اتىراۋدا 73 جاستاعى دارىگەر ۆاكسينا سالدىردى
وبلىس اكىمىنىڭ ورىنباسارى باقىتگۇل حامەنوۆانىڭ مالىمەتىنشە، اتىراۋعا ۆاكسينالاۋ باستالاردان ءبىر كۇن بۇرىن «سپۋتنيك- V» ۆاكسيناسىنىڭ 1000 دوزاسى جەتكىزىلگەن. ۆاكسينا سالۋ ءۇشىن اتىراۋ قالاسىندا 16، ال اۋدانداردا 8 ارنايى ورىن دايىندالعان.
«دارىگەرلەرمەن بىرگە، كوروناۆيرۋسقا قارسى ۆاكسينانىڭ ەكىنشى كومپونەنتىن الدىم. ۆاكسيناتسيا ازداپ اۋىرسىنۋمەن قاتار ءجۇردى. ءبىراق ءبىرىنشى كەزەڭنەن كەيىن جاناما اسەرى بولعان جوق. ۆاكسينا الۋ - «Covid-19» قاۋىپتى ۆيرۋسىن جۇقتىرماۋدىڭ باستى جولى»، - دەيدى باقىتگۇل حامەنوۆا.
ۆاكسينا سالدىرعان دارىگەرلەردىڭ اراسىندا 73 جاستاعى حيرۋرگ مارات ەسجانوۆ تا بار. ونىڭ ايتۋىنشا، ۆاكسينانىڭ جاناما اسەرى جوق.
«مەن دە 1-اقپاندا ارىپتەستەرىممەن بىرگە كوروناۆيرۋسقا قارسى ۆاكسينانىڭ ءبىرىنشى كەزەڭىن الدىم. دەنە قىزۋى، السىزدىك، باس اينالۋ سەكىلدى اسەرلەر، باسقا دا اسقىنۋلار بولعان جوق. ۆاكسيناتسيادان كەيىن 10-15 مينۋت دارىگەرلەر باقىلاۋىندا بولدىق. كەيىن كۇندەلىكتى جۇمىسىمىزعا كىرىستىك»، - دەيدى مارات ەسجانوۆ.
ەسكە سالا كەتەلىك، اتىراۋ وبلىسىندا ۆاكسيناتسيالاۋدىڭ ءبىرىنشى كەزەڭى اياقتالعانىن حابارلاعان ەدىك.
اۆتور: بەك مۇستافا