ءسان- سالتانات سالىعىن تولەۋى ءتيىس 720 ادام انىقتالدى

None
استانا. قازاقپارات - مەنشىگىندە قىمبات ءۇيى بار ازاماتتاردىڭ باسىم بولىگى رەسپۋبليكالىق ماڭىزى بار قالالاردا جانە استانادا تۇرادى. بۇل تۋرالى مەملەكەتتىك كىرىستەر كوميتەتى حابارلادى.

مەملەكەتتىك كىرىستەر كوميتەتى مەملەكەت باسشىسىنىڭ 2022 -جىلعى 1- قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىنا سايكەس فيسكالدى رەتتەۋ ءىسىن قايتا جاڭعىرتۋ ءۇشىن 2023 -جىلى جاڭا سالىق كودەكسى ازىرلەنەدى.

سالىق رەفورماسى شەڭبەرىندە «ءسان- سالتانات سالىعىن» ەنگىزۋ مۇمكىندىگى قاراستىرىلادى. ول قىمبات جىلجىمايتىن مۇلىك وبەكتىلەرىن، كولىك قۇرالدارىن ساتىپ الۋ كەزىندە الىنادى جانە ورتا تاپقا اسەر ەتپەيدى.

بۇل ماسەلە الەمدىك تاجىريبەنى ەسكەرە وتىرىپ، ۇلتتىق ەكونوميكا مينيسترلىگى جانىنداعى سالىق زاڭناماسىن جەتىلدىرۋ جونىندەگى جۇمىس توبى شەڭبەرىندە قاراستىرىلاتىن بولادى.

قازىرگى ۋاقىتتا جەكە تۇلعالاردىڭ مۇلىك سالىعى بويىنشا وسى سالىقتى ەسەپتەۋ ءۇشىن «ازاماتتارعا ارنالعان ۇكىمەت» ك ە ا ق ايقىندايتىن قۇنعا بايلانىستى سالىق مولشەرلەمەلەرىنىڭ پروگرەسسيۆتى شكالاسى بەلگىلەنگەن. سول سياقتى، كولىك قۇرالدارى سالىعى بويىنشا قوزعالتقىشتىڭ كولەمىنە بايلانىستى سالىق مولشەرلەمەلەرىنىڭ پروگرەسسيۆتى شكالاسى بەلگىلەنگەن.

ماسەلەن، 2021 -جىلى جەكە تۇلعالاردىڭ مۇلىك سالىعىنىڭ سوماسى 3,8 ميلليون سالىق تولەۋشىدەن 15,3 ميلليارد تەڭگەنى قۇرادى.

«ازاماتتارعا ارنالعان ۇكىمەت» ك ە ا ق ۇسىنعان باعالاۋ قۇنىنا سايكەس سالىق تولەۋشىلەردىڭ نەگىزگى سانى - 3,0 ميلليون ادام نەمەسە % 78,4 قۇنى 4 ميلليون تەڭگەگە دەيىنگى مۇلىكتىڭ يەلەرى بولىپ تابىلادى.

سونىمەن بىرگە باعالاۋ قۇنى جوعارى سالىق سالۋ وبەكتىلەرى بار. ماسەلەن، قۇنى 100 ميلليون تەڭگەدەن اساتىن جىلجىمايتىن مۇلىك يەلەرىنىڭ سانى 720 ادامدى قۇرادى، ولارعا جالپى العاندا 610 ميلليون تەڭگە مۇلىك سالىعى ەسەپتەلدى. مۇنداي مەنشىك يەلەرىنىڭ نەگىزگى بولىگى رەسپۋبليكالىق ماڭىزى بار قالالاردا جانە استانادا - 649 ادام نەمەسە % 90,1 تۇرادى.


سوڭعى جاڭالىقتار