كوكشەتاۋلىق 75 جاستاعى ارداگەر كىر تاسىن كوتەرۋدەن الەم چەمپيونى اتاندى
اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ مالىمەتىنە قاراعاندا، وزبەكستان رەپۋبليكاسىنىڭ بۇحارا قالاسىندا كىر تاسىن كوتەرۋدەن جاسوسپىرىمدەر، ەرلەر مەن ايەلدەر، ارداگەرلەر جانە مۇمكىندىگى شەكتەۋلى سپورتشىلار اراسىندا الەم چەمپيوناتى ءوتتى.
جارىسقا الەمنىڭ 15 ەلىنەن ءار جاستاعى 200 گە جۋىق سپورتشى قاتىستى. ونىڭ ىشىندە كوكشەتاۋدان بارعان 75 جاستاعى ارداگەر سپورتشى بوريس نۇعىمانوۆ 75-79 جاستاعىلار اراسىندا 80 كەلى سالماقتا سەرپە كوتەرۋ ءادىسى بويىنشا سالماعى 16 كەلى كىر تاسىن 30 رەت كوتەرىپ، الەم چەمپيونى بولدى.
«بوريستىڭ بۇل العاشقى جەڭىسى ەمەس، ول وسىعان دەيىن ارداگەرلەر اراسىندا وتكەن تالاي حالىقارالىق جارىستارعا قاتىسىپ، جۇلدەلى ورىنداردى يەلەنگەن. بۇل جولى دا ول ءوزىنىڭ مىقتى ەكەنىن تاعى ءبىر مارتە دالەلدەدى» ، - دەيدى اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.