+7 (701) 759 90 19 Лента
27 °С : Нур-Султан
30 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

مينيستر: 75 بولىمنەن تۇراتىن «قاسىم حان» سەريالى تۇسىرىلەدى

17 ماۋسىم 08:49 398
:ءبولىسۋ
مينيستر: 75 بولىمنەن تۇراتىن «قاسىم حان» سەريالى تۇسىرىلەدى

نۇر- سۇلتان. قازاقپارات - 75 بولىمنەن تۇراتىن «قاسىم حان» سەريالى تۇسىرىلەدى. بۇل جايىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى فەيسبۋكتەگى پاراقشاسىندا جازدى، دەپ حابارلايدى قازاقپارات ءتىلشىسى.

«تۇركىستان وبلىسىنا جۇمىس ساپارىمەن بارىپ، وتىرار توبە جانە وتىرار ساپار ورتالىعىمەن تانىستىق. مەنىمەن بىرگە تانىمال «ەرتۇعىرىل» سەريالىنىڭ اۆتورى جانە رەجيسسيەرى گيۋناي مەتين مەن جۋرناليستەر باردى. جاقىندا ەلىمىزدە قازاق تاريحىنداعى ماڭىزدى تۇلعا - قاسىم حان تۋرالى سەريال تۇسىرىلەتىنىن بىلەسىزدەر. ەلباسىنىڭ ارنايى شاقىرتۋىمەن كەلگەن گيۋناي مەتين سسەناري جازىپ، رەجيسسيەر رەتىندە تاريحي ورىنداردى كورۋگە اتتاندى. ءبىز وتىرار، سارايشىق، ساۋران سىندى قالالارىمىزدى الەمگە تانىتۋىمىز كەرەك»، - دەپ جازدى مينيستر.


مينيستر: 75 بولىمنەن تۇراتىن «قاسىم حان» سەريالى تۇسىرىلەدى

ونىڭ اتاپ وتۋىنشە، «قاسىم حان» سەريالى بارلىق جاعىنان ماڭىزدى جوبا سانالادى. ءۇش ماۋسىم بويى ۇزاقتىعى 75 سەريا ءتۇسىرۋ جوسپارلانىپ وتىر. قازىرگى تاڭدا دايىندىق جۇمىستارى جۇرگىزىلۋدە: كوستيۋمدەردىڭ ەسكيزدەرى، سول كەزدىڭ تۇرمىستىق زاتتارى جاسالۋدا. جاقىندا فيلمگە كاستينگ جاريالاناتىن بولادى، وعان ەلىمىزدىڭ ارتىستەرى شاقىرىلادى. تاريحىمىزدى الەمگە كورسەتۋ ماقساتىندا بۇل سەريالدىڭ ورنى ەرەكشە بولماق.

 «وسىعان بايلانىستى تۇركىستان وبلىسىندا سالىنىپ جاتقان وتىرار ساپار ورتالىعىن كوردىك. بۇل - ەلىمىزدەگى ەڭ ءىرى مادەني تۋريزم ورتالىعى. ساپار ورتالىعىن سالۋداعى ماقسات: وتىرار ءوازيسىنىڭ مادەني مۇراسىن ەلىمىز بەن شەتەلگە تانىستىرۋ، تاريحي- مادەني نىسانداردى قورعاۋ مەن ساقتالۋىن قامتاماسىز ەتۋ. ساپار ورتالىعى زاماناۋي تەحنيكامەن جابدىقتالعان، عىلىمي ارحيۆ، ءدارىس زالى، قور ساقتايتىن بولمەلەر، شەبەرحانالار قاراستىرىلعان. تاريحي- مادەني ورىنداردى ساقتاپ، ولاردى الەمگە تانىتۋ ءۇشىن ق ر مادەنيەت جانە سپورت مينيسترلىگى قىرۋار جۇمىس اتقارىپ جۇرگەنى كوپشىلىككە ءمالىم. وتىرار ساپار ورتالىعى - وسى باعىتتاعى ماڭىزدى قادام»، - دەدى ارىستانبەك مۇحامەدي ۇلى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات