الەمدەگى ۆاكسينانىڭ 73 پايىزى ون مەملەكەتتە عانا ەگىلگەن - ب ۇ ۇ ۆاكسيناتسيا تەڭسىزدىگى تۋرالى
بۇل تۋرالى قازاقستان رەسپۋبليكاسىنداعى ب ۇ ۇ تۇراقتى ۇيلەستىرۋشىسى ميكاەلا فيربەرگ- ستوري ايتتى، دەپ حابارلايدى قازاقپارات ءتىلشىسى.
«جاقىندا ب ۇ ۇ باس حاتشىسى انتوني گۋتەرريش جاھاندىق پاندەميا بويىنشا سامميتتە الەم بويىنشا ۆاكسينا بولۋدەگى ادىلەتسىزدىكتى اتادى. ءبىز ۆاكسينا ءوندىرىسىن ەكى ەسەگە ۇلعايتۋىمىز كەرەك جانە بۇل جوسپار ۆاكسينانى ادىلەتتى تاراتۋدى مەڭزەيدى. جىل سوڭىنا دەيىن الەم حالقىنىڭ 40 پايىزىن، ال 2022 -جىلدىڭ العاشقى جارتى جىلىندا - 70 پايىزىن ۆاكسينامەن قامتۋ كوزدەلگەن. قازىر الەم بويىنشا 5,7 ميلليارد دوزا ۆاكسينا سالىنعان، ءبىراق ونىڭ 73 پايىزى 10 مەملەكەت اۋماعىنا تيەسىلى. ال افريكا ەلدەرىندە ادامداردىڭ 3 پايىزى عانا ۆاكسينالانعان. بۇل - ۇلكەن سىن- تەگەۋرىندەردىڭ ءبىرى. ءبىز ءۇشىن جاھاندىق دەنساۋلىقتى نىعايتۋ ءۇشىن رەفورمالار قاجەت، ۆاكسينا تۋرالى دۇرىس ناقتى اقپاراتتار قولجەتىمدى بولۋى كەرەك»، - دەدى سپيكەر Astana Media Week فورۋمىنىڭ «جاڭا، كوۆيدتان كەيىنگى الەمدەگى قوعام جانە ب ا ق» پانەلدىك سەسسياسىندا.
سونىمەن بىرگە ب ۇ ۇ ۇيلەستىرۋشىسى قازىرگى فەيكتەر مەن ينفودەمياعا قارسى جاڭا تاسىلدەر قاجەتتىگىن اتاپ ءوتتى.
«دۇرىس كوممۋنيكاتسيا ءومىردى قۇتقاراتىنىن ءتۇسىنۋ قاجەت. سوندىقتان ءبىز كوروناۆيرۋس تۋرالى فەيكتەرگە قارسى «تەكسەرىلدى» اتتى جاھاندىق ناۋقاندى جۇزەگە اسىرىپ وتىرمىز. مۇندا تەكسەرىلگەن تۇسىنىكتى، مازمۇندى جانە فاكتىلەرگە سۇيەنگەن اقپاراتتاردى بولىسەمىز. ەڭ باستىسى - حالىق تاراپىنان مول سەنىم بولۋى قاجەت. ءبىز ب ۇ ۇ رەتىندە كوروناۆيرۋس پەن جالعان اقپاراتقا قارسى شارالاردى جالعاستىرا بەرەمىز»، - دەدى ميكاەلا فيربەرگ- ستوري.
ەسكە سالا كەتسەك، كەشە ەلوردادا Astana Media Week - 2021 -جىل سايىنعى مەديااپتالىعى باستالدى. AMW-2021 بارىسىندا حالىقارالىق مەدياقاۋىمداستىق مۇشەلەرى اقپاراتتىق كۇن ءتارتىبىنىڭ وزەكتى ماسەلەلەرىن كوتەرەدى. ونداعى ءىس- شارالار ونلاين جانە وفلاين- الاڭداردا دا جوسپارلانعان.
اۆتور: ايجان سەرىكجان قىزى