پاۆلودارداعى اۋىلداردىڭ بىرىنە 750 باس اسىل تۇقىمدى سيىر جەتكىزىلدى
30 ماۋسىم 07:55

پاۆلودارداعى اۋىلداردىڭ بىرىنە 750 باس اسىل تۇقىمدى سيىر جەتكىزىلدى

پاۆلودار. قازاقپارات - بيىل وڭىردەگى ۆەسەلايا روشا اۋىلىندا جالپى قۇنى 2,8 ميلليارد تەڭگە بولاتىن تاۋارلى ءسۇت فەرماسى پايدالانۋعا بەرىلگەن، وعان اۆستريا مەن چەحيادان 750 باس ءسۇتتى، سيممەنتال اسىل تۇقىمدى ءىرى قارا مال اكەلىنگەن، دەپ حابارلايدى قازاقپارات ءتىلشىسى.

ايماقتاعى جەلەزين اۋدانىنىڭ اكىمى ايتۋعان ءشايحيموۆتىڭ ايتۋىنشا، قازىرگى ۋاقىتتا قۇناجىنداردىڭ بۇزاۋلاۋى باستالعان. كۇن سايىن شامامەن 2 توننا ءسۇت ساۋىلادى. جوبالىق قۋاتتىلىققا شىققان كەزدە بۇل كورسەتكىش جىلىنا 4 مىڭ تونناعا جەتەتىن بولادى.

«جالپى، سوڭعى 3 جىلدا مال سانىنىڭ جانە مال شارۋاشىلىعى ونىمدەرىن ءوندىرۋ كولەمىنىڭ تۇراقتى ءوسۋ ءۇردىسى ساقتالۋدا»، - دەدى ايتۋعان شايحيموۆ.

ايتا كەتەيىك، بۇعان دەيىن پاۆلوداردا قازاقشا ءبىلىم بەرەتىن العاشقى مەكتەپ- ليتسەي بوي كوتەرگەنىن مالىمدەگەنبىز. وندا سوڭعى بەس جىلدا مەملەكەتتىك تىلدە ءبىلىم بەرەتىن مەكتەپتەردىڭ قاتارى ارتقان. سونىڭ ىشىندە ءتورت ارالاس مەكتەپ تولىعىمەن قازاق تىلىنە اۋىستى.

اۆتور: اسحات رايقۇل

جاڭالىقتار