رەسپۋبليكا بويىنشا 7353 سايلاۋ ۋچاسكەسى جۇمىسىن باستادى
اقمولا وبلىسىندا 724 سايلاۋ ۋچاسكەسى جۇمىسىن باستادى. بارلىق سايلاۋ ۋچاسكەلەرى تۇراقتى جانە تاسىمالداناتىن سايلاۋ جاشىكتەرىمەن، قاجەتتى اقپاراتتىق ماتەريالدارمەن قامتىلعان. 684 سايلاۋ ۋچاسكەسىندە مۇمكىندىگى شەكتەۋلى ازاماتتار داۋىس بەرۋى ءۇشىن بارلىق جاعداي جاسالعان، ارنايى جابدىقتالعان بۇرىش قاراستىرىلعان. داۋىس بەرەتىن ورنى تۋرالى سايلاۋشىلار ۋاقىتى حابارلاندىرىلعان. سايلاۋ بيۋللەتەندەرى دەر كەزىندە جەتكىزىلىپ، كۇزەتكە الىنعان.
الماتى وبلىسىندا 1040 سايلاۋ ۋچاسكەسى بار. ونىڭ ىشىندە 52- ءسى - ۋاقىتشا ۋچاسكە. اۋماقتىق جانە ۋچاسكەلىك سايلاۋ كوميسسيالارىنىڭ 7549 مۇشەسى جۇمىس ىستەيدى. بارلىق ۋچاسكەلەر تۇراقتى جانە تاسىمالداناتىن سايلاۋ جاشىكتەرىمەن، قاجەتتى اقپاراتتىق ماتەريالدارمەن قامتىلىپ، مۇگەدەك ازاماتتاردىڭ داۋىس بەرۋگە قولايلى جاعداي جاسالعان.
شىعىس قازاقستان وبلىسىندا 1040 سايلاۋ ۋچاسكەسىندە داۋىس بەرۋ باستالدى. ونىڭ ىشىندە سايلاۋشىلار ۋاقىتشا كەلەتىن 69 سايلاۋ ۋچاسكەسى بار. سايلاۋ ۋچاسكەلەرىندە 6770 كوميسسيا مۇشەسى جۇمىس ىستەيدى. داۋىس بەرۋگە ارنالعان بيۋللەتەندەر وبلىسقا 3 - ماۋسىمدا جەتكىزىلىپ، بارلىق سايلاۋ ۋچاسكەلەرىنە تاراتىلعان.
جامبىل وبلىسىندا 484 سايلاۋ ۋچاسكەسىنىڭ بارلىعى ەلىمىزدىڭ ورتالىق سايلاۋ كوميسسياسىنىڭ سايلاۋ ۋچاسكەسىن جاراقتاندىرۋ تۋرالى نۇسقاۋلىعىنا سايكەس تولىعىمەن دايىن. مۇمكىندىگى شەكتەۋلى ازاماتتار داۋىس بەرۋى ءۇشىن سايلاۋ ۋچسكەلەرىندە تالاپتارعا سايكەس قولايلى جاعدايلار جاسالعان.
قاراعاندى وبلىسىندا 787 سايلاۋ ۋچاسكەسىندە داۋىس بەرۋ بيۋلەتەندەرىن سالۋعا ارنالعان 2504 كابينا ورناتىلعان. ۋچاسكەلەر تۇراقتى جانە تاسىمالداناتىن سايلاۋ جاشىكتەرىمەن، قاجەتتى اقپاراتتىق ماتەريالدارمەن قامتاماسىز ەتىلگەن. 751 سايلاۋ ۋچاسكەسىندە مۇمكىندىگى شەكتەۋلى ازاماتتاردىڭ داۋىس بەرۋىنە قولايلى جاعداي قاراستىرىلعان.
قوستاناي وبلىسىنىڭ اۋماعىنداعى 782 سايلاۋ ۋچاسكەسىنىڭ بارلىعى دا ماتەريالدىق- تەحنيكالىق جاعىنان قامتاماسىز ەتىلگەن. سايلاۋدى وتكىزۋگە قاجەتتى بارلىق ماتەريالدارى بار.
پاۆلودار وبلىسىندا 543 سايلاۋ ۋچاسكەسىنىڭ بارلىعىنا جەتكىلىكتى داۋىس بەرۋ كابينالارى ورناتىلعان. بارلىق ۋچاسكەلەر تۇراقتى جانە تاسىمالداناتىن سايلاۋ جاشىكتەرىمەن، قاجەتتى اقپاراتتىق ماتەريالدارمەن قامتاماسىز ەتىلگەن. ۋچاسكەلەردىڭ بارلىعىندا مۇگەدەك سايلاۋشىلاردىڭ داۋىس بەرۋىنە قولايلى جاعداي جاسالعان.
تۇركىستان وبلىسىندا 889 سايلاۋ ۋچاسكەسى بار. ءار سايلاۋ ۋچاسكەسى كەرەكتى ماتەريالدىق- تەحنيكالىق قۇرالدارمەن جابدىقتالعان، تۇراقتى جانە تاسىمالداناتىن سايلاۋ جاشىكتەرىمەن، ادىستەمەلىك ماتەريالدارمەن تولىق قامتاماسىز ەتىلگەن. 743 سايلاۋ ۋچاسكەسىندە مۇمكىندىگى شەكتەۋلى ازاماتتاردىڭ داۋىس بەرۋ قۇقىعىن قامتاماسىز ەتۋ ءۇشىن قاجەتتى جۇمىستار اتقارىلعان.
نۇر- سۇلتان قالاسىندا 303 سايلاۋ ۋچاسكەسى، ونىڭ ىشىندە 65 سايلاۋ ۋچاسكەسى قازاقستاننىڭ شەت مەملەكەتتەردەگى وكىلدىكتەرىنىڭ جانىنان قۇرىلعان. ۋچاسكەلەر ماتەريالدىق- تەحنيكالىق جابدىقتالعان، تۇراقتى جانە تاسىمالداناتىن سايلاۋ جاشىكتەرىمەن، ادىستەمەلىك ماتەريالدارمەن تولىق قامتاماسىز ەتىلگەن. سايلاۋشىلار تىزىمىنە 663 463 ادام تىركەلگەن.
شىمكەنت قالاسىندا 263 ۋچاسكە جۇمىس ىستەيدى. ولاردىڭ بارلىعى كەرەكتى جابدىقتارمەن قامتاماسىز ەتىلگەن. مۇمكىندىگى شەكتەۋلى ازاماتتارعا بارلىق جاعداي جاسالعان.
الماتىدا 563 سايلاۋ ۋچاسكەلەرى جۇمىسىن باستادى. قالا بويىنشا بۇگىندە 1 ميلليون 130 مىڭ 792 سايلاۋشى تىركەلگەن. ۋچاسكەلەر تۇراقتى جانە تاسىمالداناتىن سايلاۋ جاشىكتەرىمەن، قاجەتتى اقپاراتتىق ماتەريالدارمەن قامتاماسىز ەتىلگەن. مۇمكىندىگى شەكتەۋلى ازاماتتاردىڭ دا داۋىس بەرۋى ءۇشىن بارلىق مۇمكىنشىلىكتەر قاراستىرىلعان.