ەلوردانىڭ احۋالدىق ورتالىعى ك ۆ ي انىقتالعان 750 ناۋقاستى ستاتسيونارلارعا ءبولدى

نۇر- سۇلتان. قازاقپارات - ەلوردادا احۋالدىق جانە بايلانىس ورتالىقتارى جۇمىس ىستەيدى، ولار ارقىلى قىزمەتكەرلەر ك ۆ ي انىقتالعان ناۋقاستاردى ستاتسيونارلارعا بولەدى، دەپ حابارلايدى قازاقپارات قالا اكىمدىگىنە سىلتەمە جاساپ.

وسىلايشا، جاقىندا قۇرىلعان احۋالدىق ورتالىق ەمحانالارداعى ناۋقاستارمەن جۇمىس ىستەيدى. 23 -ماۋسىمنان باستاپ 750 ناۋقاستى ستاتسيونار بويىنشا ءبولدى، بايلانىس ورتالىعى جەدەل جاردەم ستانساسىمەن تىكەلەي جۇمىس ىستەيدى (تەل.705103).

كۇن سايىن شامامەن 500 ءوتىنىش قابىلدايدى. بۇل ورتالىقتار جەدەل جاردەم ستانساسى جۇكتەمەسىن ايتارلىقتاي تومەندەتۋگە مۇمكىندىك بەردى.

«ناۋقاستار لەگىن دۇرىس ءبولۋ وتە ماڭىزدى. جەدەل جاردەم ستانساسى بازاسىندا بۇرىن كەڭەس زالى بولعان. ءبىز ونى احۋالدىق جانە بايلانىس ورتالىقتارى دەپ وزگەرتتىك. مۇنداي ورتالىقتاردىڭ اشىلۋى جەدەل جاردەم شاقىرۋشىلار سانىن ازايتۋعا عانا ەمەس، سونىمەن قاتار ناۋقاستارعا جەدەل مەديتسينالىق كومەك كورسەتۋگە مۇمكىندىك بەرەدى. ەگەر بۇرىن جەدەل جاردەمگە كۇنىنە 3 مىڭنان استام ءوتىنىش تۇسسە، قازىر 2 مىڭنان ءسال ارتىق. سونىمەن قاتار جەدەل مەديتسينالىق كومەك ستانساياسىنىڭ تەلەگرام- بوتى (@ns103bot) ىسكە قوسىلدى. تەلەگرام چات- بوت 24 ماۋسىمنان بەرى 1800 ءوتىنىش قابىلدادى. كەرى بايلانىستى كۇشەيتۋ بويىنشا جۇيەلى جۇمىستار جۇرگىزىپ جاتىرمىز»، - دەدى قالا اكىمى التاي كولگىنوۆ.

سونداي- اق Damumed ءموبيلدى قوسىمشاسى ىسكە قوسىلدى. ول ارقىلى ونلاين- قابىلداۋعا جازىلۋعا جانە بەينەقوڭىراۋ فورماتىندا تەگىن كەڭەس الۋعا بولادى. قابىلداۋ تۋرالى اقپارات دارىگەردىڭ مەديتسينالىق جازباسىندا ساقتالادى. بمسك 31 ۇيىمى ەلوردا تۇرعىندارى ءۇشىن تەگىن بەينە- كەڭەستەر بەرەتىن بولادى. 19 ۇيىم قوسىمشا قوسىلدى. تەلەمەديتسينا قۇرالدارى ارقىلى ناۋقاستاردى باقىلاۋ بويىنشا جۇمىستار بەلسەندى جۇرگىزىلۋدە. بۇدان بولەك، كوروناۆيرۋس جانە وعان قاتىستى قابىلدانعان شارالار تۋرالى بارلىق رەسمي اقپارات covid19.astana.kz پورتالىندا جاريالانادى.