+7 (701) 759 90 19 Лента
10 °С : نۇر-سۇلتان
15 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

قىزدار ۋنيۆەرسيتەتىنىڭ قۇرىلعانىنا 75 جىل تولدى

15 تامىز 15:32 43
:ءبولىسۋ
قىزدار ۋنيۆەرسيتەتىنىڭ قۇرىلعانىنا 75 جىل تولدى

نۇر-سۇلتان. قازاقپارات - بۇگىن قازاق ۇلتتىق قىزدار پەداگوگيكالىق ۋنيۆەرسيتەتىنىڭ قۇرىلعانىنا 75 جىل تولدى، دەپ حابارلايدى قازاقپارات ءتىلشىسى.

«ىرگەلى ءبىلىم ورداسى وسىدان 75 جىل بۇرىن، ياعني 1944-جىلعى 15- تامىزدا قاز ك س ر حالىق كوميسسارلار كەڭەسىنىڭ قازاق قىزدارىنان جوعارى دارەجەلى ماماندار دايارلاۋ تۋرالى 457№ قاۋلىسى نەگىزىندە ينستيتۋت بولىپ اشىلدى.

سول جىلدىڭ قىركۇيەك ايىندا ينستيتۋتتا فيزيكا-ماتەماتيكا، ءتىل-ادەبيەت جانە تاريح فاكۋلتەتتەرى اشىلىپ، 100 ستۋدەنت وقۋعا قابىلداندى. 1944-جىلى ينستيتۋتتىڭ ءۇش فاكۋلتەتىندە قىزمەت ەتكەن ەڭ العاشقى 20 وقىتۋشىنىڭ بەسەۋى عىلىم كانديداتى، سەگىزى اعا وقىتۋشى جانە جەتەۋى وقىتۋشى بولدى. ەلىمىزدىڭ شالعاي اۋداندارىنداعى قىز بالالارىن جوعارى ءبىلىم الۋعا تارتۋ، ولاردى رۋحاني بيىك، پاراساتتى، بىلىكتى ماماندار ەتىپ تاربيەلەۋ ارقىلى الەۋمەتتىك ماسەلەلەردى شەشۋ ماقساتىمەن اشىلعان ءبىلىم ۇياسىنىڭ بۇل كەزەڭى ەل تاريحىنىڭ ەلەۋلى، قيىن دا سۇراپىل ەكىنشى دۇنيەجۇزىلىك سوعىس كەزىمەن تۇسپا-تۇس كەلدى»، - دەدى وقۋ ورنىنىڭ رەسمي وكىلى - باسپا ءسوز قىزمەتىنىڭ جەتەكشىسى جاندار اسان.

قارا شاڭىراقتىڭ اشىلۋىنا قانىش ساتبايەۆ، مۇحتار اۋەزوۆ، ءسابيت مۇقانوۆ، عابيت مۇسىرەپوۆ، ءىلياس وماروۆ، جۇماباي شاياحمەتوۆ، نۇرتاس وڭداسىنوۆ، الكەي مارعۇلان، نىعمەت ساۋرانبايەۆ، قاجىم جۇماليەۆ، احمەت جۇبانوۆ سىندى ۇلتىمىزدىڭ داڭقتى پەرزەنتتەرى ۇلكەن قولداۋ كورسەتىپ، «ءتاڭىر جازسا بۇل ينستيتۋت قازىرگى جانە بولاشاقتاعى قازاق قىزدارىنىڭ ۇلكەن شامشىراعى بولادى. وسى شامشىراقتىڭ جارىق ساۋلەسى ەشقاشان سونبەسىن» دەگەن اقجولتاي تىلەگىن بىلدىرگەن.

ەلىمىزدىڭ دامۋىنا زور ۇلەس قوسىپ كەلە جاتقان وقۋ ورنى بۇگىندە قازاقستاننىڭ جوعارى بىلىكتى كادرلار دايارلايتىن نەگىزگى ورتالىعىنىڭ بىرىنە اينالىپ وتىر. ەلىمىزدەگى بىلىكتى ماماندار مەن تالانتتى عالىمداردىڭ، دارىندى ۇستازداردىڭ ۇلكەن توبى وسى كيەلى شاڭىراقتان شىڭدالىپ شىعىپ، وتانىمىزدىڭ ءوسىپ-وركەندەۋى جولىندا جەمىستى ەڭبەك ەتىپ جاتىر. ۋنيۆەرسيتەتتىڭ 75 جىلدىق ءتول تاريحىندا وقۋ ورنىن 60 مىڭنان استام تۇلەك ءبىتىردى.

«نۇرسۇلتان نازاربايەۆ ۋنيۆەرسيتەتكە كەلگەن ساپارىندا: «ءبىر قىزدى تاربيەلەۋ - ءبىر ۇلتتى تاربيەلەۋمەن بىردەي» دەپ اتاپ وتكەن بولاتىن. قازاق ۇلتتىق قىزدار پەداگوگيكالىق ۋنيۆەرسيتەتىنىڭ باستى ماقساتى - بىلىكتى، جوعارى ءمورالدى جانە كاسىبي قاسيەتتەردى يەلەنگەن تۇلعالار دايارلاۋ. وردالى وقۋ ورنىنىڭ ۇجىمى بۇگىندە وسى قۇندىلىقتارعا سۇيەنە وتىرىپ جۇمىس جاساۋدا»، - دەدى جاندار اسان.


باستى سوزدەر: ءبىلىم جانە عىلىم, قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات