+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

تالدىقورعاندا كوروناۆيرۋستى ەكى اپتادا 75 ادام جۇقتىردى

30 مامىر 12:35
:ءبولىسۋ
تالدىقورعاندا كوروناۆيرۋستى ەكى اپتادا 75 ادام جۇقتىردى

تالدىقورعان. قازاقپارات - الماتى وبلىسىندا COVID-19 جۇقتىرعان تاعى 23 ادام تىركەلدى. ونىڭ 10-ى تالدىقورعان قالاسىندا انىقتالدى، دەپ حابارلايدى قازاقپارات ءتىلشىسى.

سونداي- اق قاپشاعاي قالاسىندا – 8، قاراساي، پانفيلوۆ، الاكول اۋداندارىندا - ءبىر- ءبىر جاعدايدان جانە تەكەلى قالاسىندا 2 ناۋقاس تىركەلدى. 14 ادام - كوروناۆيرۋس دياگنوزى قويىلعان ناۋقاستارمەن بايلانىستا بولعاندار، 9-ىنىڭ ىندەتى پروفيلاكتيكالىق تەكسەرۋ بارىسىندا انىقتالدى. بارلىعى بۇعان دەيىن وقشاۋلاندىرىلعان. قازىرگى ۋاقىتتا جۇقپالى اۋرۋلار بولىمىنە اۋىستىرىلدى.

ەپيدەميولوگيالىق تەكسەرۋلەر جالعاسۋدا. 30 - مامىرداعى جاعداي بويىنشا جالپى الماتى وبلىسىندا ينفەكسيا جۇقتىرعان 349 ادام تىركەلگەن. ونىڭ 180- ءى ىندەتتەن جازىلىپ شىقتى.

ەستەرىڭىزگە سالا كەتەيىك، الماتى وبلىسىندا كوروناۆيرۋسكە شالدىققان العاشقى ناۋقاس 21 - ناۋرىزدا انىقتالدى. ول كەزدە مەككەدەن ۇشىپ كەلگەن قاراساي اۋدانىنىڭ 1986 -جىلعى تۇرعىنى دەنساۋلىعىنا شاعىمدانىپ، دارىگەرلەرگە حابار بەرگەن ەدى. الىنعان سىناما كوروناۆيرۋسكە وڭ ناتيجە كورسەتكەن. ال تالدىقورعاندا ىندەت 14 - مامىردا تىركەلدى. ەلىمىزدە توتەنشە جاعداي جاريالانعان ساتتە ۆيرۋستان امان بولعان وبلىس ورتالىعىندا قازىر كارانتين جالعاسىپ، سانيتارلىق بەكەتتەر جۇمىستارىن جالعاستىرۋدا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات