سوعىس كەزىندە ايرىلىسقان عاشىقتار 75 جىلدان كەيىن قايتا قاۋىشتى

None
None
 نۇر-سۇلتان. قازاقپارات - دۇنيە جۇزىلىك ەكىنشى سوعىس كەزىندە امەريكالىق سارباز كەيتي روببينس 18 جاستاعى جانين پيرسونعا عاشىق بولعان.

الايدا عاشىقتار ايرىلىسىپ، 75 جىلدان كەيىن قايتا كەزدەسۋ باقىتىنا يە بولدى دەپ جازادى Мedialeaks.ru سايتى.

روببينس كيىمىن جۋاتىن ادام ىزدەپ، جانيننىڭ اناسى كومەكتەسۋگە كەلىسكەن. سارباز بەن بويجەتكەننىڭ اراسىندا سەزىم پايدا بولعان، الايدا ەكى ايدان كەيىن روببينس شىعىس مايدانىنا كەتكەن.



«مەن وعان مۇمكىندىك بولسا، كەلىپ ونى الىپ كەتەتىنىمدى ايتتىم»، - دەپ ەسكە الدى روببينس.

بويجەتكەنگە ايىرىلىسۋ قيىنعا سوققان. جانين سۇيىكتىسىنىڭ ورالۋىن ۇزاق كۇتكەن.

«ول جۇك كولىگىنە ءمىنىپ، كەتكەندە مەن جىلادىم. ونىڭ امەريكاعا ەمەس، ماعان ورالعانىن قالادىم»، - دەدى جانين.



سوعىس اياقتالعاننان كەيىن جانين سۇيىكتىسى ورالادى دەگەن ۇمىتپەن اعىلشىن ءتىلىن ۇيرەنە باستاعان. الايدا روببينس امەريكاعا ورالعان.

ول جاقتا ليليان ەسىمدى بويجەتكەنمەن تانىسىپ، وعان ۇيلەنگەن. ولار بىرگە 70 جىل بويى بىرگە تۇرعان. ەرلى-زايىپتىلار ميسسيسيپيدە تۇرمىستىق تەحنيكا دۇكەنىندە 50 جىل بويى ەڭبەك ەتكەن. 92 جاسقا تولعاندا ليليان قايتىس بولىپتى.



جانين دە قايتا عاشىق بولىپ، 1949-جىلى تۇرمىسقا شىققان. ول نەكەدەن ونىڭ بەس بالاسى بار ەكەن.

الايدا روببينس فرانتسۋزدىق ارۋدى جۇرەگىنەن شىعارماي، ونىڭ سۋرەتىن بىرنەشە جىلدار بويى ساقتاپ كەلگەن. فرانتسۋزدىق جۋرناليستەر ا ق ش- تىڭ ۇوس ارداگەرلەرى جايلى جازۋعا كەلگەندە، ول سۇيىكتىسىنىڭ سۋرەتىن كورسەتىپ، ونى تابۋ ءۇشىن ءجانيننىڭ تۋعان اۋىلىنا بارعىسى كەلەتىنىن ايتقان. روببينس سۇيىكتىسى ومىردەن وزعان شىعار دەپ توپشىلاعان.



«ونى ەشقاشان كورمەيمىن»، - دەدى روببينس.

الايدا جۋرناليستەر زەرتتەۋ جۇرگىزىپ، ءجانيننىڭ موزەل ەلدى مەكەنىنەن 40 شاقىرىم جەردەگى مونتيني-لە-مەتس قارتتار ۇيىنەن انىقتاعان.



- «ول ءتىرى جانە ءسىزدى كۇتىپ ءجۇر»، - دەدى ولار ارداگەرگە.

- «قالجىڭسىز!»، - دەپ ايعايلادى روببينس.



- «مەن ءاردايىم سەنى ءسۇيدىم. جۇرەگىمنەن شىعارعان ەمەسپىن»، - دەدى روببينس جانينگە.

- «ول مەنى سۇيەتىنىن ايتتى. سولاي ءتۇسىندىم»، - دەدى جانين تىلشىلەرگە.



روببينس بىرنەشە ونجىلدىق بويى ساقتاعان سۋرەتىن كورسەتكەندە جانين قاتتى تاڭىرقادى.

ارداگەر 75 جىلدان سوڭ سەزىمدەرىن قايتا ءبىلدىردى.

سوڭعى جاڭالىقتار