+7 (701) 759 90 19
16 °С : نۇر-سۇلتان
18 °С : الماتى
USD 405.77 EUR 457.91
RUB 5.77 CNY 57.42
جاڭالىقتار

قاراعاندى وبلىسىندا 74 ەكونوميكالىق قىلمىس انىقتالدى

30 ماۋسىم 09:13
:ءبولىسۋ
قاراعاندى وبلىسىندا 74 ەكونوميكالىق قىلمىس انىقتالدى

قاراعاندى. قازاقپارات - قاراعاندى وبلىسىندا جالعان شەتەل ۆاليۋتاسىن ساتۋعا قاتىستى قىلمىستىق ءىس اشىلدى.

500 ەۋرو تۇراتىن جالعان اقشا شەت ەلدەردە جاسالعانى انىقتالدى. ويىن بيزنەسى سالاسىنداعى قىلمىستىق توپ جەزقازعاندا جانە ساتبايەۆ قالاسىندا ۇستالدى، دەپ حابارلايدى قازاقپارات ءتىلشىسى.

وبلىس اكىمدىگىندە وتكەن اپپاراتتىق كەڭەستە كولەڭكەلى ەكونوميكاعا قارسى ءىس-قيمىلدىڭ وسى جانە باسقا دا فاكتىلەرى بەلگىلى بولدى. ەكونوميكالىق قىلمىستارمەن كۇرەستى كۇشەيتۋ ماسەلەسى ونلاين رەجيمدە تالقىلاندى.

ەكونوميكالىق تەرگەۋ دەپارتامەنتىنىڭ باسشىسى دانيار اقجانوۆتىڭ ايتۋىنشا، كولەڭكەلى ەكونوميكانى تومەندەتۋ، بيزنەستى قورعاۋ جانە سىبايلاس جەمقورلىققا قارسى ءىس-قيمىل جونىندەگى 2020-جىلعا ارنالعان جول كارتاسى جۇمىس ىستەۋدە.

التى نەگىزگى باسىمدىقتار انىقتالعان:

«اينالىمدى توقتات» (قولما-قول اقشاعا اينالدىرۋ جانە سالىق تولەۋدەن جالتارۋ)؛

«كازينو» (زاڭسىز ويىن بيزنەسى)؛

«قازىنا» (بيۋدجەت قاراجاتىن ۇرلاۋ)؛

«كۋرەر» (كونتراباندا)؛

«ابايلاڭىز: جالعان اقشا!» (جالعان اقشا جاساۋ)؛

«باررەل» (مۇناي جانە مۇناي ونىمدەرىنىڭ زاڭسىز اينالىمى).

وتكەن جىلى قاراعاندى وبلىسىندا بانكتەردەگى اقشانى قولما-قول اقشاعا اينالدىرۋ كولەمى تومەندەدى، دەپ حابارلادى دانيار اقجانوۆ.

جالعان شوت-فاكتۋرالاردى شىعارۋمەن اينالىساتىن التى ۇ ق ت قىزمەتىنىڭ جولى كەسىلدى. «وتكەن ايدا وبلىستىق ۇقكد كومەگىمەن قىلمىستىق توپ جويىلدى، ول 2018-جىلعى قاڭتاردان باستاپ 2020-جىلعى مامىرعا دەيىن جەزقازعان مەن ساتبايەۆ قالالارىندا زاڭسىز ويىن بيزنەسىن جۇرگىزگەن.

ءۇش كۇدىكتى قاماۋعا الىندى، تەرگەۋ جۇرگىزىلۋدە.

«ابايلاڭىز: جالعان اقشا! «مامىر ايىندا ەلىمىزدىڭ ءار وڭىرىندە 500 ەۋرو تۇراتىن جالعان كۋپيۋرالاردى وتكىزۋدىڭ كوپتەگەن فاكتىلەرى بويىنشا قىلمىستىق ءىستىڭ 25 ەپيزودى سوتقا جىبەرىلدى»، - دەدى دەپارتامەنت باسشىسى.

بۇدان باسقا، B2B Jewelry قارجى پيراميداسىن ۇيىمداستىرۋشىلاردىڭ قىزمەتى توقتاتىلدى.

قىلمىستىق ءىس الماتىدا تەرگەلەتىن بولادى. دەپارتامەنتتىڭ اقپاراتى بويىنشا، 2020-جىلدىڭ باسىنان بەرى قاراعاندى وبلىسىندا ەكونوميكالىق قىلمىستار بويىنشا 74 قىلمىستىق ءىس تىركەلگەن.

مەملەكەتتىك كىرىستەر دەپارتامەنتىنىڭ مالىمەتى بويىنشا، سوڭعى ءۇش جىلدا كولەڭكەدەن 1300 دەن استام تىركەۋدە جوق كاسىپكەر شىعارىلدى.

63 مىڭ ليتر كولەمىندە الكوگولدى، 11 مىڭ قوراپ تەمەكى ونىمدەرىن، 503554 ليتر مۇناي ونىمدەرىن زاڭسىز ساتۋدىڭ جولى كەسىلدى. وبلىس اكىمى جەڭىس قاسىمبەك كولەڭكەلى ەكونوميكامەن كۇرەس بويىنشا وڭىرلىك جوسپار ازىرلەۋدى تاپسىردى.

«سوڭعى ءۇش جىلدا بەلگىلى ءبىر ۇردىستەر بار. ءبىراق كولەڭكەلى ەكونوميكانىڭ ۇلەسى جوعارى بولىپ قالۋدا - شامامەن %25. شارالاردى كۇشەيتۋ قاجەت. ەڭبەك قاتىناستارى ماسەلەلەرىن قامتىڭىزدار. كونۆەرتتەردەگى جالاقى ءالى دە بار ەكەنىن مويىنداۋ كەرەك. ماسەلە وزەكتى. جۇيەلى ءتاسىل قاجەت»، - دەپ تۇيىندەدى جەڭىس قاسىمبەك.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات