قانتتىڭ كەلىسى 750 تەڭگەدەن جوعارى ساتىلىپ جاتىر

None
None
پەتروپاۆل. قازاقپارات - سولتۇستىك قازاقستان وبلىسىندا قانت تاعى دا قىمباتتادى.

وتكەن اپتادا ەركىن ساتىلىمدا كەلىسى 540-580 تەڭگەدەن ساۋدالانعان ءونىم بىرەر كۇندە بىردەن شامامەن 200 تەڭگەگە قىمباتتادى، دەپ حابارلايدى قازاقپارات ءتىلشىسى.

پەتروپاۆلداعى كوتەرمە ساۋدا بازارىنداعى ساتۋشىلاردىڭ ايتۋىنشا، وتكەن اپتادا قانت بازار سورەلەرىنەن 3-4 كۇنگە جوعالىپ كەتكەن. وسى اپتانىڭ باسىنان ونى ەڭ ارزان دەگەندە 750 تەڭگەدەن ساۋدالاپ جاتىر. ءونىم بىردەن 200 تەڭگەگە قىمباتتاعان.

«باعانى تۇراقتاندىرۋ ماقساتىندا ءىرى ساۋدا ورىندارىنا، بازارلارعا قانتتىڭ تاۋلىكتىك نورماسى جەتكىزىلىپ جاتىر. بۇدان بولەك، كوممەرتسيالىق قانت باسقا ساۋدا ورىندارىندا دا جەتكىلىكتى. ال كونديتەرلىك كاسىپورىندارعا ءۇش فيرما قانتتىڭ كەلىسىن 485 تەڭگەدەن وتكىزىپ جاتىر. جالپى بيىل ءبىز 816 توننا - 12 ۆاگون قانت ساتىپ الدىق. قازىر تۇراقتاندىرۋ قورىنداعى بىلتىر الىنعان قانت ساتىلىپ جاتىر. ءساۋىر ايىندا «ازىق تۇلىك كورپوراتسياسى» ۇ ك» ا ق ارقىلى قوسىمشا 136 توننا ساتىپ الىندى»، - دەيدى س ق و كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ءبولىم باسشىسى ءلاززات عالەيەۆا.

مامانداردىڭ ايتۋىنشا، قازىرگى ۋاقىتتا تۇراقتاندىرۋ قورىندا 406 توننا قانت بار.

«تۇراقتاندىرۋ قورىنداعى قانت الەۋمەتتىك-كاسىپكەرلىك كورپوراتسياسىنىڭ ساۋدا ورىندارىنا، ءىرى ساۋدا جەلىلەرىنە، سۋپەرماركەتتەرگە، ساۋدا ۇيلەرىنە جەتكىزىلەدى. بازارلاردا عانا ءبىزدىڭ 6 ساۋدا ورنىمىز بار. بۇل جەرلەردە باعاسى - 330 تەڭگە. ساۋدا ورىندارى ۇستىنەن 20 تەڭگە قوسىپ ساتا الادى. تەك ءبىر عانا ءىرى ساۋدا جەلىسى ارقىلى اپتاسىنا 12 توننا قانت ساتىلادى»، - دەيدى «سولتۇستىك» ا ك ك ۇ ك ا ق باسقارما ءتوراعاسىنىڭ ورىنباسارى عامالي جۇماشوۆ.

تۇراقتاندىرۋ قورىنداعى قانت كۇزگە دەيىن عانا جەتەدى، سول سەبەپتى قازىر كوكسۋ قانت زاۋىتىمەن كەلىسسوز جۇرگىزىلىپ جاتىر.

«زاۋىتتار دا قانتتىڭ باعاسىن كوتەرىپ جىبەردى. مىسالى كوكسۋ قانت زاۋىتى بىزگە قانتتىڭ كەلىسىن 430 تەڭگەدەن ۇسىنىپ وتىر. ءبىز ازىرگە ول باعانى قىمباتسىنىپ، كەلىسىمگە كەلگەن جوقپىز»، - دەيدى عامالي جۇماشوۆ.

مامانداردىڭ سوزىنشە، قازىرگى ۋاقىتتا ۇكىمەتتە قازاقستاندىق زاۋىتتاردىڭ قانت ءوندىرىسىن ارتتىرۋ ماسەلەسى قارالىپ جاتىر.

سوڭعى جاڭالىقتار