+7 (701) 759 90 19
-23 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ءاپسانا: 75 قابات ءۇي

13 ماۋسىم 11:48
:ءبولىسۋ
ءاپسانا: 75 قابات ءۇي

نۇر - سۇلتان. قازاقپارات - دەمالۋعا كەلگەن ءۇش جىگىت نومەردى وتەلدىڭ جەتپىس بەسىنشى قاباتىنان العان. كەشكە تازا اۋاعا شىعۋدى شەشكەن ءۇش جولداس شىعا بەرىستە اكىمشىلىكتەگىلەردەن تۇنگى ساعات 10 نان كەيىن ءليفتتىڭ ىستەمەيتىنىن بىلەدى.

كەشىكپەۋدى ءجون ساناپ، ساياباققا قاراي بەت العان جىگىتتەر وتەلگە تۇنگى ساعات وننان كەشىگىپ كەلگەن ەدى. جەتپىس بەسىنشى قاباتقا جاياۋ شىعۋ اقىلعا سىيمايتىنىن ايتىپ اكىمشىلىكتەگىلەرگە قانشا جالىنعانمەن، ناتيجە بولمادى. ەسكەرتۋ دە جاسالعان، تەك كەشىگۋشىلەر وزدەرى كىنالى.

سونىمەن، الدا جەتپىس بەسىنشى قاباتتاعى نومەرگە جاياۋ كوتەرىلۋ ماسەلەسى تۇر. ءۇش جىگىت ءار جيىرما بەس قاباتتان ءبولىپ الىپ، اڭگىمە دۇكەن قۇرۋدى ءوز مويىندارىنا الادى.

ارالارىنداعى ءبىرىنشى جىگىت جيىرما بەسىنشى قاباتقا دەيىن كوڭىل كوتەرىپ، نەبىر كۇلكىلى وقيعالاردى ەسكە الىپ، كوڭىلدى ءبىراز كوتەرىپ تاستادى. كەلەسى كەزەكتى العان جىگىت وي قوسارلىق ءمانى بار سالماقتى اڭگىمەلەر ايتىپ، كەزەكتى ءۇشىنشى جولداستارىنا بەرگەن ەدى. ءۇشىنشى جىگىتتىڭ اڭگىمەلەرى مۇڭدى ەكەن. جەتپىس بەسىنشى قاباتقا دا جەتىپ قالعان جىگىتتەر كىلت توقتادى.

ارالارىنداعى بىرەۋى وكىنىشتى جانە عيبراتتى حابارى بارىن ايتتى:

- جاياۋلاتىپ جەتپىس بەسىنشى قاباتقا دا كەلىپ قالىپپىز، قاتتى وكىنىپ تۇرمىن. ءبىرىنشى قاباتتاعى اكىمشىلىكتەگىلەردەن بولمەمىزدىڭ كىلتىن الۋدى ۇمىتىپ كەتىپپىز.

جىگىتتەر، جەتەر مەجەگە كەلىپ، امالسىز وكىنىپ تۇرعاننان ساقتاسىن. جۇمىر باستىنىڭ عۇمىرى قازىرگى ساتتەگى جاعدايعا ۇقسايتىنىن قاراڭدارشى، جيىرما بەس جاسقا دەيىن ويىن- كۇلكىمەن وتەتىن جاستىق شاق، ودان ءارى وتباسىن قۇرىپ، يتتىرلىكتىڭ قامىنا كوشۋدى بۇيىرتسا، پايعامپار جاسىنىڭ ار جاق بەر جاعىندا ادام انا ومىرگە قامدانا باستايتىنىن بايقاۋعا بولادى. ادامدار ءومىر بويى جۇرەكتەرىنىڭ تۇبىندەگى «كىلتتى» ۇمىتۋمەن وتەدى. مەيىرىمدى جاراتۋشىمىز وسىنداي جاعدايدان ساقتاسىن.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات