بەردىبەك ساپاربايەۆ التىن وردانىڭ 750 جىلدىعىنا ارنالعان حالىقارالىق كونفەرەنسياعا قاتىسۋدا
حالىقارالىق ءىس-شاراعا قازاقستان رەسپۋبليكاسى پرەمەر- ءمينيسترىنىڭ ورىنباسارى بەردىبەك ساپاربايەۆ، مادەنيەت جانە سپورت ۆيتسە-ءمينيسترى وركەن بيساقايەۆ پەن جامبىل وبلىسىنىڭ اكىمى اسقار مىرزاحمەتوۆ، حالىقارالىق تۇركى اكادەمياسىنىڭ پرەزيدەنتى دارحان قىدىرالى، عالىمدار، مادەنيەت جانە ءبىلىم سالاسىنىڭ قىزمەتكەرلەرى، ج و و وقىتۋشىلارى مەن ب ا ق وكىلدەرى قاتىسۋدا.
«بيىل 24- تامىزدا «ۇلىتاۋ-2019» حالىقارالىق تۋريستىك فورۋمى كەزىندە پرەزيدەنت قاسىم-جومارت توقايەۆ ۇلىتاۋدا حالىقارالىق دەڭگەيدەگى ەتنوگرافيالىق تۋريزم ورتالىعىن قۇرۋدى تاپسىرعان ەدى. اتالعان جوسپاردى جۇزەگە اسىرۋ ماقساتىندا 2020-جىلى التىن وردانىڭ 750 جىلدىعى اتاپ وتىلەدى. وسى ورايدا دايىندالعان كەشەندى جوسپارعا سايكەس ورتالىق دەڭەگەيىندە 50 دەن استام مەرەكەلىك ءىس-شارا وتەدى. بۇل قاتاردا وتاندىق جانە شەتەلدىك عالىمداردىڭ قاتىسۋىمەن حالىقارالىق عىلىمي كونفەرەنسيا وتكىزۋ، التىن وردانىڭ تاريحىنا ارنالعان مونوگرافيالار مەن كىتاپتار شىعارۋ، ۇلىتاۋ ءوڭىرىنىڭ تۋريستىك الەۋەتىن ىلگەرىلەتۋ، ارحەولوگيالىق قازبا جۇمىستارىن جۇرگىزۋ، دەرەكتى فيلم شىعارۋ قاراستىرىلۋدا. سونداي-اق، جوشى حان، الاشا حان كەسەنەسىنە عىلىمي-رەستاۆراتسيالاۋ جۇمىستارىن جۇرگىزۋ، التىن شوقى تاۋىنىڭ توبەسىندەگى ءامىر تەمىر جازۋى بار مەموريالدىق تاقتانىڭ اۋماعىن اباتتاندىرۋ كوزدەلىپ وتىر. وسى ءىس-شارالار ناتيجەسىندە ەلىمىزدىڭ مادەني مۇراسىن جاڭعىرتۋ ءۇشىن پلاتفورما قۇرىلىپ، التىن وردانىڭ تاريحي-مادەني مۇراسىن ناسيحاتتاۋدى UNESCO مەن UNWTO- نىڭ حالىقارالىق باعدارلاماسىنا ەنگىزۋگە العىشارت جاسالماق»، - دەدى ب. ساپاربايەۆ.
كونفەرەنسيا بارىسىندا تالاس قۇرىلتايىنىڭ جانە التىن وردا مەملەكەتىنىڭ 750 جىلدىعى، ءجۇسىپ بالاساعۇننىڭ ايگىلى «قۇتتى بىلىك» كىتابىنىڭ 950 جىلدىعىنا وراي مازمۇندى باياندامالار جاسالىپ، قاتىسۋشىلار پايىمدى پىكىرلەرىمەن بولىسپەك.