۇل جولعى اسسامبلەيا ۇيىمنىڭ مەرەيتويىنان بولەك، قاشىقتان ZOOM- ديپلوماتيا تۇرىندە وتەتىنىمەن ەرەكشەلەنەدى. بۇگىن مەرەكەلىك بولىمدەگى شاعىن رەسمي راسىمدە انتونيو گۋتتەريش شتاب- پاتەردە بولىپ، ءسوز سويلەيدى. مەرەيتويلىق سەسسيا «ءبىز قالايتىن بولاشاق، بىزگە قاجەت بىرىككەن ۇلتتار ۇيىمى: مۋلتيلاتەراليزمگە ۇجىمدىق بەيىلدىلىگىمىزدى ناقتىلاۋ» دەگەن ۇرانمەن وتەدى.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات