ەكس-اكىم بەرگەي رىسقاليەۆ 72 ميلليارد تەڭگەنى جىمقىردى دەپ كۇدىككە ىلىكتى

None
None
اتىراۋ. قازاقپارات - بۇگىن اتىراۋ وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىندا ءوڭىردىڭ بۇرىنعى اكىمى بەرگەي رىسقاليەۆ جانە ونىڭ سىبايلاستارىنا قاتىستى باستى سوت تالقىلاۋىنا دايىندىق باستالدى، دەپ حابارلايدى قازاقپارات ءتىلشىسى.

وبلىستىق سوتتىڭ سۋدياسى تىنىشتىق نۇرىموۆا سوتتالۋشىلارعا سوت تۋرالى حابار بەرىلگەنىن مالىمدەدى. ءبىراق ولار قازاقستان رەسپۋبليكاسىنان تىس جەردە ءجۇر جانە سوتقا كەلمەگەن. سوندىقتان سوت ءىستى سوتتالۋشىلاردىڭ قاتىسۋىنسىز، سىرتتاي سوتتاۋ تارتىبىمەن قاراۋ دۇرىس دەپ سانايدى.



تەرگەۋ نۇسقاسىنا قاراعاندا، بۇرىنعى اكىم قولاستىنداعىلارمەن بىرگە مەملەكەت قاراجاتىن قىلمىستىق جولمەن جىمقىرۋ جوسپارىن جاساعان. ولاردىڭ بۇل ارەكەتىنەن كەلگەن زالالدىڭ كولەمى 72 ميلليارد تەڭگە دەپ باعالاندى. قىلمىستىق ءىستىڭ فيگۋرانتتارى: ب. رىسقاليەۆ، ونىڭ اعاسى ا. رىسقاليەۆ جانە 7 ادام، ءىس 754 تومنان تۇرادى.

وبلىستا ب. رىسقاليەۆ كومانداسىنىڭ ۇستىنەن العاشقى سوت 2014 -جىلى وتكەن بولاتىن. سول كەزدە ىشىندە شەنەۋنىگى بار، بيزنەسمەنى بار - جالپى 11 ادام ءتۇرلى مەرزىمگە باس بوستاندىعىنان ايىرىلعان.

  

سوڭعى جاڭالىقتار