رەسەيدە 75 جىلدان كەيىن قازاقستاندىق جاۋىنگەردىڭ سۇيەگى تابىلدى
ەكىنشى دۇنيەجۇزىلىك سوعىس كەزىندە ەرلىكپەن قازا بولعان جەرلەسىمىزدىڭ زيراتىن رەسەيلىك ىزدەۋشىلەر تاپتى، دەپ حابارلايدى ر ف- داعى قازاقستان ەلشىلىگىنىڭ باسپا ءسوز قىزمەتى.
باتىردىڭ ۇرپاعىنا جاۋىنگەردىڭ مەدالونى سالتاناتتى تۇردە تابىستالدى.
ۆلاديمير كالۋگين كوز جاسىن جاسىرا الار ەمەس. 75 جىلدان كەيىن ول اتاسىنىڭ ەرلىكپەن قازا بولعانىن ءبىلدى. رەسەيلىك ىزدەۋشىلەر كەزەكتى قازبا جۇمىستارى كەزىندە جاۋىنگەردىڭ قابىرىن تاۋىپ ەلىنە حابار بەرەدى.
ۆلاديمير كالۋگين، جاۋىنگەردىڭ نەمەرەسى: - العاش بىلگەندە ەسەڭگىرەپ قالعانىمىز راس. اعام ەكەۋمىز شىنى كەرەك كوز جاسىمىزدى تيا المادىق. وسىنشا جىلدان كەيىن بابامىزدىڭ جەرلەنگەن جەرىن ءبىلىپ وتىرمىز. بۇل ءبىزدىڭ اۋلەت ءۇشىن ۇلكەن وقيعا.
دانيل كالۋگين مايدانعا 37 جاسىندا اتتانادى. 164-اتقىشتار ديۆيزياسىنىڭ قۇرامىندا سوعىسقان. 42 نىڭ تامىزىندا تۆەر وبلىسىنىڭ بولوتينو اۋىلى ماڭىندا كەڭەس اسكەرى مەن فاشيستەر اراسىندا قيان-كەسكى ۇرىس بولادى. سول جولى ەكى جاقتان دا سولداتتار قىرىلادى. الايدا ءبىزدىڭ اسكەرلەر جاۋدىڭ تەگەۋرىندى شابۋىلىن تويتارىپ، ولىسپەي بەرىسپەۋگە بەل بۋعان.
سوعىستان كەيىن دانيل كۋلاگيننىڭ وتباسى قولىنداعى تام-تۇم اقپاراتپەن عالامتور ارقىلى اتالارىن ىزدەپ كورەدى. الايدا ارەكەتتەرى ناتيجەسىز ەدى. ول ءىز-ءتۇزسىز جوعالعاندار قاتارىندا بولعان. وتكەن جىلدىڭ كوكتەمىندە جاۋىنگەردىڭ مۇردەسى تابىلىپ، باتىرعا لايىق قۇرمەتپەن جەرگىلىكتى زيراتتا جەرلەندى. ال ونىمەن بىرگە تابىلعان جاۋىنگەرلىك مەدالون بۇگىن ۇرپاعىنا تابىستالدى.
- مۇنداي مەدالون ءاربىر جاۋىنگەرگە بەرىلگەن. وندا ول تۋرالى بارلىق مالىمەت جازىلعان. قايدان، قاي ۋاقىتتا اسكەرگە شاقىرىلعانى كورسەتىلەدى. ءبىز بۇگىن سول قۇجاتتى وسكەلەڭ ۇرپاق الدىندا باتىردىڭ وتباسىنا تابىستادىق، - دەيدى استانا قالاسى قورعانىس دەپارتامەنتى باسشىسىنىڭ مىندەتىن اتقارۋشى مارات ەسەنوۆ.