قاسىم- جومارت توقايەۆ ب ۇ ۇ باس اسسامبلەياسىنىڭ 75-سەسسياسىنا قاتىسادى
بۇل جايىندا مەملەكەت باسشىسىنىڭ باسپا ءسوز حاتشىسى بەرىك ءۋالي Facebook پاراقشاسىندا مالىمەت تاراتتى.
مەرەيتويلىق سەسسيا «ءبىز قالايتىن بولاشاق، بىزگە قاجەت بىرىككەن ۇلتتار ۇيىمى: مۋلتيلاتەراليزمگە ۇجىمدىق بەيىلدىلىگىمىزدى ناقتىلاۋ» دەگەن ۇرانمەن وتەدى. باس اسسامبلەيانىڭ سەسسياسى ءالى جالعاسىپ جاتقان كوروناۆيرۋس پاندەمياسى جاعدايىندا وتەتىندىكتەن، مەملەكەتتەر باسشىلارىنىڭ سويلەيتىن سوزدەرى بەينە بايلانىس فورماتىندا بولادى دەپ جوسپارلانعان. قازاقستان پرەزيدەنتى 21 - قىركۇيەكتە ب ۇ ۇ 75 جىلدىعىنا ارنالعان جوعارى دەڭگەيدەگى كەزدەسۋگە، 23 - قىركۇيەكتە ب ۇ ۇ باس اسسامبلەياسىنىڭ جالپى دەباتىنا قاتىسادى.
قاسىم- جومارت توقايەۆ ب ۇ ۇ باس اسسامبلەياسىنىڭ 75 جىلدىعىنا جانە جالپى دەباتتارداعى كۇن تارتىبىنە بايلانىستى اعىلشىن تىلىندە ەكى بەينەۇندەۋ جاسايدى. قازاقستان پرەزيدەنتى ءوز باياندامالارىندا حالىقارالىق وزەكتى ماسەلەلەردى شەشۋ ىسىندەگى الەمدىك قوعامداستىقتىڭ ءىس- قيمىلدارىن ۇيلەستىرۋدىڭ ماڭىزدىلىعىن، اتاپ ايتقاندا كوروناۆيرۋس ىندەتىمەن كۇرەس، جاھاندىق ەكونوميكالىق ءوسىمدى قالپىنا كەلتىرۋ، تەرروريزمگە قارسى ءىس- قيمىل، يادرولىق قارۋدى تاراتپاۋ جانە قارۋسىزدانۋ، كليماتتىڭ وزگەرۋى سياقتى پروبلەمالاردى كوتەرەدى.
مەملەكەت باسشىسى ب ۇ ۇ- عا قاتىستى سىني پىكىرلەردىڭ ايتىلعانىنا قاراماستان، ول الەمدىك ساياساتتا شەشۋشى ءرول اتقاراتىن بالاماسى جوق امبەباپ ۇيىم ەكەنىنە توقتالىپ، 2030 -جىلعا دەيىنگى كۇن تارتىبىندەگى تۇراقتى دامۋ ماسەلەلەردىڭ جۇزەگە اسىرىلۋى، حالىقارالىق ساياساتتاعى ب ۇ ۇ- نىڭ ءرولىن كۇشەيتۋ، ورتالىق ازياداعى وڭىرلىك ىقپالداستىق سالالارى بويىنشا جۇزەگە اسىرىلۋى ءتيىس ماسەلەلەردى قوزعاپ، ءبىرقاتار حالىقارالىق باستامالاردى ۇسىنادى.