قاسىم حان تۋرالى 75 سەريالى فيلمدى ءتۇسىرۋ باستالادى- مينيستر
«ەلدىڭ بارلىق جەتەكشى مۋزەي- قورىقتارىنىڭ اۋماعىندا ۆيزيت- ورتالىقتاردىڭ قۇرىلىسى ءجۇرىپ جاتىر. جىل سوڭىنا دەيىن « ۇلىتاۋ» ، «وتىرار» ، «تاڭبالى» ۆيزيت- ورتالىقتارى اشىلاتىن بولادى. جاقىن ارادا «ەسىك» ، «ورداباسى» ، «شىلىكتى» ، «بەرەل» جانە «ازىرەت سۇلتاندا» ۆيزيت- ورتالىقتاردىڭ قۇرىلىسى سالىنادى» ، - دەدى مينيستر.
ونىڭ اتاپ وتۋىنشە، تۇركىستان قالاشىعىن قالپىنا كەلتىرۋ بويىنشا بەلسەندى جۇمىس جالعاسۋدا. «ازىرەت- سۇلتان» يۋنەسكو- نىڭ ەسكەرتكىشى ەكەنىن ەسكەرە وتىرىپ، اقپان ايىندا قالاشىقتى دامىتۋ جوسپارى پاريج قالاسىندا يۋنەسكو- نىڭ شتاب- پاتەرىندە ۇسىنىلدى. سونىمەن قوسا، اسەردى باعالاۋ ءۇشىن ا ق ش- تىڭ، ۇلىبريتانيانىڭ، كانادانىڭ، گەرمانيانىڭ جەتەكشى ساراپشىلارى شاقىرىلدى. وسى جىلى كۇزدە كۇلتوبە قالاشىعىنىڭ العاشقى ەكسپوزيتسيالىق بولىگىن اشۋ جوسپارلانۋدا. ەلباسىنىڭ تاپسىرماسى بويىنشا تاعى ءبىر ءىرى تۋريستىك جوبا رەتىندە ورتاعاسىرلىق «وتىرار» قالاشىعىن قالپىنا كەلتىرۋ جۇمىستارى باستالدى» ، - دەدى ا. رايىمقۇلوۆا.
«جاقىن ارادا ءبىز 75 سەريالى قاسىم حان تۋرالى فيلمدى ءتۇسىرۋدى باستايمىز، ەلباسىنىڭ ارنايى شاقىرۋىمەن كەلگەن، فيلمگە سەناري جازعان تانىمال تۇرىك رەجيسسەرى گيۋناي مەتين تاريحي ورىنداردى ارالادى. وسى كارتينانىڭ ارقاسىندا ءبىزدىڭ ەجەلگى تۇركىستان، وتىرار، سارايشىق، ساۋران جانە باسقا دا جەرلەرىمىز وراسان زور تانىمالدىلىققا يە بولىپ، ميلليونداعان تۋريستەر كەلەتىن ورىنعا اينالاتىنىنا سەنىمدىمىن» ، - دەدى مينيستر.